كرونيك:💕💕 تزوجت هندية💕💕

107

الحلقة 107
طلع لشومبرتوا لقاها قاعدة تمكيج راح هز قشوا من درسينغ ودار لقاها تحط فروج في شواربها وترسم فيهم نار وشعلت فيه نفخ بغزول وفوت يدوا على شعروا توجه لدوش وهي ناضت وفي لحظة جات واقفة قداموا عنيها غماق لونهم وكباروا بلينار ورسيل لي حطاتوا بشرتها فتاحت اكثر وزيانت بلفارجوا لي داراتوا ركز. مع شفايفها لي زادوا برزوا بلغوج لي عملاتوا اكثر واكثر بلع ريقوا وهبط عنيه ميحبش يغلط من غير شي محبتش تسامحوا بعد شوي وفات لدوش وهي تكلمت موراه وقالت : رائد
دار ليها وهي قالت : حابة تروح معايا عند جدي ليوم
قال : ايه معليش ندوش برك ونروحوا
قالت : اوك ماعليه
راح عمل دوش بلخف وخرج لبس شورط تاع دجين وارمكس ابيض وتريكو نص ذراع ابيض ركح شعروا بجال عمل برفان وهز حوايجوا وخرج هبط فدروج لقاها قاعدة لابسة روبة زرقاء طويلة مع صباط طالوا وسيبت شعرها مع مكايجها جات تهبل قري منهم وقال : هزار نروحوا
هي شمت ريحتوا لي روهجتها وشكلوا لي دخلها بعضها مهيش عارفة انها هي ثاني عاملة عمايل فيه راحوا ركبوا فطموبيل وهو قال بعد مدة من صمت : نقصي شوي فروج لي في فمك
خزرت فيه وقالت : وعلاه
تكلم هو : هك نقصي فيه وخلاه
طلعت حاجبها وقالت : منقصش !
خزر فيها وقال : ديري رايك يا لالة مي منبعد متلومنيش
مع وصلوا للمستشفى هبطت راحت عند جدها تتمشى قداموا وهو لي تفوت عليه يركز معاها قلق وفد كيف مسمعتش هدرتوا ضرك لي يشوفها يخزر مع شفايفها لحق مشى معاها وحكم يدها باش يقلوا بلي راهس تابعتوا اما هي حبت تعمل زكارة وسيبت يدوا وزادت سبقتوا للأسنسار كان مليان غاشي ركبت وباب تسكر وهو قعد قلق عللخؤ من جاست لي دارتها ولى راح طلع فدروج يزرب مع هكاك متحس بكان يد مستها من خصرها دارت كان راجل يكون في 40 هكاك تعمد يقيسها وقال سامحني مودموزال وغمزها  تقززت منوا ودارت من ومن ملقاتش رائد كنت للكوانة وقعدت وهو راجل تبعها وقال في وذنها : عندك ..... تخطف لعقل
دمعتها هبطت تفكرت خالد وواش صرى كل دزتوا وهربت للباب حاولت تحبسوا اما مزال ملحقش لطابق باش يحبس وراجل يخزر فيها ويعض على شفتوا ويضحك
واخيرا تحل لباب وهي هربت تجري وتحوس على رائد وكل دقيقة تخزر وراها تشوف فراجل وراها ويضحك وهي هاربة حتى حست بيد جبدتها دزتوا وقالت بصوت عالي ودموعها على خدها : بعد عليا بعد متمسنيش
خزرت فيه لقاتوا رائد حظناتوا بكل قوة فيها وتبكي بشهقة شاف راجل وراها يخزر ليهم وهي قالت بصوت متقطع من شهقة تاع لبكى : قلوا يبعد عليا
سيبها وراح ليه وراجل بدى يجري لحق يجري وراه حكموا فدروج ضربوا ببونية دم مشى من فموا وبدى يضرب فيه قالوا : كيفاه تتجرأ وتحاول تقرب من مرتي يا خامج