كرونيك:💕💕 تزوجت هندية💕💕

29

الحلقة 29 💓
_ سارة بنت خالتي الطاوس كنا صحاب من لي كنا في عمرنا 11 سنة وبعدها عرفنا بلي نخبوا بعضانا وولينا كوبل وعشقنا بعضانا متصوريش قدش حبيتها بأخلاص وحبتني بأخلاص وحددنا خطبتنا في 20 اوت 2016 وبعدها ب 3 ايام بعثتلي فيديو تطلب فيه سماح وقتالي راح نروح وبعدها اختفت حوست عليها شهور وبعدها جانا خبر بلي ماتت فلبحر وغرقت ولقاو جثة مشوهة خاطر عندها كثر من شهرين فلبحر وبعدها جابوها ودفناها فهذاك جبل ومن ذاك ليوم وانا كل يوم نروح لهذاك جبل ونقعد ثم ومبعد نروح لحد الان مفهمتش كيفاه راحت ووعلاه راحت ناض من على جعلايلة وراح وقف بحذا لا بسين وقعد يخزر للماء وهي قربت حطت يدها على ظهرها وطبطبت عليه وقالت : ربي يريح بالك نشالله وتلقى لخب لي يريحك
دارلها وحكمها من كتافها وقال : انوا نرجع نحب مستحيل لانوا قلبي لليوم مزال يحبها ويدق لاجل سارة سارة هي كل حياتي مزالني نحبها لليوم حياتي مستحيل نقدر نحب لا انتي ولا غيرك لذلك ربي يعيشك متحبنيش منحبش نجرحك لانوا قلبي ما تعيش فيه كان سارة
سيبها ومشا طلع لشومبرتوا وهي ملقات ما تعمل غير انها تطيح فالارض وتبكي بشهقة على روحها تبكي وتنعل فنهار لي جات فيه للهنا مسحت دموعها وقررت انها ولا يمكن تزيد تخمم فيها ولا تهتم بيه معاتش تقدر تزيد تخمم فيه طلعت لشومبرتها وفاتت ديراكت لدوش غسلت وجهها وخرجت هبطت للكوزينة لقات عائشة ثم
عائشة : واش تفاهمتوا
_ ايه حمدلله ماما ربي يعيشك
_ بنتي سراج قلبوا كبير وحنين ويحب ناس كل اما اذا تجرح راهوا صعيب ساعفيه
وطبطبت على كتفها وراحت وهي حطت يديها على لبوطاجي وقالت يحب ناس كل غير انا انا معنديش بلاصة ثم
طيبت اكل هندي وجزائري ووجدت لماكلة وقعدوا على طابلة ياكلوا غير انوا سراج مكانش كانت قاعدة تلعب بلماكلة وتتفكر في هدرة سراج
جدها : بنتي واش بيك متاكليش
_ لا لا جدي راني غير نخمم برك
_ فاش تخمم بنتي
_ جدي ماي انا شرطت اني نخدم
_ ايه اوكي من غدوا راح نجهزلك مكتب تخدمي فيه
_ لا لا غدوا منقدرش خلي بعد غدوا
_ اوكي
_ بغيت حاجة اخرى
_ تفضلي
_ بغيت طموبيل
_ تعرفي تسوقي ( اسعد )
_ ايه بابا نعرف
جدها : روحي من بعد للباركينك خيري لي تعجبك راهي ليك
_ مرسي جدي ربي يحفظك نشالله
_ زيدي كاش متحبي تطلبي
سكتت شوي ومبعد قالت : دراهم حابة دراهم
جدها : ايه ...
دخل سراج وقال : كيف تحبي تطلبي دراهم تطلبيهم مني انا انا لمسؤول عليك موش جدي
خزرت فيه وقالت : ملقيتش فرصة برك
حطلها كارت منتيك هلى طاولة وقال هاكي ومعاتش تطلبي من غيري كيف تحتاجي حاجة رلني هنا وطلع بدل قشوا وهبط جمع معاهم ياكلوا هي ناضت وقالت : انا شبعت صحا عليكم
ناضت راحت لبست سروال رياضي اكحل ومعاه بلوزة لفوق سرة واسعة ڨرونا وحكمت شعرها كوتشوڨال ولبست ارماكس ودارت سماعات كبيرة في وذنيها وهبطت خزروا فيها كامل وداهشين من لبستها
_ سراج : وين رايحة
_ راح ندير سبور
وخرجت ومخلتوش يهدر راحت ركبت كيتمان وتجري فجنينة تتفكر في كلام سراج وتزيد تقوي فجري وهي تجري هكذاك حتى حست بواحد بحذاها دارت تلقاه سراج لابس سروال ڨري وارماكس كحلة وبلاشي تريكوا وشعروا هابط على جبهتوا وعرقان حبست ونحت سماعات وقالت : واش تدير
_ نخليك تلعبي وحدك مستحيل 😏😘
_ والمعنى
_ نجروا كيف كيف
_ كيما تحب
رجعت ركبت سماعات وراحت تجرى وبعد لحظات اختفى من جنبها نحتهم ودارت لقاتوا واقف وحاكم في ركابية قالت : واش معاتش تقدر تجري ولا
_ اواااه انتي سريعة بزاف
_ ايه واش تحب شيي لي مفهمتوش اذا متقدرش تجري كيفاه خدمتي لطتي هاذي
وقف على طولوا وحط يديه في جيوبوا وقال : وقيلا دوخاتك لطاي ههههه
خزرت فيه وعوجت فمها وقالت : مزالك تحلم هههه انا نعجب بيك مستحيل
_ ايهالاعجاب مكانش مالا سير كاين لحب
قرب منها وقرب وجهوا من وجهها ويخزر في عنيها وقال : بلاك تحبيني
ويهز ر_ انا نحبك راك لباس
ركبت سماعات وراحت تجري محست كان بيد جبدتها ولسقها فيه وحط يدوا في خصرها لعريان ونحالها سماعات وقال : خلينا نديروا سباق منا حتى لشجرة هاذيك اذا ربحتي راح ننفذ طلباتك وواش تحبي لمدة يزم كامل وانتي اذا ربحت تنفذي طلباتي ليوم كامل
_ اوكي موافقة
سيبها واستعدوا وراحت تجري وهو معاها وفالاخير ربحت بفارق خطوة وصلوا وهو حط يديه في خصروا وقال : اه زوالله غير ربحتيني اطلبي واش تحبي
_ منطلبش ضرك خلي غدوا
_ اوكي كيما تحبي 😃
بدات تشطح وتعاود وتنڨز فسما فرحانة بفوزها وهو يضحك على تصرفاتها لي زي تاع لولاد الصغار
طلعوا دوشوا ولبست ساري تاع فولار اخضر وسيبت شعرها وهبطت وهو بدل وخرج لجنينة وهي هبطت لباركينغ شافت طموبيلات وخيرت رانج روفر بيضاء وجات طالعة شافها سراج راح عندها وقال : واش كنتي تدير ثم
_ كنت خيرت طموبيل
_ طموبيل ؟!!!
_ ايه رانج روفر بيضاء ليا انا
_ واش تدير بيها علاه تعرفي تسوقي
_ ايه نعرف
_ لا متسوقيش
_ لا نسوق صح لازمني شوي معلومات باش نعرف نسوق على لجيهة ليسرى مي نوالف
_ لا انا راح نعلمك
_ اوكي