كرونيك:💕💕 تزوجت هندية💕💕

63

الحلقة 63❤️
خرج لبرى لقاها قاعدة فجنينة ضامة يديها لصدرها وسارحة بعيد نحت لخمار وخلاتوا كشال في رقبتها جاء وقف بحذاها وقال : راكي مليحة ؟
دارت ليه وقالت بعد ماسيبت يديها هبطوا وعقدت حواجبها وبدى العصب يظهر عليها : كيف بدك ياني كون منيحة تعرف انك لما قبلت بزواجنا انت حطمتلي قلبي ما كنت بعرف انك طمعان فيني
تغشش من هدرتها بزاف حكمها من ذراعها وجبدها ليه جات لعين فلعين صدرها في صدروا لازها بيدوا من خصرها ليه نفاسهم تخلطت ومعاتش كاين مسافة بيناتهم وقال : من وروح كي تعودي تحكي اعرفي واش تخرجي من فمك انا كون جيت طامع فيك منتزوجكش
دزاتوا وهزت صبعها تهدد فيه : انا تزوجت بس من شان جدي اذا حاولت تقرب مني راح اقتل حالي وكمان شغلة اذا كتب الله لعمر طويل لجدي بعد ما يتعافى انا راح اطلق منك بعد ما يشفى تماما اما اذا لا سمح الله ومات راح نطلق
قاطعها وقال : اذا مات راح نطلق بعد شهرين انا اصلا زوجتك على جال جدي مكنتش حاب تصرالوا حاجة خايبة فهمتي
هزار : مع انوا لهجتكم صغيبة واغلبية كلامك ما فهمتوا اما لي شفتوا بعيونك يخليني افهم قصدك كتير منيح
رائد : لو كان جيتي تشوفي مليح فلعيون راكي فهمتيني مليح
هزار : شو تقصد ؟
رائد ماشي ويهدر معاها : هيا معايا رايحين لدار
هزار : ما بدي روح معك
رائد بغش وبلا ما يدور : هزاااااااااار
حست بلخوف تملكها من راسها لرجليها وبلا ما تشعر مشات لعندوا ركبت معاه وهو ديمارا جبد تلفونوا عيط لراجيني كانت راقدة تهزت وتحطت كيف عيطلها رائد هزت وهي تمسح في وجهها : الو
رائد : راجيني سامحيني كيف عيطلك فليل اما راهي حاجة متتاجلش
راجيني : غير الخير
رائد : انا وهزار تزوجنا
حلت فمها على قدوا وشهقة فرد شهقة وحطت يدها على فمها وقالت بصوت متعجب : نعم ؟!؟؟
رائد : ليوم جدها جبرنا على الزواج تزوجنا شرعنا برك قنونا مزال
راجيني : الف الف مبروك فرحتلك من قلبي
رائد : غدوا راح تجي باش تشهدي على زواجنا فلمحكمة ونحكيلك تفاصيل كل
راجيني : وداركم ماماك وخواتك واش راح تقلهم
رائد : دارنا ( ضحكة ضحكة طويلة ومعبية وجيعة ) كيف قعدوا 27 سنة وهم مطيشيني ومخموش فيا راح بخموا فيا ضرك حبوا او كرهوا هذا قراري
راجيني : ربي يصلح بيناتكم
رائد : مرسي راجيني تصبحي بخير
راجيني : العفو وانت ثاني تصبح بخير
كوبا عليها وكمل طريق ساكت وهي قالت : مين قال اني بدي اننا نزوجوا عبر القانون
رائد : انا قلت
هزار : مابدى اني نتزوج عبر القانون
رائد : بعمري ماقررت قرار ورجعت فيه ملا متخلنيش نتقلق باطل
هزار : وين رايحين هلا
رائد : دارنا
هزار : شو تقصد ؟
رائد : بيتنا ههههههه
هزار : شو لي بيضحك بالموضوع ؟
رائد : والوا
هز كتافوا وعي شنفت كيف لولاد الصغار ودارت للطاقة وتخزر لطريق وهو كل لي شاغل بالوا كيفاه راح يخليها تنسى ويخليها تحبو كيف هو يحبها وصلوا للدار كانت دار فجبل اما قريبة للمدينة بين الشجر تاع فاكهة
هبطوا كان ليل ماشي قدامها وهي وراه فجأة حست بحركة وراها تلفتت تلقاه راجل زعقت بأعلى صوتها وقالت اسموا : راااااااائد.
دار ليها مفجوع وهو قدم منها وهي حظناتوا بكل قوتها
رائد : اوووو شكون انت ؟
الراجل : انا لجنان تاع لمزرعة سدي معرفتنيش
رائد خزر في هزار لي كانت متعنكشة فيه وحاكمة فشوميز تاعوا وحاشية راسها في رقبتوا خزر فراجل وقالوا : روح
دار ليها يمسح على شعرها وقال : متخافيش هذا جنان تعنا برك
هزار : انا خايفة
رائد : كيف نكون معاك منخلي حتى حد انوا يأذيك كوني هانية
هزار فاقت مع روحها وجبدت روحها سيبت شوميز تاعوا وقالت : شكرا لالك
رائد : قتلك الف مرة معاتش تشكريني مبنتناش
هزار : خلص فهمت
رائد : ندخلوا
هزار عملت براسها ايه ودخلوا لداخل كانت بيت فيها 2 شنابر وصالة ومكتب ومطبخ نعتلها شومبرتها وهي ملي دخلت مزادتش خرجت رقدت طول اما هو راح لشومبرتوا تكى على سرير يخمم في حياتوا بين لحظة واختها كيفاه تبدلت من حبوا لسارة وكرهوا لسراج ونقمتوا على راجيني ومبعد جا حب هزار وبدلوا كامل خلاه انسان مختلف تماما اما شي لي خوفوا كيفاه راح يخليها تحبوا ومعاتش تهرب منو