كرونيك:💕💕 تزوجت هندية💕💕

94

الحلقة 94
يجهزوا في روحهم للعشاء قلبها مهوش مطمن تحس وكأنوا حاجة راح تصرالها ثم قد ماحولاتوا باش ميروحوش هو يقلها عيب من خالتوا طاوس واخيرا قررت انها تروح وخلااه لبست وتحرقست وخرجوا راحوا مع وصلوا فرحوا بيهم عاللخر
سارة : اهلا راجيني اهلا اختي وينكم طولتوا
سراج خزر فيها وتبسم وقال : انا كنت شوي نعسان نشالله منكونوش خليناكم تستنوا
تبسمت وقالت لا والله نورمال
راحوا قعدوا يحكوا وشي لي خلى راجيني تتقلق انوا سراج وسارة يحكوا غير على لماضي برك وسراج غير يضحك
ستأذنت وراحت سارة جابت جي وجات وبدات تفرق كيف وصلت لراجيني جات تهز كاس جي تاع فراز قالت : لا اختي راجوا هذاك تاع سراج هزي تفاح هو يحب لفراز
تبسمت وهزت تفاح وهو هز لفراز ويشرب فيه ومهوش محبس وغير زادوا هم فضحك حتى تقلقت راجيني من تصرفاتهم وكيفاه متجاهلها سراج ومطولوش حتى قعدتهم على طاولة لعشاء قعدت بحذى سراج وكل شوي تحطلوا فلماكلة وتقلوا كول ماك تحب طبخي وهو ياكل ويضحك
بعدها سهروا شوي وروحوا في طريقهم غير ساكتين مع وصلوا طلعوا بشومبرتهم هو ترمى فوق لفرش وقال : طفى ضو راح نرقد
دارت روحها مسمعتوش هزت قشها وراحت بدلت وجات قعدت قدام لمراية تسلك في شعرها وتدير في كريمات ترطيب خزر فيها وقال : طفي الضو
خزرت فيه من المراية وقالت : هاو قدامك طفيه
طلع في صوتوا وقال : نحكي معاك طفيه خليني نرقد
قالت : نوض بدل قشك وطفيه
وجات نايضة وهو ناض على غدرة وجبدها من ذرعها ودزها على لحيط وقرب منها وقال : واش بيك تحكي معايا هك قالت : انت لي واش بيك تعارك وموش حامل ناس
_ اوو انتي تحوسي على لمشاكل ولا كيفاه
بعد عليها ودار للطاقة وهي قالت : سما انا نحوس على لمشاكل ؟
هز في صوتوا قال : ايييه انتي تاع مشاكل واش بيك مع لعشية
قاتلوا : نسيت روحك كيفاه كنت تتعامل مع سارة لعشية كيفاه تضحك معاها وغير تتبسم وانا تقول مكانش
خزر فيها وقال : انتي تعرفي مليح معزة ساؤة عندي
خزرت فيه بنظرة كلها لوم وقالت : علاه مزالت عندها بلاصة ولا كيفاه
خزر فيها وقال : راجيني متهبلينيش مع لعشية بلا غيرتك ضرك اصلا راسي واجعني
راجيني : اوووو انت تبدلتي صح كيفاه تعمل معايا هك نسيتي بلي كنتي تقول بلي انت تحبني وهي مكانش عندها بلاصة عندك
هز في صوتوا وقال : اوووف منك ماكش ساكتة وفايتاتوا لموضوع
هي دمعتها طاحت تخلعت من صوتوا كيفاه هز عليها صوتوا راحت لسريرها لجيهتها تكت غطت روحها وعطاتوا بظهرها وهو نحى قشوا لبس شورط ودخل لجيهتوا كانت تستنى انوا راح يجي يحظنها ويراضيها مي مدار والوا من هذاك شئ
تكى رقد وخلاها باتت تبكي نشفوا دموعها من لبكى دموعها شمخوا وسادتها رقدت متأخرة
______
يمشي بسرعة هائلة فطريق يحوس عليها قلب عليها دنيا مي ملقهاش مكان حتى دليل غير بعض اثار عجلات كل مرة يتبع فيهم
تبكي وتنوح تتمنى غير يعرف طريقها ويسلكها منهم وهي هكاك تسمع في تلفون يصوني تكلم واحد وقال : سي خالد تلفون ليك
هزوا منوا بنطرة وقال : الو .... واش لوضاع..... مزال يتبع فينا لكلب .... اسمع شوفلوا حل .... اقتلوه ايه اقتلوه
كيف سمعاتوا حست سكين تغرزت في صدرها زعما يحكي على رائد خايفة يصرالوا حاجة وتموت هي تخزر وراها مهيش شايفة حتى حاجة
تبكي بشهقة وخالد يضحك عليها
وقال : هزااار حبيبتي متخفيش راح يموت وبعد ما نذوق بنة جسمك نلحقك عليه وكمل يضحك بصوت وهي خايفة موت منوا
وهو يسوق هكاك بزربة حتى شاف غير شجرة متكية فطريق قد ما حاول انوا يحبس غير انوا فرانات طموبيل كانوا ثقال ودقلبت بيه طموبيل خطرتين وشعلت نار في جوانبها صونا تلفون خالد خزر في هزار وهز وبعد مدة من محادثة قال : اووووو اللله غالب كان نس ملاح الله يرحموا
طرشقت بلبكا تبكي وتنوح وتحاول تسلك روحها وهو يضحك عليها بصوت
قاعد فطموبيل يخزر ليه وهو هكاك طرشقت طموبيل وشعلت فيها النار