كرونيك:💕💕 تزوجت هندية💕💕

104

الحلقة 104
قاعد قدام طاقة ساند روحوا بلحيط لابس شورط وتريكوا ديمي مونش يخزر للسماء مهموم يخمم كيفاه راح يحل كل مشاكل لي صايرة محس كان بيد تحطت على جنبوا دار وكانت هزار شاف في عنيها وسكت سرح في عنيها وهي سرحت فلحزن لي في عنيه قالت : رائد لا تفكر كتير بأذن الله كل شي راح ينحل
خزر فيها وقال : كل شي راح ينحل الا قصتنا راح تبقى معقدة وماراح تنحل كل ما نفكر فيك نبقى نلوم في روحي ونندم بزاف على واش صرى نتمنى كون جيتي تسمحيلي وتريحي قلبي غير شوي
هزار : نقدر اني نسامحك اما يا ريت قلبي يرجع كيما قبل
حكم يدها وقال : المهم انك تسامحيني نعرف انوا انا وانت مناش لبعضانا نعرف بعد لي صار انت كرهتيني وانا نحترم مشاعرك سامحيني برك
هز روحوا وخرج للجنينة وهي بقات تطل عليه من الطاقة وقالت : كيف بدك ياني سامحك وانت بدك ترجع تتخلى عني من جديد وتروح وتتركني
طاحت دمعتها وقالت : ما بعرف ليش مانك عم تشوف كل الحب لي في عينيا ليك
قاعد فجنينة يخمم مع روحوا وقال بصوت واطي : نعرف انك ماكش قادرة تسامحيني وتحسي اني خذلتك اما سامحيني واذا حابة تروحي روحي قلبي مجروح من يوم راحت ليندة وخلتني وجرحك اعمق اما مع لوقت يتدفن والفت لجروح وغلفت لجروح
قعد على كرسي سند راسوا بيه وشعل غنية بتلفونوا وقعد يسمعلها ويتذكر في ذكرياتوا " محتمة نخليك انت مراك ليا وانا ليك ( يتفكر فيها كيف يشوفها تجري فشوارع بشعرها طويل ) علاش نبغيييك راني غير نعذب في قلبي ونعذب بيك خايف عليك من الولف تصعاب عليا وتصعب عليك ( تفكرها كيف ترقد عندوا في حظنوا وتكون راقدة ببراءة على وجهها ) شي ينسييييك انا بروحي منديرش لقلب لي يقلك غير اخطيك (تفكرها كيف قاتلوا نحبك في وذنوا وراحت تجري ودموعها هابطة على خدها ) كيفاش انا نسمح فيك وروح كيفاش نخلي قلبك مجروح ليام شابة عمري وين تروح ( تفكر كيف راحت هو بقى يكسر ويبكي عليها كيفاه دنيتوا ضياقت وتغبن تفكر ضحكتها فرحتها بيه كيف كان رومانسي معاها ) يااا عمري وين تروح نخاف من لي يديك يغبنك ونندم ملي سمحت فيك ( تفكر كيف خلاها وخالد خطفها وبكات وصرى حادث تجرحت ودخلت سبيطار وكيفاه حاول يتعدى عليها كون موش جاء في اخر لحظة ) يااا العمر يضيق من الصبر لا لا منخليش حبيبتي يغبنهالي واحد اخر منقدرش نخليك منضنش تلقي يا العمر واحد كيفي يبغيك منضمنش لوكان ضيعي وانا نكون سبابك انا نهبل عليييك ويلي ويلي ويلي ويلي ( تفكر دموعها ) مبياش االعذاب كيفاش نفوته غاضني حبي ولي ضيعته ضيعت حياتي وعمري معاك مقدرتش ننساك ( تفكر روحوا كيفاه كل مرة يطلب منها سماح باش يرجعوا كيف كانوا اما هي تتهرب ومتحبش حتى تهدر معاه مروا 4 شهر ملي صرات الحادثة طلب سماح الف مرة اما هي مقبلتش هو تعب وهي تعباتوا كثر )
محتمة نخليك انت مراكي ليا وانا مالي ليك راني غير نعذب في روحي ونعذب فيك
قال بصوت مليان غصة والم : يااابابا ارواح ديني خليني نروح عندك تعبت
رجع للشومبرا لقاها راقدة هز مخدتوا وراح فوق فوتاي صغير رقد عليها عطاها بظهروا مهوش حاب يضعف كثر
________
ناضت لقات روحها راقدة في صدروا هو مزالوا راقد تعبان شافت فيه وفوتت يديها على وجهوا وحطت خشمها في رقبتوا وجبدت نفس طويل وباستوا بوسة صغيرة على شفايفوا ناض مخلوع دزها بعدت عليه وناض يمسح في فموا وقال بصوت عالي واش قاعدة تديري انت ؟
ناضت من سرير وقفت مقابلاتوا على جيهة ثانية وتهدر بيديها سامحني والله موش مني سامحني والله من ولدك
قال : واش ولدك واش كل حاجة ترديها في ولدي
قالت : والله موش مني سامحني كل مانشوفك ندخل بعضني ومنعرفش واش ندير
بدات تبكي وتحكم في يديها وكرشها وتقول بزربة تحاول تشرحلوا بلي من لوحم وهو لي عامل فيها عمايل هاذم
مقدرتش كيفاه تبرر ولت هربت لدوش سكرت باب ووقفت تحت الماء ساندة ظهرها بالحيط حاطة يديها على وجهها وتبكي بغصة تفكرت كيف يمسح في فموا من بوستها وكأنوا موش نفسوا لي من امس كان يوعدها بلي راح يبقى معاه لأخر لعمر لفت روحها وخرجت للشومبرا ملقتوش بدلت قشها لبست سلوبات بلوسيال وتحتها تريكو ابيض نص ذراع ولمت شعرها كعكة مع صباط ارمكس وخرجت راحت لطابلة تاع فطور قعدت بحذاه ريحتوا عاملة فيها لعمايل تكلمت تحاول تركز مع هدرتها اكثر من ريحتوا : جدي اعطيني مفاتح طموبيل
جدها : لا بنتي اخر مرة نسيتي بلي درتي هذاك اكسيدوا
راجيني : جدي هذاك نهار كنت زعفانة ونبكي فطريق على ذاك مشفتش قدامي اما من هذاك لحادث لا عشت حاجة تفرح
خزرت في سراج وتفكرت انها عملت حادث بسبتوا وانوا بعدها صرى لي صرى كل
جدها : بنتي منقدرش نعطيك مفاتح وزيد لنت حامل نخاف عليك وعلى حفيدي
عائشة : هاو سراج ولدي يوصلك وين تحبي
راجيني : لا يا امي سراج مشغول وانا نحب نروح وحدي
اسعد : خلي شوفير يوصلك وخلاه
راجيني : نحب نروح وحدي
عائشة : راجوو ...
قاطعها سراج وقال : خلوها تروح على روحها
خزروا فيه كل وحاروا كيفاش قال هكذا
وراجيني ناضت هزت مفاتح من عند جدها وخزرت في رائد كان هابط من دروج رايح يفطر معاهم وقالت : خويا لعزيز عندي طريق صغيرة نوصلها ونتلاقوا فشركة عندنا ما نحكوا
هو قال : راجيني ستني نوصلك
تبسمت وقالت : لا مكلاه عيش خويا خممت عليا عكسهم نسوق بلعقل متخافش
رائد : ردي بالك على روحك
راجيني : عيشك
خرجت ركبت طموبيلتها حطت حزام امان ومشات