كرونيك:💕💕 تزوجت هندية💕💕

40

الحلقة 40 💓
دخل رائد وقال : اهلا بمرت خويا ؟
_ مرت خويا ؟ واش اتقنعتي بأني لسراج ومستحيل نكون لغيروا
_ لا اما بنتيلي مسطتي وزيد مدام سراج مهوش لا راح يحبك ولا راح يمسك خليني نعيش ايمات بدون توتر شوي ونرجع لحكاياتك راكي حاجة ساهلة بنسبة ليا
_ انا ساهلة راك سير ؟
_ ايه يجي بوم وتفهمي قصدي
خزر فلبيروا تاعها ولقى فوطوا محطوطة دورها ليها وشافها لقاها فطوا تاغها مع امها قال : كل ولحد يحط لي يحبوا انتي حططي امك وهو يحط سارة
_ سارة ؟؟؟!!
_ ايه سارة ! مشفتيهاش
تقلقت وقالت : اخرج عليا معاتش نحب نشوفك
_ لا لا راح تشوفيني طول
مشى وصل للباب وقال : علبالك انتي غبية بزاف انا دايما نحب نساعدك وانتي ترفضي فكري مليح في سارة اذا حبتي تعرفي عليها كانش حاجة انا راني هنا وحلي عنيك على عايلتك راهم طامعين فيك مهومش يحبوك
خرج ومخلهاش تهدر وهي دهشت من هدرتوا وبقات تخمم فيها ومبعد صونا تلفون تاعها هزت بلا متشوف شكون : الو
_ راجيني نروحوا نتغدوا ؟
_ اوكي راني جاية سراج
خرجت وراحت تمشي لعندوا وقالت : هيا نهبطوا
ساكتة وتخمم في كلام رائد وتلعب بيديها وموش مركزة مع طريق غير تمشي وان يروح سراج تبعوا نتابهلها سراج حكم يدها وقال : راجيني لباس ؟
تبسمت معاه وقالت : ايه حمدلله نخمم فلخدمة برك وزيد جيعانة هاذا مكان
_ هيا نروحوا ناكلوا
_ هيا
راحوا قعدوا يتنوا فدور نتاعهم هزوا ومشاو لطاولة يريحوا حطت بلاطوا وباش تجبد لكرسي تريح ورائد فات عليها جبد لبوندو تاعها من شعرها وتحل شعرها وهبط على كتافها ووجهها وكان واصل لخصرها ناس كل تولهت معاها وسرراج كان باش يلحق عليه لكن راجيني قاتلوا خليه برك رداتوا للورا وقعدت وهو هابط على وجهها تقلقت منوا ولاحظت فلفاست تاع سراج كاين ستيلوا جبدتوا وهزت شعرها وحكمتوا بيه وقالت تحلت لمشكلة خلاه
_ هههههه مبدعة
_ مرسي
كملوا كلاو وحكاو شوي على الخدمة ورجعوا للخدمة مقدرتش تركز مع لخدمة وصلها مساج من عند رائد " راني بحذى لبحر اذا تحبي تعرفي شوي حوايج على سارة لاقيني ثم "
خرجت تجري للبيروا تاع سراج حلت لباب بلا ما تبطب وقالت : اعطيني مفاتح طموبيل
كان الياس ثم مشفتوش من زربة
قال بدهشة : وين رايحة
_ تمدلي مفاتح ولا لا قول
_ اهدري سع وين رايحة
_ عندي طريق اعطينب
_ اهدري وين رايحة متقلقنيش
_ صاي مبغيتش وهزت صبعها تهدر معاه اما منا وجاي كيف نقلك نجيب طمغ تاعي معاتش تقلي لا وانا ونديك وين تحبي
جات باش تخرج وهو حكمها من ذرلعها ودورها ليه جات في حظنوا وشعرها جا معاها على وجهوا وقالت : سيبني راني مزروبة
يهدر ولقلقة تخرج من عنيه ونازل على سنيه : منا وجاي كيف نسقسيك سؤال تجاوبي ومعاتش تهزي صعبك في وجهي وتهددي اوكي
_ سيبني وجعتني
فاق مع روحوا وسيبها عطاها مفاتح وقال : هاكي وردي بالك على روحك
هزت مفاتح وخرجت تجري وهو قال لالياس : هيا
ونزل وراها والياس معاه
تجري بشوي وشعرها يروح ويجي وراها ولي يشوفها يحير علاه مزروبة وقداش من مرة تضرب في واحد
الياس : علاه راح تبعها متوثقش فيها
سراج : لا اما هي متهورة ونخاف تأذي روحها
_ هيا وصلت لطموبيل ( لا مبرچيني ) ركبت وطارت بيها للبحر وهوما وراها تسوق بسرعة كبيرة وتزيڨزاڨي فطريق
سراج : سوف كيفاه تسوق راح تهبلني هاذ الطفلة كون كاش ما يصرالها
يهدر ويخبط في يدوا على لڤولو ( مقود )
الياس : هدي روحك سراج
_ شوف شوف كيفاه تسوق وصلت للبحر حبست طموبيل حلت لباب بزربة ونزلت رجعاتوا وقفلت بلمفتاح وسراج حبس وراها وقعد يشوف معاها هزت تلفون وهدرت شوي ومبعد كوبات وراحت تمشي وسراج يتبع فيها بعنيها حتى وصلت لبارسول وناض من تحتها راجل ودار ليها
سراج: اوووز هذا موش رائد واش تدير معاه
الياس : هو بذاتوا يا صحبي
جاء باش يهبط والياس حكموا وقالوا : لا خليها سع لازم نشوفوا واش يديروا هنا
_ اوكي
_________
_ ايه راني جيت احكي
كانت نسمة باردة تطلع من لبحر وشعرها يجي كامل على وجهها جبد لبوندوا تاعها من جيبوا وعطاهولها وقال : احكمي شعرك راهوا مقلقك سع ومبعد نحكوا
حكمتوا منوا ولمت شعرها كعكة وقالت : ايه احكي ضرك
_ اقعدي
_ احكي لي عندك خليني نروح
_ هههههه اوكي شوفي هاذي كانت بنت خالتنا طفلة في عمرها عشرين سنة كان سراج يحبها بزاف وانا ثاني كنت نحبها ونموت فيها اما هي كانت تحب سراج موش انا وبعدها انا حاولت نتقرب منها وسحرتها بيا وهي في واحد النهار جات عندي وتبكي خاطر داڨت مع سراج على جال عرسهم كيف وانا وسيتها وتقربت منها وصار لي صار
شهقت وحطت يدها على فمها وقالت : سما خناتوا معاك
_ ايه خاناتوا معايا وهو غدوا طلب منها سماح باش يرجعوا يعرسوا في نفس الموعد لكن هي خافت كيفاه تقدر تواجهوا بلا غشاء بكارة لي خسراتوا معايا في هذيك ليلة وبعثتلوا ڤيديوا وانتخرت فلبحر ومن يومها وانا حاقد على سراج ومنيش دور نسامحوا ابدا لانوا بسبوا ماتت اكثر طفلة حبيتها
_ وعلاه متقلوش على لحكاية كل
_ لانوا حباتوا يعيش بذنب تاع ماتت بسبتوا وميقدر يحب حتى حد من بعدها حتى انتي مستحيل يحبك لانوا يشعر بالذنب تجاهها وحتى اذا حبك راح نيدك من بين يديه كيف درت ممع سارة وقتلك من قبل انتي حاجة ساهلة
ضرباتوا بكف وقالت : مستحيل نكون ليك يا خاين محشمتيش تخون خوك
_ مستحيل نخليكم تتهنوا
ثارت تبكي وراحت تجري لطموبيل نوضتها وراحت في طريق الشركة