كرونيك:💕💕 تزوجت هندية💕💕

105

الحلقة 105
وصلت لقبر باباها قعدت على جنب وقالت : بابا حبيبي توحشتك يااا غااالي تمنيت جيتي مزالك حي كون راني مجيتش لدزاير ومصارش فيا واش صرى تعبت يا بابا تعبدت تبدل كل شي بين ليلة وضحاها تنهدت وكملت : مبقاش نفسوا سراج تاع قبل تبدل يا بابا سامحني يا بابا دى مني اغلى حاجة نملك وراح دارني كي لعبة بين يديه نحى من سخفة ورماني ، مزلت كيما كنت يا بابا مزلت كيما راني راجيني بريئة لي قلبها ابيض مهما حاولت نكون قاصية مقدرتش يا بابا مقدرتش خلااه توحشتك يااا بابا كون جيتي حي راك دافعتي عليا كون راني قوية بيك مجيتكش وحدي جيتك مع ولدي وحفيدك حطت يدها على كرشعا وقالت : هذا ثمرة حبي صحيح باباه مبقاش يحبني اما انا حبيتوا من قبل وهبطت راسها ودمعة طاحت وقالت : ومازلت نحبوا اما يا بابا انا قررت راح نطلق منوا ونبعد عليه حكايتنا فضت ليوم يا بابا وعودنا تنسات خلف بكلش انا راح نهز روحي ونروح للهند ندي ولدي ونروح 6 اشهر فضت يا بابا انا حلمت نكونوا عيلة ونسيت بلي فالأصل زواجنا كان دام ومراح يدوم غير 6 اشهر فض كلش
مسحت على قبر باباها وقالت : نخبك بابا سامحنى مقدرتش نكون قوية كيما قتلي وندافع على حقي اما من يوم راح نبدى حياة جديدة
راحت لشركة مع دخلت لي يشوفها يسلم عليها ويباركلها بصغير وهي تتبسم طلعت للأعلى طابق فاتت للبيروا تاعها لقات لبنى ثم قالت : سلام مدام حطيتك ماشك جاية لميت طاولة رسم خاطر سي سراج قال بلي راح بفرغ لبيروا هذا بما انك معاتش تخدمي
قالت : خبري سي سراج انوا انا ديت عطلة بسبة وضعي صحي لشهر اما رجعت ومجلس الادارة هو لي يقرر فصلي ولا لا
لبنى : حاضر مدام
خرجت وهي فاتت للبيروا تاعها حطت غنية كعادتها ورجعت طاولة رسم كيما كانت وجبدت دوسيات بدات تخدم فيهم عندها بزاف خدمة ومشاريع لازم تترسم بأفكار جديدة
وهي مركزة محست كان بلباب تحل دخل سراج ولبنى وراه وهو قال : واش لي قلتيه للبنى هذا
خزرت في لبنى وقالت : خرجي وربطي باب وراك
عملت واش قالتلها وهي رجعت سندت روحها بكرسي تاعها وشارت بيدها ليه يقعد وهو قال : مجيتش باش نقعد جيت نفهم علاه قلتي هكاك للبنى وكيفاه حتى رجعتي بعد 5 شهر عقريبا
هزت حاجبها وقالت : علاه عندك مشكلة سي سراج
قال بصوت عالي : ايه عندي عندي هاذ المكتب راح يتجهز لموظفة جديدة ولازم تخرجي منوا
قالت ببرود تام : اوووووووه موظفة جديدة متقوليش تحكي على سارة ؟ راح تتوظف هنا ههههههه وزيد تقعد في برويا واش خدمتها سي سراج ممكن تقلي
هز في سوطوا وقال : معندوا ما دخلك واش خدمتها
خبطت يدهاعلى لبيروا وتهدر وعصب راكبها وهزة صبعها في وجهوا : اسمعني شركة مهيش تاعك ولا تاع باباك باش تقلي واش نخدم فيها ولا لا هاذي اولا ثانيا كيما تعب فيها باباك باش ولت هك حتى بابا فنى عمروا عليها وتدعيمها من خارج يعني ميما ليك كبما ليا هنا هاذي 2 ثالثا لي جايبها سكرتيرة ومنعرف واش حابها تحطها في بريويا اسمعني يا سي سراج هي مجرد سكرتيرة انا مهندس دولة اوك تعرف واش معناها معناها 8 سنين قراية وتعب فلخارج ورصت على هدرة وهي تدور في صبعها بحذى راسها فهمتي واش مهندس دولة اوك مالا سامحني لبرى سي سراج هذا مكان عمل اذا عندك شكوة سلمها لمجلس ادارة وضرك تفضل بلى مطرود
قال وهو يهدد فيها : والله وما يصرى خير يا مهندس دولة ( قلد عليها كيفاه رصت على هدرة )
هو خرج وهي قالت بصوت : دير واش تحب
هو خرج ورائد دخل عندها تلاقوا فلباب خزر فيه خزرة خايبة وهو دهل رحبت بيه وقالت : ريح ريح مقلتليش واش تشرب
رائد : واش نشرب يا بنتي وصواتكم سمعتها من هيه خلاه
ضحكت ضحكة استهزاء ونظرة حزن والألم في عينيها يشزقها كل واحد يحس بيها وقالت : ههههههه حاب يجيب هذيك سارة يحطها هنا في بيروا تاعي ويخليني نخرج من هنا ههههههه تخيل
قالتها ودمعة خانتها وهبطت على خدها زربت مسحتها وقالت وهي تخزر فيها : وانا حطيتوا عن حدوا متخافش مهم قالي واشك انت مع هزار
قال : مكان حتى جديد مزالت مهيش حابة تسامح انا تعبت من طلب سماح غلبت والله تعبت خزر فيها وقال هو يضحك في ضحكة كلها الم : انا وانت نتشابهوا بزاف حكايتنا لزوج فيها غير الألم
قالت : حنا خاوة من غير دم ههههه
ضحكوا لزوج بألم ومنبعد قالت : عيطلك وقتلك محتجاتك انا حباتك تلقالي محامي مليح
رائد : لواااااه؟
راجيني : راح نرفع دعوة طلاق عليه