كرونيك:💕💕 تزوجت هندية💕💕

16

الحلقة 16 💓
شطحت ناس وهما قاعدين فتصديرة تاعهم مع بعض كل واحد شارد في جيهة راجيني تخخم على مستقبلها لي راح يتحطم بزواجها وهو طبعا واكيد يخمم في حب حياتوا سارة لي راحت من بين يديه وهما سارحين جاه مساج وكيف جبد تلفون قاس راجيني من ذراعخا تولهت ليه جبد تلفون وعمل كلمة سر قدامها وكانت حرف s وكيف تحل تحل على فوطوا تاع نفس طفلة لي شعرها احمر خزرت معاه واش يدير فتح لي مساج وقراه كان من عند رائد : " انوا نمسك يد راجيني ونحط يدي على خصرها لعريان وانوا جسدها يلامس جسدي حاجة في منتهى الروعة وتعرف انفاسها خلوا قلبي يرف ليها وقررت راح تكون ليا "
كبس على تلفون حتى راح يكسروا يخزر فيه وقالق حاب يروح يظربوا حتى حطت يدها على يدوا وقالت : سراج لباس
خزر فيها وتبسم وقال : لباس شكرا
_ نورمال لمهم تكون الاز
ضحك معاها ورجع هز تلفونوا وكتب : كانك راجل قرب منها والله نقتلك ونشرب من دمك وهاني هدرت وبعد العرس نقعدلك ونتفاهم معاك "
ضحك رائد كيف شاف لمساج وقال ليه في مساج " جهز روحك للحرب "
رد عليه " انا جاهز "
فضت لحفلة وطلعوا كل واحد لغرفتوا بعد ما هنوهم بعد ما اصرت راجيني على سوارا باش تقعد قعدتوا بدلوا قشهم ولبسوا بجامات بيض وقعدوا على سرير هازين رجليهم ويحكوا على الخطبة ومدايرين حالة بالضحك وينكتوا
فالاخير سكتوا وسوارا قالت للراجيني : ragoo bb are you kuche ) هل انتي سعيدة )
خزرت فيها وذبلت عنيها وقالت : bohot bohot kuch swara ) نعم سعيدة جدا سوارا )
_ ohhhh goud bb ) جيد حبيبتي )
باستها راجيني ورقدوا
سراج كان نايض يتفرج في فديوات سارة ويبكي عليها وحاط راسوا بين لمخاد حتى رقد