كرونيك:💕💕 تزوجت هندية💕💕

13

الحلقة 13💓
ناضت صباح على صوت لعصافير ناضت دوشت ولبست حاجة خفيفة وهبطت لقتهم يوجدوا للحفلة ويزينوا فدار جاو صحابها هدروا معاها شوي وفهمت منهم انهم حابين يزينوا دار على طريقة لهنودى وراحت هدرت مع عائشة وجدها وعمها ووافقوا
عائشة : بنتي راجيني اطلعي لعند سراج وقوليلوا ينزل
_ اوكي خالتي
طلعت عندوا وضلت لشومبرتوا لقات لباب كانت راح تدخل لكنها بطلت كيف سمعاتوا يبكي بشهقة خزرت فيه من شقة لباب كان متكي ودموعوا هابطة على خدوا يبكي بحرقة وبعدها مشات غنية " عرفتك انتي تبدلت حياتي من.دا شحال عمري وين كنتي ديتي لعقل ولقلب ملكتيه ...يا غير خلوها تدير كيما تبغي ومن عندي راها اوتوريزي انا لي بغيت خيا على قلبي وهاي ربي داتلي.... قلبي ......حبيبي ...يا نصيبي ....انت عمري يا حبيبي ....ما بنتي وراه عينك فيا مبغتيش تبينلي علبالي وغمضت عنيا بغيتك انتي تقولهالي ... يا خلوها تدير كيما تبغي ومن عندي راها اوتورزي وانا لبغيت هيا على عمري وهاي ربي داتلي قلبي ...نتفاهموا نتقاودوا نعيشوا عيشة معشوهاش منضحكوش علينا لعدو غير هاذي منديروهاش خلوها تدير كيما تبغي من عندي راهي اوتورزي ..انا لي بغيت حيا على عمري وهاي ربي داتلي قلبي وهاي ربي داتلي قلبي "
مع كلملت لغنية كان حاط دبزتوا في فموا وعاض عليها وعنيه حمر ويبكي بشهقة دقت لباب ودخلت هو يمسح في دموعوا بزربة خزرت لتيلي لقاتوا فيديو موقف على طفلة نفسها لي شعرها احمر وهو وراها محظنها فهمت بلي هي سارة للحظة قلبها عصر عليها ودموعها حبت تبكي لكنها مفهمتش بلي غايضتها روحها كيف يحب وحدى اخرى او كي عاد هو يبكي مفهمتش روحها وتخلطت عليها لمشاعر قالت : ماماك تعيط عليك
_ اوكي
هز روحوا وجا خارج وهي وراه تخمم فلڤيديو لي شافوا امس وليوم وحبت تتفرجوا بأي طرق لازم تفهم حكاية سارة كشتا بدرڨة
جا هابط اقاهم يزينوا شاف زينة وتفكر نفس طفلة لي كان يعشقها
_________ فلاش باك ____
سارة : سراج تعرف انوا عرسنا راح يكون ضخم وتكون دار معبية ورد واضواء
يخزر فيها كيفاه تحكي ومتشوقة وتضحك وعنيها وساعوا من لفرحة وشعرها يروح ويجي معاهاوهو يتأمل فيها ويضحك لوحت على وجهوا وقالت : اووو سراج وين رجتي
خطفها من يدها وباسها هلى فمها وقالها : مبهاك حبي منيش صابر وكتا نزوجوا نحبك
_____باك ___
رجع لواقعوا بصوت اموا لي تسقسي فيه اذا عجباتوا زينة
سراج : ايه امي باهية اما كثروا من ورد الابيض
اموا : اوكي مي انت تحب الاحمر حسب علمي
سراج : الابيض خير الابيض يعبر على السلام واصلا كان واحد عزيز عليا يحبوا
راجيني فهمت قصدوا عكست اموا لي استغربت ونفذت بلا ما تحوس تفهم وعيطت لشركة تاع الورد ووصت على الورد الابيض