كرونيك:💕💕 تزوجت هندية💕💕

38

الحلقة 38💓
قاعد على لبيروا تاعوا كل لي شغل تفكيروا هو صورة راجيني شفايفها شعرها جسمها كلامها طايها عنيها لي يتوه فيهم كل ما يتفكرها يتبسم وحدوا مافهمش علاه ليمات هاذم ولى يفكر فيها بزاف وحتى لنوا كيف يشوفها تبكي او مغشوشة قلبوا يعصر عليه ولي يهموا انوا يشوفها تضحك طول وهو في عز تخماموا في راجيني خزر في مع لمكتب لقى لفوطوا تاعوا مع سارة هزها خزر فيها مليح كيفاه يضحكو ندم على تخماموا في راجيني وحكم طبسها على لبيرو هو هكاك ويدخل علية بنفس الدخلة لمشومة تاع حلان الباب على مصرعيه وبقوة حكم قلبوا وخزر فيه وقال : ماكش راح تتربى برك
_ انا متربي عاللخر انت لي مكش زهواني وزيد خرطيني على روحك معندي منديرلك 😁😁
نفخ بقلقة وناض عندوا وحظنوا بقوة ويطبطبوا على كتاف بعض ويضحكوا وقال : صاحبي لغالي الياس واش حوالك
_ حمدلله وانت والله العظيم توحشتك يا هم
_ حتى انا
_ ايا اقعد احكيلي كيفاه فاتت الاجازة في تركيا
_ يا ولدي فكنا من تركية احكيلي انت على زواجك المفاجأ
حكالوا كلش وهو مصدوم ومبعد قال : علبالها بلي تزوجتها خاطر مال باباها
_ لا
_ اووو عيب عليكم والله العظيم كون تعلم تتغش
_ مستحيل تعلم
_ يا خويا انا قتلها بلي بعد 6 اشهر نطلقو اما راني حاير فاحساسي جديد تجاهها
_ يظهرلي انك تحبها
خزر فيه متعجبوناض راح لطاقة وقف قدامها حاط يديها في جيوبوا وقال: مستحيل نخبها تعرفني نحب سارة ومكان في قلبي غير سارة
_ مي سارة ماتت متليقش تحب واحد ميت
_ سارة ماتت فدنيا اما حبها مزاب حي
_ شي لي تقول فيه معندوا حتى معنى وهو يهدر معاه طبطب لباب ودخلت راجيني وهي داخلة قالت : سراج نروحوا نفهموا لخدمة .... انا اسفة معلباليش عندك ضياف
خزر فيها وقال : لا نورمال اصلا كنت رايح ريحي انتي
سراج: راجيني هذا الياس صاحبي لنتيم .... الياس هاذي راجيني مرتي
مدت يدها بوجرلها وقال : ترشفنا
_ وليا الشرف
_ مبروك العرس
_ يعيشك لعقوبة ليك
_ ضحك وقال : نشالله
_ انا نروح باي
هو خرج وهي قالت : نروحو سراج
_ هيا
خرجوا ديراكت لقسم الهندسة