كرونيك:💕💕 تزوجت هندية💕💕

96

الحلقة 96❤️
حس بدوخة اما متراجعش كمل يمشي فطريق هذيك ومكان قدلموا غير دار صغيرة قدامها طموبيلات بزاااف حس انوا هزار هنا راح يجري ويعيط عليها خايف يكون اذاها
خالد سمع صوتوا وكذب خرج يجري لقاه قداموا قال لرجالوا : حاصروا لمكان لازم ميهربش منا
رائد : مجيتش باش نهرب جيت باش ندي هزااار
خالد يضحك بهستيريا وقال : تديها وانت ختى لوقفة موش قادر توقف على رجليك
رائد : واجهني راجل لراجل وشوف شكون يفوز
قدم ليه وقال : وينها هزااار
ضربوا خالد ببونية حتى رجع شوي للوراء وقال : هزار تاعي وحدي هزار ليا جاء باش يضربوا وهو شور لرجالوا يحكموه هاج يدز فيهم ويقول : كون راجل وسيبني وتشوف انت موش لازم تكون هكا خنثى واجهني وشوف
دخل جابخا تسمع في صوتوا وتكذب تحاول تسيب في روحها مي مقدرتش جا حكمها من شعرها وطبس ليها وقال هيا هاو جا حبيب قلبك ضرك راح تحلى لعبة اكثر
نحالها سكوتش من فمها وجبدها وراه ويديها مربوطين وراها تبكي وتنوح وتعيط وجعها بزاااف حبس فنص ساحة ودزها طاحت على الارض شافها وهو زاد هاج كثر وقال وخو يعيط : هزااار هزااار راكي مليحة
ناضت ودموعها سايلة قداش توحشت تشوفوا راحت تجري ليه باش تحضنوا ونسات خالد ولجيش لي حاكموا مع قربت توصل ليه حشت بيد حكمتها من شعرها من كثرة وجيعتها صاحت بصوتها وقالت : اااااااااي رائد ساعدني
خزر فيها خالد وضربها كف حتى ساح دمها وقال : اسكتي عليا كسرتيلي راسي
هي تبكي ورائد هايج وبعدها قال : كون راجل وقلهم يسيبولي يديا وواجهني راجل لراجل كون فحل تره
جبدها لحضنوا وقال : انا رجوليتي تعرفها كان هزااار
هي تبكي وتقول : بعد عني بليييز خايفة عاللخر
يحاول يسلك في روحوا واخيرا جبد يدوا طاح فيهم ضرب يشوف فيه كيفاه يتحرش بيها وهي تبكي وتنوح قداموا وموش قادر يعمل شي كمل غشوا فيهم بعد جهد جهيد قدر انوا يسلك روحوا منهم بعد ما خلاهم جثث تطايش فالغرض مدمدمة ضربهم بكل غل حتى خلاهم ينزفوا من كل جيهة يشوف فيه كيفاه ييتحرش بيها ويقطعلها في قشها وقلبوا موجوع عليها راح يجري ليه جبدوا منها وضربوا بونية بكل قوتوا حتى طيحوا قعدت داهشة مفهمت شي لا قدمت ليه ولا سخرت خايفة عاللخر قرب منها وهي تخزر فيه مدهوشة معرفت تروح تحظنوا او تلوموا لانوا خلااها وحدها تشوف في خالد هاز لموس وهاجم عليه من ورااه شارتلوا بيدها وقالت : راااائد
حكملوا يدوا ودورها حتى تكسروا صباعوا وطاح فيه ضرب حتى داخ معاتش قادر يوقف على رجليه تبكي بشهقة وهي تشوف فيه كيفاه يضرب فيه ويتضرب ودموا سايح ناض من عليه وراح ليها تخزر فيه ودموعها نازلة تبكي بشهقة وتقول : بترجاااك بترجاااك خلينا نروح من هون انا خايفة
قرب منها حط جبهتوا على جبهتها وقال : هزااار حبيبتي متخافيش انا معاااك
حطت يديها في رقبتوا ترجف وتقول : انا عنجد خايفة انا ماني مرتاحة انا حايفة
منظرها خلى قلبوا يبكي دم عليها حظنها بكل قوتوا وهي تبكي في حظنوا حكمها من جبهتها وعنيهم في عنين بعض وقال : اشششششش حبيبتي راح نروحوا من هنا اششششش
رجعت تكات على صدروا وهو هزها وراح للطموبيل لقى تلفون عيط بيه لشرطة خبرهم على مكان خالد وركبها وساق بيها مروحين تكت راسها على لكرسي وتبكي بشهقة وهو يسمع ليها ومهوش قادر يقول شئ هو سبب في وضعها هذا اكيد.هي تكون خايفة منوا فكرة انها تكون خايفة منوا تخليه يموت فلحياة فجأة رن لهاتف وكانت مفاجأة صوت خالد قال : رائد انت صحيح ديتها اما راح تزوجوا في جهنم نشالله احسب لعشرة وراح تنفجر سيارة ابدأ لعد
وهو يحاول يحكم فرانات كل مرة يحاول لكن يفشل ناضت على حسوا وقالت : شو في شو صاير
رائد : السيارة راح تنفجر
خزرت فيه وقالت بدهشة : شوووو
خالد : واحد زوج ثلاثة اربعة خمسة
خزر في هزار وقال : ارمي روحك من شباااك
حلت لباب وهو ثاني وطيشوا رواحهم طموبيل كملت تمشي حتى طرشقت وطارت فسماء ونزلت قطع قطع على الارض