كرونيك:💕💕 تزوجت هندية💕💕

84

الحلقة 84❤️
هز رائد يدو يريقل بيهاشعروا شافت عائشة الجرح قالت : رائد ولدي واش بيها يدك
تفكر كيضربها على طموبيل وقال : جرح بسيط خالتي متخافيش
عائشة : هزار بنتي روحي جيبي علبة اسعافات من درج وضمديلوا جرحوا
راحت جابتها وجات ملقتوش
هزار : وينوا رائد
عائشة : فجنينة روحي تلقيه ثم
خرجت لقاتوا حاط يديه في جيابوا ويخزر للورد باين عليه الشرود حطت يدها على كتافوا وقالت : رائد
جبد روحوا وقال : بعدي عليا هاتي ضرك نعالج روحي بروحي مالف
مد يدو للعلبة وهي بعدتها وقالت : خليني داويلك جراحك انا عندي كل لحل لمشاكلك
خزر فيها بنظرة ترعب وقال : هاتي هنا علبة الاسعافات
حطتها ورى ظهرها وقالت : بدك تضربني اضربني بس ماراح اعطيك ياها
خزر فيها وقال : مستحيل نمد يدي عليك نوجع روحي ومنوجعكش
دور وجهوا وهي قربت منوا حكمت يدوا وحطت علبة على طابلة بحذاها وقالت وهي داوي في جرحوا : تعرف انوا انا ما بحس بالامان الا وانا جنبك وانوا لما بشوفك بفرح من جوات قلبي مركزة مع الجرح تداوي فيه وتهدر وهو يخزر فيها بنظرة كلها وجيعة كملت كلامها : بعد ما ماتوا اهلي بسوريا واجيت لهون كنت بحس بلخوف من كل لي حواليا بس انت خليتني اوثق فيك في اقل من شهرين ولما انا وثقت فيك انت رجعت تشك فيني
جبد يدوا من يدها بعد ماكملتلها الدواء وضمدتها وهو قال : معاتش نحب نحكي فلموضوع هذا
رجعت حكمت يدوا وقالت : صدقني كل لي صار انا ما عم اتذكر منوا شئ ولا عملت منوا شئ
دار ليها حكمها من ذراعها وقال : انا شفتك بعيني وانتي تقولي معملتيهش
خزرت فيه وقالت وهي تشهق ودموعها نازلة : صدقني انا عنجد ما عملت هيك ولا بفكر اعمل هيك لاني انا عنجد بح....
قاطعها صوت صونات طموبيل رجعوا خزروا فيها لقوهم سراج وراجيني جاو
سيبها وقال : امسحي دموعك وخلينا نروحوا
مسحت دموعها ومشات وراه رسم على وجهوا ابتسامة مصطنعة يخبي بيها كل وجيعة في قلبوا جات كل لعيلة ترحب بيهم نزلت راجيني راحت تجري لجدها تحضن وتبوس وسراج راح لاموا لي دموعها ولوا كي لويدان تسلم عليه وتبوس فيه وهو ثاني. وبعدها راح لبوه وهي لعائشة سلموا عليهم ودموع في عنيهم قربت راجيني من رائد وحظناتوا وقالت : توحشتك خويا لعزيز
حظنها حتى هو وقال : وانا اكثر راجوا اختي
فاتت لهزار حضنتها وقالت : شو اشتقتلك
راجيني : انا ثاني
سلمت عليها ودخلوا بقى غير سراج ورائد برى مد رائد يدوا لسراج وقال : اهلا بيك في دارك خويا لعزيز
جبدوا سراج وقال : خويا لعزيز توحشتك عندي عامين محظنتكش نسيت انك خويا في جرتها نسيت انها هي لي جاتك موش انت لي رحتلها سامحني خليتك وحدك وانا نعرف كل ضروفك
رائد حظنوا بقوة وقال : توحشتك خويا سامحني لاني كنت كل مرة نزعج فيك بحاجة
ضحك سراج وقال : صغار طول يلعبوا مع لكبار لعبات بايخين
ضحكوا ودخلوا للداخل يحكوا مع بعض ويضحكوا مع شفاتوا هزار تبسمت وراجيني. خزرت معاها وقالت : واش صرى هزار
خزرت فيها : بس فرحانة لانوا عم يضحك مع سراج وتصالحوا
راجيني : واش صرى علاه حزينة هكا
هزار ضحكت ضحكة خفيفة وقالت : لا ما في شي
قعدوا مقابلينهم تكلم سراج وقال : هاي هزار انا سراج اخوه لرائد لكبير وزوج راجيني
تبسمت وقالت : تشرفنا انا هزار مرتوا لرائد
كلمة مرتوا خلاتوا يهز رايوا ويخزر فيها خزرة مفهمتهاش وخلتها تهبط راسها راجيني حست عليهم وقالت : امي حبيبتي انا نروح مع هزار لجنينة نحكوا شوي لين يطيب لغداء ويوجد
عائشة : ايه
حكمتها من يدها وخرجت وقفت قدام بسين وضمت يديها لصدرها جات راجيني وقالت : واش صرى حبيبتي
دارت حظنتها وطرشقت بلبكاء
رائد كان واقف قدام باب لي يخرج للبرى ويخزر ليها وقلبوا موجوع عليها كيفاه تبكي بشهقة محس كان بيد سراج فوق كتفوا وقال : واش بيك تخمم واش كاين
خزر فيه ودور وجهوا يخزر معاها كيفاه تبكي وتحكي