كرونيك:💕💕 تزوجت هندية💕💕

48

الحلقة 48 ❤️
_ طاولة احتفال بعيد ميلاد امك
ضحكت بفرحة كبيرة وحظناتوا وقالت : اوووه انت فرحتني بزاف بلجاست هاذي
_ كل هدفي اني نفرحك يا حياتي
حكم يدها باسها ومبعد قعدها على الكرسي وقعد بحذاها عيط لامها بسكايب واستقبلت الاتصال
راجيني : ohhhh maa teri bhot bohot khobsourat ) اوووه امي انتي جميلة للغاية )
_ chokrya betii ap kissi hi ( شكرا ابنتي كيف حالك )
_ meni bhot bohot kouch maa for see you ( انا سعيدة جدا لاني رأيتكي )
_ me to betii
جاو صحابها وفرحت بشوفتها وبدي الاحتفال قطعوا القاطوا من ومنهيه وعي تغني معاهم اغنية عيد الميلاد وبعدها امها فرحت كيف عيطتلها وحكات معاه شوي وقفلوا قطعت القاطوا وهزت طرف وقدمت منوا حطتهولوا في فموا كلاه وهز طرف حطهولها في فمها كلاتوا وهي هزت طرف مسختلوا بيه خشموا ( انفوا ) ضحك ومسحوا وهز طرف حب يمسخها اما هي هربت تجري وهو لحقها حظنها من لتالي ومسخلها خدها وبعدها هزها ودار بيها وهي تضحك ( تخيلوها مع نسمة واغنية هندية وثقلوا لقطة اوكي ههههه ) وبعدها حطها وقعد محظنها من لتالي حاط راسوا في رقبتها وهي ظامة يديها فوق يديه وضحكة على وجهها وتخزر فسماء
وبعدها قعدوا فالارض على لفراش محظنها من وراها وقاعدة محسوب في حجروا تخزر اللنجوم ولفرحة على وجهها ولي زاد حلى هاذ الجمعة هو صوت الموسيقي لي طالع من لبيسي pc خزرت فيه شوي على جنب وحكمت يديه لي محطوطين على خصرها وقالت : تعرف اني كيف جيت لدزاير قبل شهرين كنت متخيلة اني راح نفقد السعادة واني راح نعيش تعيسة واني راح نكون وحيدة اما بوجودك في حياتي نكون اسعد انسانة
بعدت عليه شوي وناضت وقفت وهو وقف قدامها حكمت يديه وتهدر
راجيني : ممكن يبالنك كلامي غريب اما هاذي هي الحقيقة حقيقة انوا السعادة في حياتي ما تكون غير معاك انت ، انت اجمل حاجة صرتلي من يوم مات بابا انت اكبر فرحة بنسبة ليا انا معادش حابة اني نعيش بلا بيك بعدك معاتش نطيقوا حابة نفسخ عقد 6 شهر وخابة نقعد معاك طول العمر حابة نعيشوا مثل اي 2 متزوجين ونحبوا بعضنا ونجيبوا ولاد صغار نربوهم ونحوسوا لعالم كل مع بعض حابة انوا يدي ويدك معاتش يتفارقوا وقلوبنا تتوحد ونصيروا روح وحدى بجسدين ومتفرق بينا كان الموت
زيرت شوي على يديه وهزرت في عنيه وبلعت ريقها وقالت : سراج انا نحبك
اعترافها كان مثل الصاعقة بنسبة ليه سكتت تستنى في جوابوا هو حل فموا مدهوش من كلامها صحيح كلامها رتحوا وانها مهيش دور تخليه وتروح وهذا بحد ذاتوا يخليه يحس بسعادة كبيرة اما موش عارف واش يجاوبها هو مهوش متأكد انوا يحبها وانوا حياتوا كل حاب يكملها معاها خرج من فموا كلام موش مركب وموش مفهموم ابدا لانوا تكلم من غير ما يركز فلي يقول هو هدفوا حاليا انوا ميحبش يخسرها وميجرحهاش وقال : انا معجب بيك صح اما منقدرش نقلك نحبك لاني منيش متاكد من هاذ الشي اما حابك تبقي معايا طول لعمر اما نحبك انا منضنش اني عندي الحب لكافي باش نعطيهولك
سيبت يديه ومحست بحتى شئ من غير الم في قلبها فيراتوا هي على شكل اهانة في حقها سخرت زوج خطوات لتالي واختفات الضحكة من على فمها وطاحت دمعة من عينها هزت يدها مسحتها بكف يدها وهو قال : راجيني رجاءا متفهميش اني منيش حابك في حياتي
طلعت تجري هازة ثوبها بين يديها وطالعة تجري فدروج طاح شال من على كتافها وهو لحق وراها لقاها دخلت لغرفتها وقفلت لباب كان حاب يدق على لباب اما فكر فلموضوع مليح ولقى انوا ميقدر يقلها لا الكلمة لي تحب تسمعها ومهوش يقدر يخليها تنسى الجروح لي تعرضتلها ضرك هز الشال تاعها وراح لغرفتوا حطوا قدام خشموا وتمد على سرير وقعد يخمم فيها وكيفاه يرضيها سرقتوا ذكرى اليمة خلتتوا يطيح دمعة عليها تذكر كيف سيبت يدوا وكيف طاحت دمعتها وطلعت تجري وهو مقدر يعمل حتى شئ باش يرد الضحكة على وجهها حط يدوا على قلبوا وعصر عليه وقال : انت متعرفش شكون تحب انساها برك راجيني احسن منها راجيني موش دور تخليك وتروح
__________
سيبت روحها على سرير رقدت فلعرض شعرها مغطي وجهها كمشت على غطا سرير وقعدت تبكي بحرقة وتتذكر كيف رفض حبها ليها حست روحها تسرعت وندمت على انها خبراتوا بحبها كانت قادة تكتموا اما حست روحها غبية كيف اعتارفت موش قادرة تنسى الاهانة لي تعرضتلها عصر عليها قلبها وزاد عليها عقلها لي شن عليها حرب ضد قلبها بكات حتى حست انوا دموعها نشفوا رقدت وهي ضامة لمخده