كرونيك:💕💕 تزوجت هندية💕💕

تابع108

مسمع كان طيط طيط كوبات عليه ومقالت والوا حبس على جنب وهبط من طموبيل بدى يعيد بصوت ويقول : ياااربي ياااااربي ياااااربي اديني عندك ياااربي ديني عند بابا ديني
طاح فالارض يبكي بصوت هبطت من طموبيل وحظناتوا وهو حظنها ويبكي ويهدر كلاموا مخلط قالها : والله مكنت حاب نخليك ونخرجك من داري ليندة هي ليندة لي خلتني نصدق سامحيني حتى انت واذيتك كل لي نحبهم يروحوا يخلوني انا منيش شخص مليح سامحيني
حظناتوا وقالت : اشششششش بيكفي اسسسس اشششششش خلص
حس على روحوا جبد روحوا وقالها : سامحيني موش بيدي قربت ليك معاتش نزيد نعاودها كون هانية
حست روحها قداش غلطت معاه وزادت من جروحوا مسح دموعوا وركب فطموبيل وهو ثاني وعيط لواحد صونا شوي وهو قال : ضابط رؤوف
قال : نعم انا هو
رائد: نحب نلغي شكوة ضد خالد وخليه يروح هل. روخوا
رؤوف : مي خو حاول يقتلك
رائد : مسامح كريم اخي نحب نخليه يروح معاتش يقربني خلوه يسافر لعايلتوا على روحوا وسمحوني في تعبكم
رؤوف : سماح اخي
شكروا وسكر خط خزر مع هزار ومبعد رجع ركز فطريق وقال : سامحيني في حقك رجعت خلفت بوعدي وخليتوا خرج اما حبيتوا يرجع لعايلتوا سكت شوي وكمل يهدر بغصة باينة من صوتوا خليهم يخرجوا من حياتي منيش حابتها تزيد تهدر معايا غلبت منهم سامحيني نتمنى نعوضك بحاجة انا راح نزرب في اوراق طلاق كيما حبيتي وراح نعطيك تعويض ونكتبلك دارنا بأسمك ونحاول نفكرلك خدمة في شركة تاعنا وجدك شفاء راح يخرج راح نخلص كلش فلمستشفى سامحيني في عذابك هذا ما نقدر نعملك نعرف قليل اما هذا واش نقدر ندير سامحيني ونزيد نعازدهالك سامحيني
تخزر فيه ودموعها هابطة مهيش عارفة واش تدير خلاه ماهي فاهمة والوا
كمل للفيلا هبط لقاهم فصالة مجمعين قعد وقال : جدي خالتي عمي انا وهزار حمدلله ولينا بخير راح نرجعوا لدارنا
عائشة: خليكم قاعدين
رائد : ربي يحفظك خالتي حمدلله تحملتونا وضرك لازم نرجعوا لدارنا
اسعد : واش هاذ الهدرة حتى هاذي داركم
محمد : ولدي اذا حاب تروح دارك ربي يسهل اما جامي تنسى بلي حنى عايلتك وجامي لا ننسوك وحنا طول معاك
رائد: ايه جدي ربي يخليكم ليا
بعد ما قنعهم طلع لم قشوا وهزوا وهبط وخلاها تلم في قشها
هبط لقى راجيني داخلة وحدها هبطت من طموبيل وهو راح ليها قال : مرت خويا واختي لغالية جيتي حمدلله على سلامتك
راجيني: يعيشك خويا مي قول اختي برك معاتش تقول مرت خويا حنا راح نطلقوا
رائد : لا يا اختي لا لا عندك تغلطي وتسلمي في سراج
راجيني: خلاص هو سلم فينا وراح
حطت يدها على كرشها وهو قال : على جال ولدكم متسلميش فيه انا متأكد انوا سارة عملتلوا شي سراج موش طبيعي
راجيني: مثل واش ؟
تكلم وقال :سحور
تفاجأت وقالت : سحوووووور ؟ هههععععه سارة تسحر
رائد : شيطان يعمل كلش واذا هي متعرفش طاووس تعرف وراح نبقى وراهم حتى نكشفهم ليه
راجيني : رائد متعبش سراج ظهر يحبها هي وخلاه وانا مكانش بلاصة ليا هنا
رائد : والله ومكان شي غير سحور وسرلح يحبك انت وضرك كلش يبان انت برك حوسيلي بين قشوا كشما تلقي حاجة غريبة او كانش دواء يشربوا او اعشاب جيبيلي منهم
راجيني: منعرف فاش تقول اما ضرك نحوسلك
رائد : بليييز خمي في حكاية طلاق
راجيني: صاي انا قررت وراح نطلق خليها تنفعوا بعد ما نروح ويرجع لحبوا
رائد: والله ونثبتلكم كل بلي هي لي وقعت بينكم
مسحت على كتفوا وقالت : نتمنى انك تلقى سعادة في حياتك ككل
رائد : امييين وليك ثاني
خرجت هزار هازة كابة وساك صغير راح ليها هزهم عليها لاحهم فطموبيل وهي راحت لراجيني سلمت عليها وقالت : بتمنى انك تبقى بخير
راجيني: لوين رايحيين
هزار : على دار رائد
راجيني : رائد تعبان بزاف ابقي معاه وخففي عليه
هزار : نشالله نشالله
حظنتها وراحوا لدار مع وصلوا بدات تتفكر كيفاه سحتها منها وهو ثاني تفكر كيف راحت ورجعت جحيم عليه كيما خرجت