كرونيك:💕💕 تزوجت هندية💕💕

70

الحلقة 70 ❤️
جبدت راجيني روحها وتبسمت معاه وقال : مرحبا بيك
رائد : يعيشك
خزر في سراج وقال : اهلا بيك خويا لعزيز
طلع حاجبوا وناض جا يخمس عليه رائد جبدوا حظنوا وطبطب على كتافوا وقال في وذنوا : كلمة خويا من قلبي
سراج : يعيشك واش حوالك سمعت زوجت
رائد : ايه
سراج : ماكش راح تعرفنا عليها
رائد : لا راهي جاية
هز في صوتوا وعيط : هزااااار
جات تزرب حطت صشية فوق الطاولة وقالت : صبتاح الخير
راحت عند راجيني حظنتها وسلمت على عائشة وجات وقفت في جنب رائد خزرت في سراج وقالت: اكييد انت سراج ؟
سراج تعجب وقال : كيفاش عرفتي
هزار : شفت صورتك لما كنت ببيتكم وكمان اختي راجيني ما بتوقف حكي عنك
تبسم معاها وقال وهو ماد يدو وهي خمست معاه : انا سراج بن سالم 28 سنة
_ هزار محمد صادق 19 سنة
سراج سيب يدها وقال : اهلا فيك بعيلتنا
هزار : شكرا كتير لالكم
سراج خزر في رائد وقالوا : بصحتك خويا طفلة تبان عاقلة اما استحفظ بيها ماني نعرفك بدال
غمزوا وخزر في هزار وقال : تشرفت بمعرفتك
هزاى تبسمت وقالت : انا اكثر
حكم يد راجيني وخرجوا ركبوا قطموبيل وهو ديمارا
راجيني : علاه حكيتي معاه هكاك
سراج خزر فيها وهز حاجبوا وقال : غاضك
راجيني : لا متبداش علاه تدير معاه هكذا هو تبدل وتعرف انوا يحب هزار من قلبو وحتى انوا معاملتوا معايا تبدلت ولت طيبة وانقضنى نهار الاكسدون
سراج : اووووف فكينا منوا متفكرنيش بأني انا كنت بعيد وهو قريب وهزك ودمك سايح وانا معلباليش
راجيني : صدقني رائد تبدل مكش تلاحظ انوا تزوج بهزار بسرهة وبلاش عرس خاطر جدها طلب منها هاذ الشي وهو لانوا يحبها قبل
سراج : رائد خداع ويلعب على لبنات منصدقش
راجيني : لا راك غالط في كلامك لانوا ببساطة هو يحبها وهو كان طوايشي باش يلفت انتباهكم انت تعرف بلي من لي كان في عمروا 11 سنة اموا خلاتوا وهو عاش وحدوا قرى وحدوا كلا وحدوا خدم وحدوا عدى اياموا كل وحدوا
حطت يدها على كتفوا وقالت : سراج اعطيه فرصة ولد عمنا وخونا يحتاج اهتمام
سراج : راح نخمم اما ارجوكي متخليش حكايتنا على رائد تأثر في علاقتنا
راجيني : اكيييد حنا غير
تبسم معاها وهي ثاني وكملوا طريقهم
______
قعدوا مع عائشة يحكو ومبعد سكتوا
عائشة : عيطت لامك وخبرتها بزواجك من هزار
خزر فيها بلهفة وقال وهو مركز معاها : وواش قالت
عائشة هبطت راسها وقالت : معجبهاش الحال وقالت بلي راح تجي لدزاير وتحاول تقنعك تبطل العرس
ضحك من قلبوا وقال : مليح مليح
ناض من بلاصتوا وقال : هزار هيا
حكمت في يدو وخرجوا ركبوا فطموبيل ورايحين
هزار : انت ليش فرحان مع انك عرفت انوا امك مو رضيانة على عرسنا وراح تخلينا نطلق
خزر فيها وقال : فرحان لانوا من 11 سنة امي تهتم بموضوع يخصني
عرفت قداشوا ناقص حنان ام واهتمام وقالت : اذا بدك تحكيلي شي وتريح حالك انا موجودة
خزر فيها وقال بحكيلك بس وقت تتغير نظرة لي في عنيك من شفقة لحب
حست بلحشمة منوا بدلت وجهها وهو قال : متخافيش منيش راح نطلقك لانوا انا كبير وواعي ومتفرق بينا كان ابموت او قرارك انتي بأنك تخليني وتروحي لاني راح نحتارموا
خزرت فيه بحزن وقالت : لا تحكي هيك احنا لازم نعطي علاقتنا فرضة ووقت
رائد : ايه راح نعطيها كل وقتنا نشالله
تبسم معاها ورجع يسوق رايح مروح وبعدها هز تلفون وعيط لصاحبو
_ الو
_ الو
رائد : اهلا يعقوب لباس
يعقوب : حمدلله بيا وانت
_ حمدلله حبيتك تسقسيلي اذا ليندة جات من فرنسا ولا
_ مكش راح تتعلم تقول يما
_ لا لا الام متخليش ولدها وتروح
_ ابقى معايا نسقسيلك ونقلك
صبر حوالي 5 دقايق
يعقوب : اااا خويا ايه حجزت غدوا على 7 تاع صباح
رائد : مليح شكرا ربي يحفظك
_ العفو نحن فالخدمة
كوبا عليه وقالت : جهزي روحك باش تستقبلي حماتك ليندة على صباح
تفاجأت وخلعت وخافت منها وهو يتبسم
حارت فيه بمعنى الكلمة