كرونيك:💕💕 تزوجت هندية💕💕

99

الحلقة 99
طلعت لشومبرتها لقاتوا قاعد ثم يبربش فتلفون خزرت معاه كيفاه قاعد بكلوا وخرة وزين قعدت قدام مراية تمشط في شعرها ومرة علة مرة تخزر فيه فلمراية وهو هكاك ويرن تلفون هز بفرح وقال : الو سارة لباس؟
خزرت فيه بدهشة وتربعت على وجهها تقسيمات خوف ولحزن
قعد يحكي معاها ويضحك وهي حست بكرشها واجعتها ونفسها ضايقة عليهم راحت تجري لدوش تتقيا وهو كمل يحكي وتجاهلها غسلت وحدها وعملت كل شئ وحدها كانت تتمنى يكون وراها ساندها ليه اما هو مجاش خرجت من دوش تنشف في طرافها شاف معاها عمللها بيدوا سفا تبسمت وعملت هيه براسها خرجت هابطة للتحت وفجأت ما سمع كان صوت حاجة طاحت كوبا وخرج لقى محمد وعائشة قدام باب بيتوا وراجيني فالارض وهم يحاولوا يفيقوا فيها خزرت فيه عائشة وقاتلوا هز مرتك
هبط هزها حسها ثقيلة مسيبة روحها كليا حاولوا يفيقوها بلماء وكلونيا حتى جاء طبيب مي مقدوش جاء طبيب كشف عليها وقال : مدام عائشة كيفاه تخلي بنتك وهي حامل بلا اكل وزيد حمى طالعتها متخفيش عليها وعلى صغيرها
ترسمت تبسيمة على وجوهم الا هو كانت دهشة قبل تبسيمة وقال : حامل؟
قال: وي مبروك سي سراج مرتك حامل اما رد بالك عليها راهوا هي ضعيفة ميسولهاش تعب زايد
قال: مرسي يعيشك دكتور نشالله متكون غير بخير
وصفلها دواء وضرب ليها ابرة وخرج
هو قعد عند راسها يشوف معاها وجهها اصفر وتاعب لام روحوا كيف كانت تتقيا هو مكانش معاها وزيد حتى كي طاحت مسندهاش كون صرى حاجة لصغيروا وليها كان مهوش راح يسامح روحوا
حلت عنيها صادفها وجهوا قدامها تبسمت بلا ما تشعر قداشوا زين وزاد زيان اكثر واكثر قال بصوتوا لحنين وهو حاكم يدها : هكا تخلعني عليك وعلى صغيرنا
تفاجأت وقالت بصوت مبحاح : صغيرنا؟؟؟؟
ضحك وقال : اييييه حامل يا روحي حااااامل
حطت يدها على كرشها ودموعها هبطت مقدرتش تزيد حتى كلمة قرب منها وحظنها حطت خشمها في رقبتوا وتشم في ريحتوا ولت تموت عليها ريحتوا وهو مهبلينها قالت في وذنوا : حبيبي متبعدش عليا
قال : نحبك ياا قلبي وجامي لا نبعد عليك
تعنكشت عندوا وهو قال : حبي انت محمومة وزيد مكليتي شي نجيبلك تاكلي ونجي راح وجد ليها سني ورجع حطهم بدى يوكل ليها وهي تاكل صونا تلفون خزر مع ليكروا لقاها سارة كوبا عليها ورجع كملهها ماكلة