كرونيك:💕💕 تزوجت هندية💕💕

100

الحلقة 100❤
حل عنيه لقاها راقدة يديها مضمدة قدامها مسك صوابعها بين يدوا فيهم خبوش وجروح تلمملمت في نومها وهو قال : ياريتني فقت قبل ما توصلي للمواصيل هاذم سامحيني يا روحي سامحيني كون تعرفي قداش نحبك ، كون تعرفي بلي هاذ الجروح لي في يديك تمنيتها فيا وموش فيك ، كون تعرفي بلي هاذ الكدمات لي في وجهك ورقبتك ( فوت يدوا على وجهها رقبتها بشوي) يحرقوا قلبي حرقان يا ريتني متت ومشفتش نهار تكوني فيه قدامي كيما هك وبسبتي يا ربي وتسامحيني
طاحت دمعتوا على مخدتوا ناض من على الفرش راح لدوش يمشي بشوي يحس في روحوا مدڨدق بسبة لحادث مسلانوا يوجع فيه بزاف غسل وجهوا وهو يشوف فلمراية ويحكي مع روحوا : علاه علاه استكثرتي فيا تشوفيني سعيد معاها علاه يوم مات بابا مشيتي وخلتيني ملقيتك لا في مرضي ولا في حياتي طيشتيني ورحتي مع بنتك وليوم كي شفتيني سعيد معاها وحبيتها ووثقت فيها لعبتيلي لعبة وخلتيها تبعد عليا قال بصوت عالي علااااه خبط يديه على لاڤابوا قداموا وقال : اااااااااه يااااااا ربي اااااه يااا ربي خليها برك تسامحني وتكون بخير واذا باغية تبعد والله نقبل لمهم تكون بخير موش مهم واش نحس لمهم هي يا ربي
رمى لماء على وجهوا وخرج لقاها راقدة خزر فيها وتنهد وخرج هبط يتمشى بلعقل شافوا محمد ناض حكموا من يدوا وهو قالوا انوا بخير قعد فالصالون ومحمد قال : ولدي واش تحس في روحك
خزر فيه وعنيه مرغرغة بدموع : توحشت بابا
تفاجأ وقالوا : من 18 سنة او اكثر مسمعتش هاذ الجملة منك
حكم يد جدو وقالوا : والله تعبت يا جدي تعبت بسبة ليندة وبسبتي هزار في فراش ممدودة رجعت وحلت جروح سنين وراحت وانا لي معندي لمن نشكي تعبت سامحني يا جدي باغيكم تسامحوني منيش حاب نزيد نأذي حتى حد
جدوا ودموع في عنيه : خلاص يا ولدي خلاص حنا اهلك وناسك متخافش راح نبقوا معاك لأخر عمرك
حظنوا وهو طاحوا دموعو