كرونيك:💕💕 تزوجت هندية💕💕

10

الحلقة العاشرة 💓
روحت لدار وصت خدامة تجهزلها غرفة بحذى غرفتها تماما وجهزت الاكل الهندي وجزائري بنفسها وعملت ترتيبات ترحيب بأصدقائها بفسها فاتت حوالي ساعتين كملت كلش قعدت تستنا في امها سمعت حس لقاتهم جدها وعمها وسراج جاو رحبت بيهم وسلموا عليها
سراج : وين عادت امك
_ مزال مقالتليش وين عادوا اني نستني فيهم يجو
_ مليح نبدل قشي ونجي
_ اوكي
طلع بدل قشوا لبس شورط دجين وتريكو ابيض رقبتوا v وصباط ابيض مشط شعروا هاز تلفونوا يلعب بيه وهابط فدروج يجري وصل عندهم راجيني هزت راسها تشوف معاه من راسوا لرجليه اعجبت بيه عاللخر شافت معاه وكيف خزر فيها هبط راسوا قعد بجنبها وزاد عليها بريحة لبرفان لي تضرب من لبعيد
خزرت معاه لقاتوا يلعب بسنسلتوا كانت طول تلاحظوا يلعب بيها عبارة عن سلسلة تاع فضة وفيها قلب صغير ابيض لامع دايما يحطها تخت لقش اما طول يلعب بيها كي يعود شارد وهو مركز نظروا على طاولة ويخمم بعيد وهي مركزة معاه قالت اموا : موش كأنوا كاين صوت لبرى
خزروا فيها كل وناضت راجيني تزارب للباب لقات امها جاية داخلة لقتها لابسة ساري احمر بالاصفر ولامة شعرها مرأة مليحة في زيها بزاف سمرة شوي وطويلة عنيها كبار وفمها متحوف
راجيني ; maa ( امي)
برڤاتي : rajoo betii( راجيني ابنتي)
راخت تجري ليها حظنتها وتبكي من وحشها ليها الام وبنتها محظنين بعضاهم ويبكوا من لوحش
جدها : براڨاتي السلام عليكم
خزرت فيه وبعدت على راجيني وتقدمت نحوا وضمت يديها لبعضهم وقالت : سلام عليكم انا ما اعرف احكي لغتكم بزاف اما اعرف انا شوي شوي
ضحكت عائشة وقالت : اهلا بيك نشالله تكوني سڨا
تقدمت نحوها وخظنتها وقالت : جيدة انا
ضحكت وقالت لها تفضلي تفضلي
قعدت وجابولها عصير تشرب فيه وراجيني بحذاها ترجملها واش يقولي كي ما تفهمش وعي تؤد بعربية مكسرة
بارڤتي : ragoo betii ( راجيني بنتي )
راجيني : ji maa ( نعم امي )
_ kaune vao hum ( من يكون )
اشارت بعنيها لسيراج
_ vao larkii ( هذا شاب )
_ ha ji ( نعم )
_ siraj ( سراج)
_ kaune siraj ( من سراج )
_ meri pati meri chadi a next wikee maa ( انه زوجي ، زواجي في الاسبوع المقبل )
_ ohhh good chadi mobark betii
( ااا جيد زواج مبارك ابنتي )
_ chokrya ma ( شكرا امي )
،_ kya khobsourat ( كم جميل )/
ضحكت وهبطت راسها وقالت : haa ( نعم )
ضحكت امها ومسحت على راسها وباستها
راجيني: خالة عائشة امي فرحانة بلعرس وبيكم عاللخر
عائشة : حتى حنا فرحانين بيكم
ضحكت معاها
راجيني : meri doste
قالتها بصوت فرحان كيف شافتهم داخلين وزادت عيطت وقالت : راااااج
خزوا فيهم وراحت تجري ليه عنقاتوا وتهدر بزربة معاه
كلهم يخزروا فيها بانلهم تصرفاتها عيب اي خاصة كي عادوا هم عائلة محافظة
حست بروحها وهبطت من حظنوا وخزرت ليهم بحشمة وتولهت لسراج لي كان حاط يدؤه في جيابوا وباين عليه لبرود وختم برودوا بهز حاجبوا ليمن
الحلقة