كرونيك:💕💕 تزوجت هندية💕💕

09

الحلقة التاسعة
بعد ما اعلن سي محمد على عرسهم لي بعد سمانة لغاشي تسلم وتباركلهم وهم يضحكوا بسيف في وجوهم بعد شوشرة هذيك كل طلعت لشومبرتها بدلت قشها وهبطت تلقاه فجنينة هز كاس ويسكي وخرج قاعد مقابل لبيسين وهو مركز مع لماء ويخمم في مستقبلوا يسمع في واحد قال : انت سراج بن سالم راح تزوج والله غير غريبة
خزر فيه لقاه رائد قال : نعم واش تحكي انت
_ فصحيح
_ موش انت لي تقدر تحافظ على مرأة في حياتك لانك متعرفش تتعامل معاهم وراح تلف راجيني مثل ما تلفت سارة
دار حكموا من كول تاع شوميز وقال : سارة متحكيش عليه اني قتلك
_ ضرك لي همك هو سارة موش راجيني
نزل عليه سنيه ويهدر ولقلقة تخرج من عنيه وقال : سارة خط احمر وانك تحاول تذكرها ندفنك في ارضك
_ كون باش تدفني راك دفنتني بكري
_ اقفل فمك يا خامج منساش واش عملتي عمري كل والله ندفعك ثمن وهذا وعد مني
نزلوا يديه وجيد روحوا ينفض فلڤاست نتاعوا هز عنيه جات لعين فلعين وقال : ضرك نحب نخبرك بلي راح ندي راجيني من بين يديك
هز يدو وعطاه بونية على وجهوا وقال : جرب سعدك تدور بيها ندفنك في ارضك
ناض يمسح في دم من شفتوا وقال بإ ستهزاء لي همك انوا متخلنيش ندير في راجيني كيف سارة او انك بديت تحب راجيني
_ انك تحاول تقرب منها لازم تمر على جثتي اول وهاني قتلك جرب سعدك وقربلها نحرقك ونحرق الارض لي تمشي عليها
ضحك وحك بحيتوا وقال : تحب سارة ولا راجيني فهم روحك
_ سارة ماضي تاعي وراجيني حاضري فهمتي ولا نعيد
_ انا قررت انوا راجيني راح نديها من بين يديك
ومشا في اتجاهوا وفات بحذا جنبوا وماشي دار سراج لقى راجيني كانت ثم تسمع في حديثهم رائد وصل عندها وقال : راجيني حبي انا قررت انك راح تكوني ملكي
راجيني حايرة وموش عارفة واش تهدر وفجأة حس بضربة قوية في خدوا طيحاتوا فالارض كان سراج لي جبد راجيني من ذراعها وجابها من وراه كانت محسوب متبانش من وهرتوا وطولوا لي طغى على المكان
ناض رائد وقال : خلينا نتلاقوا في كانش بلاصة ونصفوا حساباتنا
سراج : ايه اوكي حتى انا عندي كريدي معاك راح نخلصوا وجد روحك
_ اوكي اما راح تندم
هز روحوا وخرج وهو دار عند راجيني بدون ما يشعر حظنها بكل قوتوا وقال : منيش راح نسمحلوا يديك مني مرة اخرى ويمسح على شعرها هي متفاجأة منوا بدات تهز في يديها باش تحظنوا لاكنها تراجعت ونزلت دمعة سخونة من خدها كيف قال : انا اسفة كي خليتك وحدك انا نحبك سارة بعد هاذ الهدرة قربت من وذنوا وقالت : انا راجيني موش سارة
بعد عليها ويمسح على وجهوا وراح يزارب لدار هي ثارت تبكي مفهمتش علاه اما دموعها هبطت مسحت دوعها وقالت : علاه تبكي انتي هو ميهمكش اقنعت روحها بأنوا سراج يحب سارة وانوا هي تبكي لانوا راح تزوج زواج مصلحة خالي من لحب لي كانت تحلم بيه طلعت لشومبرتها وتكات ترقد غدوا تجي امها وهذا شي لي مفرحها