كرونيك:💕💕 تزوجت هندية💕💕

86

الحلقة 86❤️
راجيني : تعرف انها ولت تحبك وانت تشك فيها
كلمة تحبك بقات معلقة في وذنوا خلت قلبوا يدق بسرعة اما مزال حاس بوجيعة من شي لي شافوا
رائد : هي قالت انها تحبني ؟
راجيني : ايه قالتلي وليت نحبوا وهو بعدني عليه وانها توحشت انها تحضنك وتبكي عندك
رائد : راجيني اختي صدقيني منحبش نسوف دموعها اما منظر هذاك منقدرش ننساه
راجيني : اسمعها خليها تبررلك
حط يديه في جيابوا وقال : شفتها بعيني تصدقي كل ما نتفكروا قلبي يتقطع حكماتوا من خدودوا وقربت فمها من فموا كون موش جبدتها راهي بساتوا قدامي
راجيني : مي هزار مهيش تشفى على والوا
رائد :واش تقصدي
راجيني : هي قالت انوا ماهيش تتذكر في حتى حاجة من لي صار وحكيتهولها
ضحك ضحكة استهزاء وقال : هي قالت هك انا معاتش نوثق فيها
راجيني بعصبية : رائد يزي بلا جنان تاعك. طفلة تحبك وانت بعدتي عليها حس بيخا تحس انها وحيدة شوف مع عنيها ميتنحوش منك وتبسيمتها كي تشوفك وحدها تكفي
رائد سكت قعد يخمم في كلام راجيني اما هذاك لمشهد اللعين محبش يروح من بالوا
سمعوا صوت ينادي عليهم ومكانت غير عائشة تعيطلهم باش يجو يتغدوا
راحوا مع بعض كل واحد يخمم في حاحة مع دخلوا لقوهم مجمعين على طاولة لغداء هزار هزت عينها معاه وتبسمت شوفتوا وخدها تخلي قلبها يفرج خزر فيها طاحت لعين فلعين طبست راسها وهو راح قعد بحذاها ريحتوا خلتها تتعذب كثر وكثر طبست راسها مع صحن وبدات تاكل او ان صح القول تلعب بلماكلة لعايلة كل تحكي وتقصر وتسقسي فيهم على لندن حتى رائد فرحان بلمة غير هي كانت ساكتة
تكلمت عائشة وقالت : هزار بنتي واش بيك ساكتة ؟
تبسمت وقالت : لا ما في شئ بس عم اسمعلكم
خزر فيها سراج وقال : هزار اختي حبيت اسئلك لوين واصلة بدراستك وواش هي مواهبك
تبسمت وقالت: انا تحصلت على بكلوريا اما عن مواهبي فأنا اعرف العب كورة وكمان بعرف ارسم واحكي شعر
تبسم رائد وقال : كورة هههه مليح
سراج : هههههه تعرفي تسبحي
هزار : لا للاسف انا بخاف من المي كتير
سراج : اووو مكان والوا لازم رائد يعلمك
تبسم رائد وقال : اكيد لازم
تبسمت وقالت : نشالله
كملوا ماكلتهم وهم يحكوا حتى سمعوا صوت طموبيل وصياح حراس لباب
دخلت تعيط وتقول : بعد على طريقي انا جيت عند اختي حابة نحكي معاهم
هو يحاول يمنعها وهي دخلت
عائشة : شكون هنا واش هاذ الصوت
_ هذا انا
داروا كل خزروا فيها وسراج قال : خالتي طاووس
كل بانت عليهم علمات الدهشة من حيز ماتت سارة مدخلتش دارهم كانت تلومهم على موت بنتها
طاووس : ايه هذا انا الطاوس
محمد : خير مجابك بنتي طاووس
طاووس : جيت نديرلكم مفاجأة جيت نستشفى في عدياني لي ستشفاو فيا وزوجوا ولادهم بعد موت بنتي جيت نحكي على الماضي
اسعد : واش هاذ الهدرة يا طاووس اختي
طاووس : ايه ليوم جيت ناخذ حقي ونندمكم على كل دمعة طاحت من عيني وعين بنتي
عائشة : عين بنتك ؟
طاووس : ايه بنتي
سراج بدهشة : سارة ؟؟؟
طاووس ايه سارة بنتي لي حرقتلها قلبها كيف زوجت من هاذ الهندية الكافرة
سراج تعصب وقال : احترمي نفسك وفهميني سارة مزالها عايشة
طاوس : ايه مزالها عايشة
رائد مستحيل شفت طموبيل بعيني كيف خرجت من لبحر مطبقة
طاووس راح تشوفها قدام عينك وتصدق
دارت وعيطت : سارة بنتي ادخلي
دخلت تتمشى بطالوا نفس ستيلها كلاسيك مع شعرها الاحمر نفسوا وبشرتها البيضاء وعنيها الخضر مزالها شابة كيف مكانت شي لي تبدل هو كلامحها لي تخلطت بين الحزن والوحش
راجيني : سارة !!؟؟