كرونيك:💕💕 تزوجت هندية💕💕

80

الحلقة 80❤️
واش صرى حبيبتي
_ سراج انا خايفة كبف ضعنا لقيت هاذ لورقة في جيبي
سراج : وينها
جات تجبدها ملقتهاش حوست حوست وملقتهاش قالت : راحت كان مكتوب فيها معاتش تحوسي على سراج هو تاعي وحدي
حبيبتي يمكت كنتي تتخيلي من الخوف برك انا وانت لبعضانا وحد ما يفرقنا
_ نعرف اما ...
قاطعها كيف ضمها لصدروا وقال : كوني هانية حد ما راح يبعدنا استرخي حبيبتي
كبشت فبه وقعدت تخمم قي واش صار كل وخايفة من حادث هذا وقلبها موش مطمن لواه صار
حبس سراج طاكسي وراحوا راجعين للاوتيل

_____
ايه نعم راحوا للاوتال .... انا نروح نراقبهم والاخبار راح تجيك اول بأول ... ابه صخيح كانت خايفة من الحادث ومهيش قادرة تبعد عليه ...
كوبا تلفون وراح يتمشى ويصفر ويعاود
_______
حلت عنيها لقات روحها راقدة في حظنوا وهو معنقها تبسمت ومررت يدها على خدوا وقالت : صدقني انا كتير مبسوطة بوجودك فحياتي عنجد انت احسن خاجة صارتلي فكل حياتي ومستحيل اني بعد عنك بساتوا من خدوا وراخت للدوش وهي تتبسم
بعد ماراحت خل عنبه وتبسم فرح بكلامها اما حب تقولهولوا وجه لوجه حط يدوا على خدوا ورجع غمض عنيه وهي خرجت هبطت تطيب فلقهوة وتغني كانت بنفس بيجامة تاع امس سروال وتريكو كورت وزادت قفضتلها يديها وحكمت شعرها كوتشوفال وتدور غادي وجاي فلكوزينة وهي غاطسة كيف هكاك حتى سمعت تحراك وراها دارت لقاتوا خالد
_واش هزار مزالك في نفس اللبسة
خزرت مع روحها وقالت : ليش شو قصدك
فات يدي كاس وقال : جاتك مليحة برك
دارت هي تهز لقهوة شوي ساحت عليها حكمت يدها وشهقت وهو قرب منها يجري وحكملها يدها ويمزي عليها بفموا
وهي تخاول تجبد في روحها وهو مصر يحكملها يدها هوما هكاك ويجي رائد قال بصوت عالي : واش كاين هنا
جبدت روحها وراحت تجري ليه وقالت : انحرقت يدي وهو كان عم يحاول يمسحها
حكم يدها وقال : كيفاه تحرقتي
_نكبت عني القهوة
_ انتبهي حبي شوفي يدك كيفاه حمارت
هيا نروحوا نعلجهالك
راحوا مع بعض وهو يخزر في خالد وساندها على صدروا
طلعوا لشمبرتهم مع دخلوا خبط لباب هي تهزت وتحطت بعدت عليه قفل لباب بلمفتاح هو يقرب وهي تبعد حتى خبطت فلحيط قال : واش هذا لي لبستيه
سكتت وهو عاود قال واش هذا لي لبستيه
عنيه حماروا وسخانة طلعتلوا خبط بدوا مع لحيط وقال بصوت عالي نحكي مع ***** واش هذا لي لابستبه
بلعت ريقها وقالت : بيجاما
زاد تعصب قرب وجهوا من وجهها وقال : موش قتلك معاتش تلبسي هك فدارمدامهم هنا
بلعت ريقها وقالت : ليش شو فيها
حكمها من يدها على بلاصة لخريق وزير عليها وقال : حابة تهبليني انتي شوفيها كبفاه مزيرة ومبينة كل حاجة فيك
توجعت وبغات تجبد يدها اما مقدرتش كل ما تحب تهدر هو يزيد يعيط عليها كثر وكثر
هزار : رائد ...
قاطعها وقال : اشششششش متهدريش اشششششش انتي راح تجننيني شوفي كيفاه لابسة وزيد خارجة تدوري بيها ومخلية هذاك لي ميسماش يقرب منك ويحكملك يدك ويشوفك هكا انا راجلك ومنيش قادر نميك وهو يجي منهيه بحكم يدك
هزار تبكي بشهقة وعنيها في عنيه تحاول تسلك يدها اما مقدرتش تترجى فيه بعنيها لكن هو كان موش شايف قداموا من لغش ولغيرة
تلبسي هك وتخرجي انا متخمميش فيا مع انك مرتي ومنيش قادر نقدم ليك لاني عطيت وعد ليك ولروحي اني منقدملكش الا اذا كان برضايتك انتي من اول يوم حطيتي بيناتنا خواجز وقلتي مكيش راح تحبيني ولا تكوني ليا وكيف يرتاح جدك راح نطلقوا مالا كوني جاهزة لطلاق مداموا تعافى وزيد خليك نظيفة وانتي هنا وبعدي على هذاك لي ميتسماش
فهمتي
معملت حتى خركة وهو خبط يدوا على لحبط وقال : فهمتييييييي؟
عملت براسها ايه
سيبها وخرج ركب فطموبيل وراح
طاحت فلقاعة تبكي وتنوح حكمت يدها وتبكي بعد شوي هزت روحها وراحت لدوش غسلت وجهها ويدها بدلت قشها ولبست روبة طويلة ومستورة لمت شعرها وخرجت وجدت لفطور بزربة وراحت للجنينة قعدت على جعلالية وقعدت تخمم كيفاه عاملها خزرت في يدها كيفاه حمرة وفيها تراس بديه وجعتها اما كلاموا زجعها اكثر كيفاه يقلها خلى روحك نظيفة حتى نطلقوا علاه واش دارت هي حتى يقلها هك بعد ما بدات تتقرب منوا هو بعد عليها خلاه خليه يبعد اصلا هي طول عمرها وحدها وراح تبقى وحدها
تكت راسها على الكرسي وتفاجأت بصوت ليندة بحذاها كيف قالت : هزار بنتي
حلت عنيها وقالت : اي امي
بعدت شوي وخلتها تقعد قالت ليندة : بنتي شيفاتك حزنانة
_ لا ما في شي بس تعبانة
ليندة : حبيبتي هزار انل مثل امك اذا تخانقتوا احكيلي
هزار : لا ما في شئ
ليندة : حبيبتي هزار رائد من صغروا خياتوا مليانة مشاكل وكان كل مشاكلوا يحلها بنفسوا لهيك هو شوي قاسي انتي حاولي تريحيه موش تزيدي عليه بمشاكلك اوكي
هزار : طبعا حماتي
هي مسحت على راسها وراحت تلقات خالد وقالت : ضرك كون هاني مهيش راح تحكي ولا حاجة لرائد ملي تعمل فبه معاها