كرونيك:💕💕 تزوجت هندية💕💕

37

الحلقة 37 💓
ناضت صباح وجدت لفطور وطلعت دوشت لبست سروال باج ( بونتالوا شوڨي ) وتريكو ابيض رقبتوا v وفاست كلاسيك كحلة دارت شعرها كوتشوڨال هزت بوشات فضية حطت شوي مكياج وهبطت لقاتوا قاعد يفطر كان لابس كوستيم بلونوي وماشط شعروا قعدت تفطر معاه
_ ضباح لخير
سراج : صباح النور لباس ؟
_ حمدلله وانت
_ بيا حمدلله ليوم تروحي تخدمي
_ ايه مالا نروحوا كيف كيف
_ لا عندي طموبيل
_ لا مدام رايحين كيف كبف ومروحين كيف كيف تروحي معايا اوكي
_ اوكي نروحوا ؟
_ هيا
خرجوا ركبوا فطموبيل جبدت تلفونها وعيطت لعائشة : سلام ماما واش حوالك
عائشة : حمدلله وانتي بنتي واش حوالك
_ حمدلله ، ماما حبيبتي انا رايحة لشركة كون تخلي دنيا تجي تنظفلي دار شوي
_ اوكي ماعليش وضرك نزيد نوصيلك على خدامة
_ مرسي بزاف ماما
_ لا زورمال اما قوليلي تفاهمتوا انتي وسراج
_ ايه حمدلله حنا متفاهمين بزاف
_ حمدلله يا ربي
_ ايا باي ماما مبعد ونحكو
كوبات ورجعت لصالة وقالت : يظهرلي انهم كيف سكنوا وحدهم تفاهموا اكثر صوت راجيني كان سعيد قاتلي بلي رايحين لشركة
اسعد : ايه حنا ثاني نروحوا بابا ولا لا
محمد : هيا يا ولدي
عائشة : ربي يوفقكم كامل
اسعد : امييين واذا حتجتي حاجة عيطيلي
باسها من راسها وخرجوا
جاها اتصال من عند فرح ( بنتها واخت سراج علبالي نسيتوها مام انا نسيتها خخخخخ ) هي راهي تقرى تصميم في فرنسا وتجي فلعطل برك
____
وصل هو وياها للشركة نازلين مع بعضهم لابسين لينات وماشين بكل ثقة طالعين للبيروات وصل للبيرو تاعوا مع دخل قعد على كرسيه وهي قعدت قداموا وقالت : اهاه وين لبيرو تاعي
_ اكيد راح يكون مع جماعة الهندسة المعمارية يعني في اخر الرواق
_ ممكن دلني عليه
_ ايه دقيقة برك
هز تلفون وعيط لسكرتيريا دخلت مرأة كبيرة قول فربعينات قالها : مدام حظريلي دوسيات تاع صفقة مع رشيد "**** وحطيهم هنا ختى نجي
_ حاظر مسيو سراج
راحت وهو خزر في راجيني وقالها : نروحوا
_ ايه هيا
خرجوا مع بعض رايحين للبيرو تاعها
قالت : سكرتيرة مزوجة ؟
_ ايه مزوجة
_ مليح
_ علاه تسقسي
_ للحظت قتيلها مدام ش
_ اه اوكي
وصلوا للبيرو تاغها دخلوا كان غرقة كبيرة تطل على البحر اما من بعيد مسبوغ لونو ڨري مجهزة بطريقة كلاسكية طغى على لون المكتب السواد ديكور كامل تحفة دخلت دارت فبه وقالت : مشاء الله يهبل❤️
_ فرحت كيف عجبك
_ شكون جهزوا
_ انا بمساعدة مهندس الديكور
راحت تجري ليه وحظناتوا بكل قوتها وقالت : مرسي لاهتمامك وهو حظنها ومبعد جبدت روحها وراحت قعدت على لمكتب وبدات تدور بلكرسي وهو شايخ عليها بضحك كيفاه تتصرف كي لولاد الصغار ومبعد قال : انا نروح وانتي تعرفي على لمكتب ومبعد نجي نفهمك واش خدمتك
_ مرسي ليك
_ اوكي
خرج وهي شعلت لكلميتزار وهزت تلفون عيطت لسكرتيرة جتها
_ نعم مدام
_ جبيلي قهوة
_ اوكي مدام
هي خرجت وهي بدات تشوف فديكور ودوسيات وطابلة تاع رسم تاع الهندسة وفرحت بكل