كرونيك:💕💕 تزوجت هندية💕💕

52

الحلقة 52❤️
قعدت شوي معاهم ومبعد ناضت
راجيني : نروح لداري نجيب شوي قش ونجي
عائشة : معاليش بنتي مطوليش برك
خرجت من ثم ركبت فطموبيل تاع سراج وراحت للڨيلا مع وصلت حلتها وبدات تخزر من ولهيه وتتفكر فيه سرقتها ذكريات معاه كيف شافت كوزينة وتفكرت كيف كانت تجري وراه بسوتيا فرات ونحتلوا الكنات من فموا وهو دزها على الحيط " انا كيف بدي انساكي وفل انا عم دور بعيون الكل عن نسخة منك طبق الاصل حتى فيها انساكي " خزرت مع الجنينة وتفكرت عيد ميلاد لي داروا لامها وكيف قعدوا يتفرجوا على النجوم " ليش بالحب كلو بيمشي بالعكس لي متحسلوا ما بيحس وبيتمناك وليش القلب لي بدك ياه بالعكس جوات ياه غيرك شخص ومبدوا ياك " وصلت لشومبرتوا دخلت شافت من ومن تفكرتوا كيف يكون ماشي بلا تريكو او كيف يخرج وشعروا مبلول خزرت مع سرير تكت عليه وتفكرت كيف نامت بحظنوا وكيف تنوض صباح تلقى شعروا فاسد
غلبتها الدموع ونزلت مخلطة بتبسيمة على وجهها ناضت خزرت فلمراية وقالت : انتي وعدتيه انوا متبكيش
مسحت دموعها وراحت شومبرتها هزت شوي من قشها وخرجت تكركر فلڨاليز وصلت لشمبرتوا دخلت هزت ڤاست تاع لكوير تاعوا لبستها شمت فيها ريحتوا حتى تغلغلت في ريتها وهزت لڤاليز وخرجت تزارب موش قادرة تڨعد في هاذ الدار وهو مكانش قفلت لباب مليح وراحت
____________
ركب فطيارة حط حزام الامان وقعد جات مضيفة الطيران وقاتلوا :ميسيوا واش تحب تشرب
شار بيدوا على شراب ومبعد تفكر كيف قاتلوا متشربش وحافظ على صحتك
ومبعد قالها : ممكن عصير برتقال
حطتلوا العصير قعد يشرب فيه ويتفكر فيها كل شئ ولا متعلق بيها حتى الغنية لي يسمع فيها تفكروا فيها يخزر لطاقة الطائرة ويتذكر في ذكرياتوا معاها كيف حظناتوا من وراه وكيف باسها او كيف باتت في حظنوا مزال حتى موصلش لكندا وتوحش كل تفصيل صغير فيها توحش البراءة لي في عنيها ولا جمالها لي يسحر كل من شافوا ولا عفويتها توحش ريحتها البنينة لي تخليه يتبسم بلا ما يشعر مركز مع خيالوا وراسم ابتسامة على وجهوا تخلي كل من شافها يحير في امروا حطت الطيارة وكان هذا اجمل خبر يسمعوا ملي طارة موش فرحان بلبلاد الجديدة او حاجة فرحان انوا راح يقدر يتصل بيها ويسمع صوتها واخيرا
خرج من المطار حط الڨاليز في فطموبيل لي كانت تستنى فيها وعيطلها يسمع في رنات التلفون ودقات قلبوا تتسارع معاه
كانت راقدة على الفرش كيف سمعت تلفون يصوني تسارعت دقات قلبها وزادت فرحت كيف قرات اسموا هزت وقالت : الو سراج لباس
_ ااااااه
_ واش بيك
_ فرحان كيف سمعت صوتك يا روحي قداش توحشتك
_ حتى انا توحشتك
قالتها بصوت مخنوق ومبين عليه انها تبكؤ
سراج : راجيني حبيبتي موش وعدتيني متبكيش حبسي بكاء
_ توحشتك يا روحي موش قادرة منبكيش
_ مي هكذا نزعف منك ونهمل كلش
مسحت دموعها وضحكت ضحكة خفيفة وقالت : لا خلاه معاتش نبكي
_ انا وصلت لكندا وضرك راني رايح للاوتيل
_ حمدلله على سلامتك راك لباس لابس مليح كليتي فطيارة مشربتيش كحول ياك
_ راجيني ... راجيني تهدني راني لباس قوليلي انتي راكي لباس رحتي تخدمي
_ لا مرحتش وجعني راسي شوي اما راني لباس متخافش عليا
_ اوكي حبيبتي انا وصلت ضرك شلمي عليهم وكيف نقعد نعاودلك
_ اتهلى في روحك ومتنياش تتصل بيا اوكي
_ ايه وانتي ثاني
_ باي
_ باي
قفلت تلفون ورجعت تمدت على السرير فرحت بأتصالوا واكثر حاجة فرحتها انوا كيف قالها انوا