كرونيك:💕💕 تزوجت هندية💕💕

53

الحلقة 53 ❤️
هبطت لقاتهم قاعدين قالت : عيطلي سرلج وقال بلي وصل لكندا
عائشة : حمدلله وهو لباس
راجيني : ايه حمدلله
اسعد : لاول مرة سراج يعيطلنا قبل ما نعيطلوا شكلوا زواجوا من راجيني بدلوا وهلاه يهتم بعلاقاتوا
حشمت وطبست راسها
محمد : ااااه وانت واش دخلك فيهم خليهم يحبوا بعضاهم مزالوا صغار على روحهم
حشمت وطلعت تجري لشومبرتهااسعد : شوف بابا حشمت الطفلة
عائشة : هههههه انت لي بديت وهو كمل عليها
محمد : ههههه خلوها برك
ضحكوا كامل مع بعضهم عليها
________
دوش بدل قشوا لبس شورط وقعد يوجد للاجتماع لي فليل وهو غاطس فلخدمة دق لباب ناض باش يحل وتفكر كيف قاتلوا البس قبل ما تحل لانها متحبش حتى واحدى تشوفوا عريان
لبس تريكو وحل لباب لقاها خدمة الغرف وحبوا يعرفوا اذا يتعشى لتحت ولا الفوق وهو خير يجبولوا للغرفة خاطر تعبان
وبعد حوالي ساعتين كمل خدمتوا وطلب لعشاء قاعد ياكل ويتفرج على مسلسل امريكي حتى صونا تلفون تاعوا هز بلا مايذوف شكون وقال : الو
_ الو
سمع صوتها بعد التلفون يتأكد بلي هي ورجع قال : راجيني واش حوالك
_ حمدلله عيطت نسقسي عليك
_ حبيبتي بلا رسميات انا وانت متزوجين وانتي كل ما توحشتيني هزي تلفون وعيطيلي
_ايه واش تعمل
_ نتعشى
_ بصحتك نشالله يكون اكل صحي
_ يعيشك حبيبتي ايه صحي بزاف وانتي واش تعملي
_ قاعدة فجنينة كلعادة
_ تعشيتي
_ مزال
_ روحي كولي متخلينيش نتقلق عليك
_ ايه نشالله
حكى معاها حوالي ساعتين في هذوك الساعتين الضحكة ما فرقتش وجهها وفي كل موضوع يخليها تضحك من قلبها
كملت حكات معاه ودخلت كلات طلعت شومبرتها بدلت قشها هزت فاست تاعوا حظنتها ورقدت تشم في ريحتوا لي تعشقها وتعشق تشمها اما موش كيف تشمها منوا تبقى احسن واجمل من قشوا اما هي تصبر في روحها بلقش ختى يروح بعد تفكير طويل رثدت كيف الملاك
______
كان قاعد على الفراش يخمم في مشاعروا الجديدة تجاه راجيني وبعد ما فكر مليح بانوا يتوحشها وانوا يخاف عليها ويتمنى يكمل حياتوا معاها وميحملش يشوفها تبكي عرف هو قداش يحبها وبحب كل خاجة تتعلق بيها وهو يعد فالايام باش يروح يعترفلها ويعيشوا في سعادة وحب