كرونيك:💕💕 تزوجت هندية💕💕

07

فيها للحظات تأمل وجهها ومبعد سيبها هي ريقلت قشها وطلعت تجري سراج خرج ركب في طموبيلتوا وراح
دخلت غرفتها وتكات على سرير بعد ما بدلت قشها تكت تفكر فيه كيف كان يعيط عليها وقالق وعروق جسموا بارزة تفكرت ريحت بارفانتوا لي روهجتها ودوختها حطت راسها فلمخدة وغمضت عنيها تحب ترقد
فاتت حوالي ساعتين جات عائشة نوضتها باش تتغدا لبست وجات تاكل مغاهم وسراج مكانش
وهم ياكلوا تكلم لجد : اه صحيح راجيني ليوم عندنا حفلة ترحيب بيك نعرفوك على ڨاع الاصدقاء والاقارب عليهم دامل
_ اه جدي تعب في روحك والله
_ لا لازم نعرفوك بيهم عن قريب راح تولي مرت ولدي ( اسعد )
_ اه صح
كملوا كلاو وبداو يحظروا للحفلة هي من غرفتها مطلعتش تحكي مع امها وضحابها وتستنى فيهم على نار غدوا يوصلوا وشي لي مخوفها انوا عرسها مع سراج مزالوا 5 ايام وموش عارفة تتفاهم معاه اصلا هو هاز روحوا
قالت : مشناف تاع لهم
امها : kyaa? ماذا
هي : kute chni maa so mom main sona chahate hai ( لا شئ امي اءا اني اريد انا انام )
امها ok bitaa alvida ( حسنا ابنتي وداعا )
راجيني : Mujse pyaar karte ho maa ( احبكي امي )
امها : me to by
لوحتلها بيدها وقفلت سكايب ورجعت تخمم فيه ومبعد قالت علاه نشغل روحي حطت كيتمان تسمع فلغنا وتغني معاه
دخلت عائشة : راجيني بنتي
نحت لكيت وقالت : نعم خالة
_ بنتي وجدي روحك باش تهبطي للحفلة
_ ايه اني جاية
تبسمت معاها وخرجت ناضت بدلت قشها لبست فستان هندي احمر وعملت مكياج سامبل وكريبات شعرها ودارت شال على رقبتها وصندال هزت تلفونها وهبطت اول ما هبطت كامل لي فلحفلة خزروا فيها خاطر كلش فيها مميز لبس يختلف على لبسهم جمالها طاغي وزاد لحفلة معمولة على شرفها كيفاه ميهتموش بيها ولي اكثر من هذا كل انوا سمعوا انوا هندية متشوقين يعرفوا عاللخر يشفوها وبلفعل شافوها سكت حسهم وهي تخزر فيهم ومتوترة ومبعد هزت يدها وتحتهم بطريقة لهنودا مسلمين وقالت : السلام عليكم
قالوا : وعليكم السلام
جا جدها حكمها من يدها وقال : هذي بنت ولدي الياس الله يرحموا اسمها راجيني وبعد 20 سنة فلهند رجعت لهنا من جديد وشرفتنا بحظورها لكل تقربوا منها يسلموا عليها وهي تضحك معاهم من قلبها وفارحة بيهم لحافلة عامرة اما زوج عباد مكانش رائد وسراج زغما وان يكونوا رحوا هذا السؤال لي تبادر لمخها