كرونيك:💕💕 تزوجت هندية💕💕

103

الحلقة 103❤
خرجت من دوش تنشف في شعرها لابسة روبة تاع نوم قصيرة بدونتال بخيوط
دخل للشومبرا خزر معاها جاية تهبل سمنت من لحمل متكعبرة فروبة شعرها مبلول شفايفها غوز كرشها مكعبرة قدامها صحيح مزالت صغيرة اما باينة قرب منها وقعد يخزر فيها تفكر يامات لي عاشوهم مع بعضهم ميعرفش علاه شعور هذاك راح وقلبوا موش حامل يشوفها موش مصدق انوا كل مشاعروا كانت كذب
تخزر ليه وتحاول على قد ما تقدر تشم ريحتوا وتملي خشمها متمنية كون تقدر انها تحظنوا وتبوسوا وتشم ريحتوا اما متقدرش يا خسارة
موش عارف علاه كلش تبدل يمكن انوا بعد رجوع سارة اكتشف انوا حبوا لحقيقي هو سارة موش راجيني يمكن كان يتخيل برك
مر بجنبها ومقال شي شمت هواه وتنهدت قعدت قدام مراية دهنت كريماتها وفاتت رقدت حطت راسها عكس جيهتوا هو بدل قشوا ورقد بحذاها منعرف علاه يحس في انوا موش طايق هذ السرير نهائيا دار لقاها مغطية وراقدة هو مزال ساهر كان يحكي مع سارة فايسبوك راجيني كانت راقدة كل مرة تتقلب جيهتوا مرة تحط يدوا على كتفوا مرة على صدروا مرات تقرب منوا اما هو كل مرة يبعد عليها يحس لمستها نار وتحرق فيه هو وراجيني معاد يجمعهم كان صغير لي في كرشها