كرونيك:💕💕 تزوجت هندية💕💕

02

لحلقة الثانية 💓
ناض صباح دوش ولبس سروال اكحل وتريكو ابيض رقبتوا v و فاست كلاسيك طلعها لمرفقوا ومشط شعروا وريقل لحيتوا لبس بيما بيضاء جا يهبل مع هو عنيه خضر وهو اسمر شوي وفموا صغير ولحيتوا متحوفة وبدنوا مخدوم وميسكل جا يجنن 💜
هبط يفطر يلقاهم كامل مجمعين وياكلوا صبح عليهم وقعد يفطر بشوي جاء لخدام وقال : مسيو محمد جات ضيفتكم من لمطار
خزروا كامل فيه ووساعت عنيهم بنت الياس جات بعد عشرين سنة راح يشفوها
دخل لخدام وحط لڤاليزات تاعها وهي مزالت مدخلتش
سراج ناض وجا رايح
محمد : ريح في بلاصتك موش حاب تتعرف عليها
هز سراج في صوتوا وقال : منحبش نتعرف عليها ومنحب نعرف عليها والوا انا مستحيل نزوج منها انا منعرفهاش وحتى اني منعرفش حتى اسمها ومستحيل نزوج بوحدة هندية تعبد لبڨر ليل مع نهار وزيد حتى خليقتها منعرفهاش وحتى اذا قبلت وولت مرتي كيفاه راح نتعامل معاها وسيلة تعامل مكانش نهدر معاها بالاسارات مثلا ولا نروح نتعلم الهندية لغة عبدة البقر
_ احترم روحك
صوت جاي من بعيد تلفتوا يلقوها طفلة طويلة سمرة شوي شاغموا عنيها كبار وفمها صغير ورشيقة شعرها كريبي وطويل يوصل لخصرها لابسة جيب وتريكوا وفاست صون مونش وصندال هازة صاك
سراج : نعم لا لا
_ احترم روحك يا سبد
اولا انا جزائرية موش هندية اما عايشة فلهند ثانية انا عندي اسم وهو #راجيني وكاين لغة نهدر بيها معاك لي هي العربية ولهجة جزائرية خصوصا واخيرا انا مسلمة ومنيش نعبد لبڨر كيف نا تقول واذا مقبلتش ننطق قدامك شهادة وهي لا اله الا الله محمد رسول الله 💜 فهمتي
_ ولسانك طويل يا لي جاية من بلاد لوحشية شكون علمك امك
قربت منوا وهزت صبعها في وجهوا واحكي بغش : امي خط احمر فهمتي ومعاتش تجبد اسمها على لسانك ولهند بلدي ثاني منسمحلكش تسبها قدامي وطيح من قيمتها فهمتي
خزر فيها وقال : راح تندمي يا واش اسمك .... على هدرتك
قطعاتوا وقالت : راجيني اسمي راجيني
_ لمهم راح تندمي موش سراج بن سالم لي يتهز صبع وحدى زيك ويتهدد اوكي
_ ايه وموش راجيبني بن سالم لي تتهان وتسكت
جا راح يهدر سراج قاطعوا جدوا وقال : بنتي راجيني اهلا بيك
راحت عندوا وسلمت عليه وهو حظنها وباسها وقال : صحيح تربيتي فلهند ني تتقني لهجتنا ولغتنا
_ كل هذا بفضل بابا الله يرحموا
_ مرحبا بيك عندنا
باسها من جبينها وهي بساتوا من يدوا فاتت عند اسعد سلم عليها ورحب بيها وزادت فاتت لعائشة سلمت عليها وقالت : اهلا بيك في دزاير اعتبرني امك الثانية
_ يعيشك طاطا عائشة
فاتت سلمت على فرح ورحبت بيها
قعدت تفطر معاهم ماكلتهم غريبة عليها اما محسستهوم بوالوا وكلات لي تقدر تاكلوا
عائشة : باين لماكلة صعيبة عليك
_ لا لا طاطا عادي نوالف
تبسمت في وجهها وقالت نشالله صونا تلفونها هزت وقال : ha mom ( نعم امي ) ....ha ( نعم ) ... (Ha oska ka fon ) لقد اتصلت به .....(alvida ).....( i byare kartiho mom ) احبكي امي
حطت تلفون وهم قعدوا يخزروا فيها قالت : امي عيطت تتمأن عليا
عائشة : لباس عليها
_ ايه حمدلله قابت بلي راح تجي نهار قبل لعرس
_ مليح واش اسمها حقا
_ بارڨاتي
_ مليح اسلمت ولا مزال
سؤال بانلها محرج اي خاصة هي تعرف بلي دين امها غالط وطول ما بدات تعرف صلاحها وهي تدعيها للاسلام الا انها مزال مهدهاش ربي
_ مزال مهدهاش ربي
_ نشالله عن قريب
_ نشالله
سراج : تعبد لبڨر هي
_ لا تعبد اله خاص بيهم واسموا شيڨا
_ صنم ( فرح بدهشة )
_ ايه
سراج : كافرة
طيشت لمغرف وقالت : قلنا امي معاتش تحكي عليها مكفاش ولش عانت منكم تزيد تهدر عليها هك انت تخب واحد يهدرلك في امك .. تذكر سواء كانت هندوسية او مسلمة او مسيحية راح تضل امي فهمتي .
ناضت راحت تجري تخبي في دموعها قالت عائشة : دنيا ( خدامة ) وصليها لغرفتها
_ حاضر مدام
اسعد : عيب عليك سراج تبقى لمخلوقة لي تهدر عليها امها
سراج ؛ مي كافرة
_ ما عندوا ما دخلك لي يهمك هي راجيني وهي حمدلله مسلمة ( الجد )
سراج : راجيني . راجيني .. راجيني عطيتوها كثر من قيمتها
محمد : سراج
ناض خرج وخلاهم يفكروا كيف راح يهدوا الوضع