كرونيك:💕💕 تزوجت هندية💕💕

59

الحلقة 59❤️
هزار : قصركم بزاف حلو
راجيني : الدار دارك تفضلي
رائد : انا نروح نجيبلكم حاجة تتكل
راجيني : اوكي مطولش علينا
راىد : تهني مرت خويا
تبسموا مع بعضهم وهو خرج
هزتها راجيني وطلعت بيها للدوش علمتها كيف تستخدم الدوش وخرجت وهي نحت قشها حلت الماء الدافي تغلل في شعرها هابط على جسمها استمتعت بيه لعبت غنت فدوش حطت اجمل واغلى لي شومبوا وجال دوش وكريمات كملتهم لبست برنوس الحمام وخرجت لشومبرا ملقاتش راجيني هبطت للتحت
هزار : راجيني راجيني ... وين رحتي
خرجوا من الصالة
راجيني : انا هنا
خزر فيها من فوق لتحت رائد باهت فيها بعد ما دوشت بان زينها اكثر رومشها لكبار وضاحوا بيوضيتها بانت اكثر غمازتها تحفروا في خدودها لون عنيها غماق اكثر شعرها لمبلول لي هابط لخصرها رجليها لي عرايا قاعد باهت فيها على زينها
تشوف فيه كيفاه مركز معاها اكثر عدلت لبرنوس اكثر
وهو مزال باهت فيها راجيني حكمتوا من ذراعوا وقالت : احم احم
دار ليها ودخل بعضوا
راجيني : هزار اطلعي للغرفة تاعي حتى نجي
طلعت تجري وهي دارت لرائد وقالت : انت كيف تشوف فيها هك الطفلة راح تتوسوس وراح تخاف منا ملا مكلاه هاذ الخزرات
رائد : راجيني تعرفي بلي انا نحب نحميها موش نخوفها
راجيني : انا نعرف اما هي لا ملا انت روح اقعد فصالة حتى نهبطوا اوكي
نفخ بغزول وراح لصالة حط رجل على رجل وقعد
ضحكة ضحكة خفيفة وغطت فمها وطلعت عند هزار لقاتها قاعدة على الفرش عطتها روبة طويلة تاع قماش موردة وملابس داخلية قاتلها البسيهم وصباط دخلت بدلت وجات كانت روبة موردة طويلة تجي ستيل باربي وصدرها v
راجيني : جاتك تهبل
هزار : شكرا لالك عيونك الحلوين
راجيني : شكرا هيا خليني نمشطلك شعرك
قعدت هزار على سرير وراجيني وراها تمشطلها في شعرها
راجيني : شعرك بزاف شباب
هزار : ما فهمت عليكي
راجيني : يعني مليح جميل
هزار : شكرا لالك امي كانت تعملي ياه جدايل اقصدي ظفيرة يعني
راجيني : الله يرحمها
تنهدت هزار وقالت : امييين
تمشطلها في شعرها
هزار : راجيني اختي سراج بيحبك
راجيني : صدقيني معالباليش
هزار : وانتي تحبيه
راجيني : ايه بزاف
هزار : الحب حلو راجيني
راجيني: حلو بزاف اما متعب كيف شريك ميحبكش
هزار : نشالله تتفاهمي انتي واخي سراج
راجيني : نشالله
سكتوا شوي ومبعد قالت راجيني : هزار حبيبتي انتي محبتيش من قبل
هزار : لا مكان عندي وقت دراسة وبعدين اجت الحرب وبعدين اجيت لهون
تبسمت راجيني وفرحت لرائد انوا هي متحب حتى حد هاذ الشئ راح يساعد رائد انوا يتقرب منها
راجيني : لو مثلا واحد من دزاير يحب يخطبك تقبلي
هزار : ليش لا اذا كان ابن عيلة ومتخلق ومحترم وبشتغل شغلانة نظيفة ليش لا
راجيني : نشالله بتلاقي لي يسعدك
هزار : نشالله
راجيني : وهاي اميرتنا هزار ولت جاهزة
شافت معاها لقات روحها عملتلها ظفيرة على جيهتين ولمتهملها كعكة
هزار : اوووو ما شاء الله طالعتيني كتير حلوة شكرا الك
راجيني : العفو حبيبتي هيا نهبطوا ناكلوا
هبطوا فدروج يحكوا ويضحكوا وراجيني كل مرة تعطس وتحك خشمها
وصلوا التحت وبدات تدور وتغني وتقلها : شوفيني انا طالعة كتير حلوة
دور دور حتى خبطت في رائد وهو حكمها من خصرها وهي حطت يديه في كتافوا وقعدت تخزر في عنيه وهو كيف كيف مومو تاع عنيها زاد وساع ولونهم فتاح اكثر طغات حمرة الخجل على خدودها وغمزات تحفروا اكثر كيف تبسمت معاه روهجاتوا ريحة جال دوش والرفان لي طالعة منها وزاد عليه لون شفايفها لغوز الطبيعي قاعد يخزر فيها مثبت على اللخر وهي حشمت منوا اما مقدرتش تبعد عليه حاجة تجبدها ليه كيف تقرب منوا تحس بالامان اما طول تبقى خايفة لا يطلع احساسها غالط ويستغلها عنيه تشوف فيهم رجولة كبيرة وحب وحنان جامي شافتهم في واحد هنا وهذا لي محيرها بين عقلها وقلبها
ما فيقهم من سرحتهم كان صوت تلفون راجيني
بعدوا على بعضهم هو فوت يدو على شعروا وهي رجعت لتالي وتمسح على وجهها بيدها وتخبي فلخجل تاعها وهو شايخ عليها
رائد : شكون يعيط
راجيني : سراج