الحلقة الخامسة 💓
وصل للبيروا تاعوا دخل وقعد وهي قعدت قداموا هز تلفون وعيط : الو مدام ريان جبيلي دوسيات
بعد دقايق جات مرأة كبيرة شوي قول فربعينلت صبحت عليهم حطتهم وراحت وهو حلهم ويقلب فصفحات
راجيني : وانا واش جيت ندير
خزر فيها وطلع حاجبوا وقال : ولش قلقتي
_ ايه منحبش نقعد في فرد بلاصة وزيد ساكتة.
_ او قلقتي حابة تخرجي لشارع تشطحي وتنخي على بالك تفكري هاذي دزاير موش الهند
_ اووووه انت سي سير ماسط انا نروح
جات نايضة وهو قال : اصبري نوقع هاذم ونخرجوا
وقعهم وخرج معاها وبدى يوريلها فشركة
سراج : هذا مكتب بابا وهذا تاع جدي وهذا تاعي وهذا تاع رائد وهذا هنا الامانة وهنا الارشيڨ وهنا يخدموا لعمال وهنا الاستقبال
كل ما يعنتلها بلاصة يشيرلها بيدوا ويفهمها خدمتهم وهي مركزة تحب تفهم كملوا وطلعوا للبيرو تاعوا قعد وهي مقابلتوا
راجيني : احكيلي اكثر على خدمتكم
_ علاه ناوية تخدمي معانا
_ بالاك
_ ننصحك غير مكلاه
_ غلاه والا نقلك احكيلي برك انا لي نقرر اذا نخدم ولا لا
_ هاذي شركة استراد وتصدير بدرجة الاولى ومبعد عندنا اهم فرع تخصص هندسة يعني يبني مشاريع ضخمة للناس وكاين عندنا فرع صغير تاع سلسلة مطاعم
_ مليح واش تصدروا وواش تستوردوا
_ قش الات كهرومنزلية اغذية ونصدروا حنا تمور واغذية اخرى
_ مليح عجبتني خدمتك حابة نولي نخدم هنا
_ غير مكلاه نخدم انا بزايد
_ متلعبهاليش راجل لغيار على مرتوا ةمنا متنساش بلي عندنا تفاق
_ منيش ناسي ونقلك حاجة ديري واش تحبي
_ ايه ايا نروحوا
،_ ايا
خرجوا للباركينغ ركبوا وديمراو مروحين صونا تلفونها
هزت وبدات تهدر :
_ asalauma alykum kaise hain aap ? ( سلام عليكم كيف لحال )
......
_iam tiko raj ( انا بخير راج)
....
_ meji maf kro (سامحني )
Ha ji ( ها نعم )....ha ji.( ها نعم ) . ok ok ..... Kabhi kabhi ( احيانا ).. Kyaa ( ماذا )
.... By by i oska ka phon by ( باي باي سأتصل بها )....kouda hafiz ( ربي يحفظك )
سكرت لخط وبدات تعيط وقالقة حاكمة جبهتها وهبطت دمعة من عينها زربت متها سراج يشوف فيها قالقة
حطت تلفون وبدات تلعب بصوابعها ( حركة تديرها كي تعود قالقة )
سراج : واش صرى
_ خزرت فيه وذبلت عنيها راح تبكي وقالت : ماما مريضة
_ شكون قالك
_ راج اتصل فيا ضرك زقالي بلي هي مرضت لبارح ودوها لسبيطار
_ ولباس ضرك
_ ايه هو قال لباس اما انا مزالني خايفة نحب نسمع صوتها مي متهزش
_ تكون راقدة ولا مسمعتوش
_ نشالله
حط يدوا على كتفها ومسح عليه حركة عملها باش يطمنها هي خزرت فيها وتبسمت
وصلوا للڨيلا هبطوا يمشوا فجنينة تلفونها صونا بعدت شوي وتحكي مع امها فرحت لأتصالها بزاف سراج كان من بعيد يتفرج عليها كيفاه تضحك وحاطة يدها على فمها وبعد لحظات قفلت وجات تجري عندوا حظناتواترمات في حظنوا وتضحك من كثرت دفعها ليه حتى رجع خطوتين هو حار اذا يحظنها ولا لا وبعد لحظات كيف حط يديه على كتفها وهي ميتة بسعادة وتضحك حست على روحها وبعدت وقالت : سامحني
،_ نورمال اما واش سر هاذ السعادة
حكمتوا من يديه وتهدر : ماما جاية مع اصدقائي بعد غدوا
_ اصدقائك
_ ايه راج وسوارا وباروا اعز اصدقاء عندي
_ مرحبا بيهم
_ ايه توحشتهم بزاف
_ مليح
أنت تقرأ
كرونيك:💕💕 تزوجت هندية💕💕
عاطفيةطيطيط العودة 😍😍😍😍 رجعتلكم يا لكيب اذا لقيت تفاعل نكملهالكم في اقرب وقت بعنوان #تزوجت_هندية من تأليف #ايمان_بلوطار كرونيك طيارة واحداث هبال 😘 من حب 💜وعشق 💓وغيرة😏 واكراه 💪زواج وتكتبوا لبعضاهم 💋😘😘😘😍😍😍😍 الحلقة الاولى 💓 _نعم لباس ياخ...
