كرونيك:💕💕 تزوجت هندية💕💕

47

الحلقة 47 ❤️
تغدوا مع بعضهم كيف العادة يضحكوا ومبعد سكتت شوي وقالت : وينوا رائد
دهش شوي من سؤالها وهز حاجبوا وقال : علاه تسقسي عليه
_ لا اما عندي بزاف مشفتوش
_ سافر لتركيا في اجتماع
_ اه مليح
_ واش توحشتيه
_ سراج واش هاذ الهدرة
_ واش تحبي منوا علاه تسقسي عليه
_ سقسيت برك
_ شخص كيف هكاك ميستاهلش تسقسي عليه
_ واش راح دير مشكلة من سؤال صغير
_ انا ندير في مشكلة ولا انتي
حطت لمغرف وقالت : انت لي تعمل في مشطلة من حتى شئ
وناضت راحت وهو دز طبق وناض
قعد على لبيرو تاعو يفكر فيها نسى لخدمة كامل بعد ما فكر مليح لقى انوا صح غلط معاها راح للبيرو تاعها طبطب ودخل ملقهاش رجع سقسى سكرتيرة قاتلوا خرجت من شوي وكانت مزروبة وتحكي فتلفون
_ اوكي مرسي
خرج حتى هو وبدى يعيطلها اما هي متهزش عليه حار فيها خرج يزارب يحوس عليها اما ملقهاش في كامل شوارع لي تعرفهم روح لدار يعيط : راجيني ... راجيني ....راجيني
ردت لخدامة وقاتلوا راهي في غرفتها طلع يجري حل لباب لقاها راقدة ومغطية جا عندها قعد بحذاها هز يدوا يبعدلها في خصلات شعرها على وجهها وقاعد يتأمل فيها كانت حاطة يديها تحت وجهها ( ديروا لغنية تاع مسلسل للعشق جنون ونسمة تديلها في شعرها ) قالها : خفت عليكي سامحيني موش قصدي نتعارك معاك انا كل هدفي من هالحياة اني نشوفك تضحكي
وطبس باسها من جبهتها وغطاها وخرج
راح شومبرتوا بدل قشوا وهبط يعمل في فوتينڨ جرى حوالي ساعة كمل نحى تريكوا وصب على روحوا قرعة ماء وجا داخل لدار يلقاها قاعدة فصالة راح عندها وقال : علاش روحتي بكري
بلا ما تخزر فيه مركزة مع تيلي : نفحة ( شهوة)
_ نفحة !!
_ ايه عندك بروبلام
_ اهدري علاه روحتي بكري ووقف قدام تيلي قدامها شعروا لمبلول تقطر منوا قطرات ما على كتافوا وعضلاتوا السداسية زادت عليها وصدروا لي يطلع ويهبط خاطر قاعد ينهج بلعت ريقها وهي تخزر فيها قداش دالها عقلها ببدنو لمسكل هذا كل يوم تقول ضرك نوالف بيه اما هو يزيد يدخلها في حيط اكثر واكثر فوتت يدها هلى شعرها ونفخت وقالت : بعد من قدام تيلي
_ منبعدش حتى تهدري
_ روحت خاطر تعبت شوي وحسيت سخانة طلعتلي
هو سمع انهاتعبانة وهو تنطر من بلاصتوا جا قدامها حط يدوا على جبهتها يمس فيها وعلى رقبتها هي مع كل لمسة من يدوا تحس برعشة سكنت كامل جسمها وتخليها تتجمد في بلاصتها لمستوا لحنونة تحس بكل ذرة مشاعر في قلبها ليه ثارت من جديد واعلنت التمرد على عقلها لي يرفض انوا تحبوا تحت حجة انوا موش ليها مع كل لمسة تلعن الساعة لي وافقت فيها على زواج لمدة 6 اشهر تلعن الساعة لي تزوجوا فيها زواج مصلحة فيقها من سرحتها هو كيف قال : لا انتي لباس مكانش حرارة
بسيف لا تغلبت على روحها وقالت هالكلمتين : ايه خير حمدلله
بعد علبها وقال : انا نروح ندوش
طلع يجري فدوج وهي قعدت مروهجة من لمساتوا تكت راسها لتالي وحكمت قلبها وقالت : اه يا ربي اه
رجعت تتفرج عنيها فتيلي اما تفكيرها في بلاصة اخرى هزتها احلامها للمستقب تحلم بأنوا يكونوا عيلة وحدى وانوا يولي يحبها وانوا يكون ليها الخظ باش تجيب نسخة مصغرة منوا مع تخيلاتها هاذي محستش حتى بيه كيف قعد بحذاها ويهدر معاها حتى حط يدوا على كتفها باش تلفتت ليه ومع خزرة مباشرة لعنيه هبطت دمعة من خدها شقت طريقها على خدها ونزلت على يد سراج كانت بنسبة ليه كيف قطرة لصيد ( سائل كيميائي كيف تشربوا تموت او كيف يطيح على القش يتفتفت) لي تحرق بيها قلبوا وتفتفت طراف طراف بسيف لا استجمع قواه وقال ليها بخوف من الاجابة : علاه تبكي
_ حتى شئ
قالت هالكلمتين وطلعت تجري لشومبرتهاوهو لحق وراها طبطب ودخل لقاها واقفة قدام الشباك قال : راجيني
مسحت دموعها بسرعة وتلفتت ليه وقالت : نعم !
_ لباس علاه تبكي
_ ليوم عيد ميلاد الماما وانا موش معاها لاول مرة ملي زدت
_ اااااه خلاص متبكيش راح نحكو معاها ونعايدوها
وقرب منها مسح دموعها بيدو وقال : معاتش تبكي دموعك غالين انتي ارتاحي وانا نلقالك حل
نزل ووصى على كعكة شوكولا متوسطة ورلح لجنينة وجد طابلة بشموع وضوء وفراش فالارض وجاب لبيسي حطوا فوق الطاولة وطلع عندها كانت حوالي ساعة 8 تاع ليل طبطب لقاها قاعدة على سرير تتفرج قالت : تفضل
_ راجيني بدلي قشك والبسي لبسة هندية وهيا
_ علاه ؟؟!!
_ هيا ديري واش قتلك
لبست لبسة هندية وحطت اكسسورات هندية وهبطت لقاتوا يستنى فيها كيف شافها راح باسلها يدها وقالها : نروحوا
_ ايه هيا
_ خرجوا ديراكت لجنبنة وكيف شافت طابلة قالت : واش هذا ؟