كرونيك:💕💕 تزوجت هندية💕💕

04

الحلقة الرابعة 👑
ناضت على صوت عصافير فطاقة حلت عنيها تكسلت شوي وناضت تتبسم دخلت تدوش وخرجت لبست روبة هندية مع شال فالاخضر وصندال عملت شعرها ظفيرة على جنب وهزت تلفونها وهبطت لقتهم قاعظين على طاولة لفطور وخدامة تحطلهم صبحت عليهم وقعدت تفطر معاهم اول ما شربت من لحليب مقدرتش تبلعوا حطاتوا ديراكت
عائشة : واش معجبكش بنتي
_ اي خالة حنا بلهند نشربوا شاي
سراج : تفطروا بتاي على صباح
ثارت تضحك وحطت يدها على فمها هو للحظة سرح فيها قداش ضحكتها شابة ومبعد رجع فطن على روحوا وركز مع الماكلة
راجيني : لا سراج موش تاي شاي بلحليب وزعفرن وزنجبيل
_ هذا كل تشربوه على صباح
_ ايه سراج ايه
_ انا مستحيل نشرب حاجة هكا
_ هههههه لانك مذقتوش بعد زواجنا كيف نروحوا للهند راح تذوق لماكلة تاعهم وتشوف قداشها بنينة
_ انا نروح للهند مستحيل
_ لا لازم نروحوا ونتعرفوا على عايلتي وتشوف لكرم تاعهم ثم
_ نشالله
للحظة لعايلة كل حسوا بأنهم متفاهمبن
ناض سراج وهز تلفونوا وقال : ايا بصحتكم انا نروح نخدم
راجيني: نقدر نروح معاك نشوف لخدمة وشركة واصلا مليت من دار
سراج : مي بشرط
راجيني : تفضل
سراج : بدلي قشك هذا والبسي خاجة عصرية منيش حابهم يقعدوا يسقسوا شكون هاذي ومنين جات
راجيني : اوكي
طلعت بدلت لبست جيب طويل ابيض وتريكوا ازرق بارد وحطت شال صغير عاى رقبتها وسيبت شعرها ولبست صندال وهزت ساك اكحل وخرجت شافها قالها : هكا بيا هايا
تبسمت وخرجت معاه ركبت وراحوا للشركة واول ما وصلوا نزلت معاه هو حاط يديه في جيابوا وهي تمشي وراه تشوف معاه قداه وهرة وطول وميسكل اقل ما يقال عنه انوا يجنن وحتى من كثرة عرضوا هي متبانش من وراه جات طفلة تجري سلمت عليه بلبوس وهي تخزر فرا
سراج : اهلا مهى لباس
مهى : حمدلله وانت
خزرت فيها راجيني من لفوق لتحت لابسة روبة لعريان كثر من لمغطي وشعرها مطلوق وعاملة كيلو مكياج
خزرت مهى معاها من لقوق لتحت وقالت : شكون هاذي
سراج : بنت عمي الياس
_ منعرفهاش
_ ايه خاطر كانت عايشة فلهند
_ اه هندية ههههههه عجبتني زعما تحكي كيما شاروخان هههه ولا تعبد هذوك لبقر هههههههه
خزرت فيها ليلي بأشمئزاز وقالت : تعلمي تقدري ناس
_ نعم واش تهدري
_ انا جزائرية وعايشة فلهند ونعبد ربي عزوجل خير منك اوكي
_ سراج شوف كيفاه تحكي هاذ الهندية
سراج : مهى عيب تحكي معاها هكا اطلبي منها سماح
_ انا نطلب منها سماح مستحيل تموت ومنديرهاش
راحت وخلتهم وهو مشا ولحقت وراه راجيني بلا ما يهدروا حتى حاجة