كرونيك:💕💕 تزوجت هندية💕💕

32

الحلقة 32 💓
_ ايه نرحلوا لدار وحدنا معاتش نقدر نعيش هنا
_ علاه
_ هكا قدام عايلتك نطروا نباتوا في فرد شومبرا ونتصرفوا قدامهم وكاننا نحبوا بعضنا ورائد كل يوم هنا وانا منحبش نشوفوا وزيد ختى لبسة امك متحبش كيف نلبس عريان ولا حاجة انا منيش ناخذ راحتي هنا مالا هلينا نروخوا وانت قتلي اطلبي واش تحبي مالا نفذلي طلبي رجاءا
_ مي كنت خاسب راح يكون طلب صغير
_ وعد الحر دين عليه شوف ضرك بغيت قرارك نرحلوا ولا لا
_ انا مدام وعدتك لازم نفذ اما لازمني نحاول نقنع بابا وجدي
_ اوكي
مشات هي خطوتين وسراج قال : واش قالك رائد
بلا ما تدور ومكملى مشيتها لدار قالت : قالي الحقيقة لي عمرها ما راح تتبدل
مشات لدار وهو لحق قاعدين فصالة يهدروا على لخدمة
سراج : السلام عليكم
_ وعليكم السلام
_ حبيت نحكي معاكم في موضوع
محمد : تفضل ولدي
_ حاب نسكن انا وراجيني وحدنا
عائشة : وعلاه
_ هكاك حابين ناخذوا راحتنا اكثر من هك وزيد انا كبرت وحاب نسقر وحدي
اسعد : انا عن نفسي ربي ساهل وحتى انوا لڤيلا تاعنا لي بحذى لبحر فارغة عالاقل تسكنوا فيها
محمد : انا ثاني موافق مي بشرط
راجيني : واش هو شرط
_ كل يوم تطل علينا
سراج : ايه جدي نوعدك
عائشة : انا منقبلش انكم تبعدوا عليا مستحيل
_ يا ماما راني كل يوم نجي نطل عليك وعد
ثارت تبكي وتقول : منقدرش نعيش بلا بيك
هو راح حضنها وباسها وقالها نجي نطل عليك وعد
قربت منها راجيني وحظنتها وقالت : كل يوم نجو نطلوا عليكم حنا نحبوكم بزاف هي حظنتهم وقبلت الامر وخلتهم يرحلوا
عائشة قدمت من لباب وقالت : سي احمد ( خدام تاعهم )
_ نعم مدام
_ ادي دنيا وروحوا للڨيلا بحذى لبحر نظفوها وارواحوا من للعشية نستحقها تلمع
_ الله يسهل مدام
_ نشالله
بعد شوي راحوا وسراج وراجيني طلعوا لموا قشهم وحوايجهم ولاحوهم فطموبيل وقعدوا يودعوا فيهم ومبعد ركبوا راحوا لطموبيلات سراج راح في تاعوا الاول وعي في تاعها تبع فيه باش تعرف لبلاصة كيف وصلوا لقاتها دار كبيرة بجنينة معبية شجر وورد وكيف دخلت لقتها ڤيلا كبيرة فيها حوالي 4 غرف 3 لفوق و وحدى التحت وصالة وكوزينة وهول مخدومة بلفيونص ابيض مع اضاءة رائعة من كل الجهات واثاث مودارن يهبل بعد ما كملوا لخدامة خدمتهم راحوا وهي طلعت لطابق ثاني شافت مليح ومبعد هبطت لقاتوا فصالة قاعد قالت : لغرفة لي في اول لكوروار على لجيهة ليمنى لي تطل على لبحر تاعي
_ اوكي انا اصلا غرفتي اكبر وحدى وهي في اخر لكروار وتطل على مزظر يهبل انتي برك مشفتيهاش وتالي اكي لطلتي وغمزها
_ شفتهم كامل وعجبتني هاذي
_ اوكي
_ ممكن تعاوني نطلع لڨاليزات راهم ثقال
_ ايه ممكن وهو هز ڨاليزات ثقال وجا طالع بيهم وهي لحقت لخفاف مع قضيات خفاف فساشيات وهو هز قشوا طلعوا لشمبرتوا وجا خارج يلقاها تتمشى فلكوروار لتحت
_ واش اكي تهومي
_ حابة ناكل مي مكان والوا
_ بو كرش تخمي غير فلماكلة
_ انت لي بوكرش ايييه جعت ومبعد
هز تلفون وطلب ماكلة وقالها : انا نطلع ندوش بعد شوي توصل لماكلة
_ ايه اوكي