كرونيك:💕💕 تزوجت هندية💕💕

25

الحلقة 25 💓
راحوا لدارهم واول ما وصلوا بدات اموا تزغرت وتهني فيهم وجاو لعيلة كل يحظنوا ويباركوا فيهم جا جدها وحكمها من جبينها وقال : اهلا بيك عندنا انتي مليوم كنة هاذ البيت وبنتي الغالية
باست يدوا وقالت : ربي يخليك ليا يا جدي
دخل يدو لجيب جبد سنسلة بيضاء فيه متيف على شكل فراشة وقرب منها ولبسهالها في رقبتها وقال : هاذي سنسلة تاع جداتك خديجة الله يرحمها حبيتك طول تخليها في رقبتك
حكمت يدوا وقالت : انا نوعدك انو يقعد في رقبتي طول العمر
باسها من جبينها وبعدها جات امها وجابت صحن تاعها لي فيه بخور وحلو وورد وخيط ودورة قدام وجوها 7 مرات ورشت عليهم الورد ووكلتلهم الحلو وبعدها قالت : انا اعرف انوا لون احمر حرام في دينكم اما انا راح خليلك خيط مقدس راح يحميك من كل شر وعطات صحن لسوارا وربطتلها لخيط في يدها جاي لونوا احمر واصفر وبعدها قربت من سراج وقالت : انا راح نخلي عندك بنتي لي هي اغلى من روحي رد بالك عليها
_ متهنية يا طاطا هذيك راهي في عنيا وكي واحد بخمم يأذيها لازم يفوت عليا انا السع
_ انا علبالي رلح تحميها من ناس اما شي لي نحوس عليه انا انوا تحميها حتى من نفسك بنتي حساسة ياسر متجرحاش
قرب منها وباسها من جبهتها وقال : تهني يا طاطا بنتك فالحفظ والصون
_ مدام قلتي هك انا تهنيت عليها
قربت راجيني من سراج وقالت : لازم ناخذوا لبراكات تاعها ونطبسوا نقيسوا رجلها
هو مافهمش وقال : واش نديروا ؟
_ دير كيفي وخلاه
هي طبست وهو طبس معاها قاست رجل امها وهو كيف كيف وهي حطت يديها على ريسانهم ومسحت عليهم وقالت : مباركين حبيباتي ندعي انوا تبقوا طول سعدين
ناضوا وقالوا امين
راخوا لكبار وجاو اصدقائها وبدات تحضن فيهم واحد وراء واحد وتحكي معاهم بلهندية وفرحانة وتضحك عاللخر وبعدها فهمت منهم انهم راح يسافروا لعشية للهند قعدت معاهم شوي هك يضحكوا ويلعبوا وتشوف في تصاورهم حتى وجد لغداء تغدوا مع بعض وجابوا ڨاليزاتهم راح يروحوا حاولتهم باش يقعدوا محبوش ولي زاد من حزنها انوا حتى امها مروحة تودع فيهم عند لباب وتبكي وامها حتى هي تبكي معاها حتى ركبوا فطموبيل تبايعلهم وهم يبايعولها ويبعثولها في بوسات من لهواء وهي تبكي وسراج وراها وبعد ما درقت طموبيل راحت عند سراج حظناتوا وقالت : رجعت وحيدة مرة اخرى
_ انا معاك علاه خايفة
_ خايفة انت ثاني تروح وتخليني
_ نوعدك نبقى معاك
غرست راسها في صدروا تبكي وهو يمسح على شعرها ومبعد دخلها طلعت لشومبرتها ديراكت ترقد هو غطاها وهبط
عائشة : وين راحت راجيني
_ تعبت من لبكا على امها وصحابها راحت رقدت ترتاح
_ مسكينة موش ساهلة باش معاتش تشوف امها
_ سنة لحياة هاذي يا ماما
_ ولدي حابة نسقسيك
_ تفضلي ماما
_ واش تهنيتوا مع بعض لبارح
_ حمدلله بيا تهنينا
_ ربي يهنيكم نشالله
_ امين