كرونيك:💕💕 تزوجت هندية💕💕

93

الحلقة 93❤️
حلت عنيها في ضبابة مغبشين مهيش تشوف حتى في شئ كان ضباب بدات صورة توضاح لكنها تصدمت كيف شافت روحها في غرفة ظلمة ومربوطة في كرسي حاولت تعيط لكن صوتها مطلعش شعرها على وجهها تحاول تسلك روحها تحرك في يديها وهذا زاد وجعها اكثر جرحت يديها وزادت في بكاها رجعت تكت على لكرسي وغمضت عنيها تمنت كون جاء معاها رائد كون يجي ينقذها خايفة بزاااف حتى شكون خطفها معلبلهاش وهذا زاد من خوفها توحشتوا وتمنت يكون معاها طبست راسها للڤاست تاعوا وتبكي بشهقة وهي هكاك حتى تفتح لباب هزت راسها وهنا كانت صدمتها لكبيرة
___________
وصل للبحر لقى لقارب راح يقلع هبط يجري ويعيط بأسمها حبس صاحب لقارب وهو دار ليه وقال : خويا واش كاين
رائد : هزار وينها هزار
_ شكون هزار
جبد تلفونوا ونعتلوا لفوطوا تاعها وهو قال : كانت هنا راح تروح معانا مي مبعد مابنتش معلباليش وين راحت
رجع تكى على طموبيل وقال بصوت قاوي : هزااااار
مول لقارب قال : خويا ربي يفرج عليك ارجع للمخيم بلاك تلقاها
راح رجع لقارب تاعوا وقلع
يخزر للبحر ودموعوا نازلة خايف عليها وتحرق قلبوا على غيابها وينها وين راحت وهو يحوس هكاك فشط شاف تكركير رجلين تبعهم وبعدها اثار عجلات طموبيل تبعها حتى خرجت لطريق دات جيهة شمالية خاف تكون هي لي كانت فيها رجع للمخيم سقسى عليها قالولوا مرجعتش حوس حوس مي ملقهاش كان اخر امل ليه كيف بلغ فلبوليس راح يحوسوا مي قالولوا بلي راح يكملوا لبحث هو رجع لدار هايج يحوس على ليندة يعيط : ليندة ليندة ليندة مي ملقهاش رجع حوس في غرفتها ملقى والوا من قشها عيط للمطار قالولوا بلي حجزت تذكرة وسافرت راح حوس فالاوتيل على خالد ملقاهش حتى هو كيف سقسى عليه مبانش حار وخاف يكون هو لي خطفها ...
راح للبوليس واشتكى بيه ومن ثم كانت اول خطوة للبحث كيف تبعت شرطة تلفونوا ولقطوا الاشارة في احدى قريات جزائرية مع حددولوا لبلاصة قلع بطموبيل وراح لازم يلقاها خايف عليها اكيد يكون اذاها تفكرها كيفاه حظناتوا قبل ما تخرج وبوستهم دموعوا هابطة يبكي عليها ظلمها بزاااف في جرتهم صدقهم وكذبهم وهي لي كانت تحبوا وجامي فكرت تخونوا
________
تبكي بشهقة قرب منها ونحى شعرها على وجهها وقال : اشششش حياتي متخافيش انا هنا نحميك كوني هانية انا نحبك وراح نسعدك
نحالها سكوتش وهي قالت: اتركني بعد عني رجاءا بعد عني خالد بترجاك تركني والله راح روح واخرج من حياتكم كيف ما بدها ليندة
هالد : لا انا منيش حابك تخرجي من خياتي انا حاب تكوني ليا ونذوق جسمك لخلو
مرر يدوا على وجهها وهي دورت وجههها متقززة منوا بزاااف
وهو هكاك دخل واحد على غفلة وقال : سي خالد لبوليس في منطقتنا لازم نخرجوا من
خاف ووجهوا تبدل وقال : اكيد رائد الكلب يكون شاك فينا هي سمعت اسموا وهي بدات تغيط : رائد رائد انا هون انا هون راااااائد
ظربها بكف حتى تنطر دم من فمها بزقت وفكرت انها لازم تخليلوا دليل وملقات غير خاتمها باش تأكدلوا شكوكوا حاولت تنحيه وضمت يدها حتى سيبها وجرها وراه ودزها فطموبيل وراحوا يظاربوا بعد ما تأكدت من اتجاهوا طيشت خاتم على الكاروا وتبكي بشهقة وتمنت من كل قلبوا انوا يشوفوا
نزل يجري ويعيط عليها دخل مع لابوليس يحوسوا عليها شاف لكرسي لقى فوقوا تلفون خالد عرف انوا فاقلهم وخلاه باش معاد يحكموا عليه حاجة جهل وهاج بدى يكسر في كل حاجة فشومبرا وزاد هاج كيف شاف دم خرج لبرى يعيط عليها وهايج عاللخر شاف جيهة طريق وكيف لمح حاجة تلمع راح يجري لقاها خاتمها عرفها هي خاتم زواجهم يشفالوا هو لي خيروا عجبها خاطر سامبل ركب في طموبيل تاعوا وقلع يرحي فطريق رحيان
لازم يلقاها لازم