ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
Book(38)
Chapter-3
(၂၅၀)
ဤအဆင့်(4) တစ်ပိုင်းအဆင့် ဆေးဖက်ဝင်မြက်ပင်ကို နွယ်စိမ်းမြက်ပင်ဟု ခေါ်ဆိုပေသည်။
ဤကဲ့သို့သော အဆင့်(4)တစ်ပိုင်းအဆင့် ဆေးဖက်ဝင်မြက်ပင်က ပုံမှန်အားဖြင့် ရှားပါးသောအရာတစ်ခု မဟုတ်ပေ။ သို့သော် အဆုံးမဲ့ကမ္ဘာကြီးတွင်မူ ထိုအရာက ရှားပါးသောအရာတစ်ခု ဖြစ်၏။
ဆေးဖက်ဝင်ပစ္စည်းပေါင်းချုပ်ကျမ်း အပါအဝင်
ဆေးပညာဆိုင်ရာမှတ်တမ်းအချို့တွင် နွယ်စိမ်းမြက်ပင်နှင့် ပတ်သက်သော မှတ်တမ်းလုံးဝမရှိပေ။ ထိုအဆင့်အတန်းမြင့်သည်ဟူသော မှော်ဆေးပညာရှင်များက ထိုဆေးပစ္စည်းကို မသိရှိကြသည်မှာ ပုံမှန်သာ ဖြစ်ပေသည်။ယီယွမ်က ဤနွယ်စိမ်းမြက်ပင်အပေါ် အရေးတယူဖြစ်နေခြင်းမှာ ထိုပစ္စည်းက အဆင့်(4)တစ်ပိုင်းအဆင့် ဆေးလုံးဖြစ်သော ခရမ်းနုရောင်နှလုံး စိတ်ဝိညာဉ်ပွားများဆေးလုံးအတွက် အဓိကပါဝင်ပစ္စည်းတစ်ခု ဖြစ်နေခဲ့၍သာဖြစ်၏။
ဤခရမ်းနုရောင်နှလုံး စိတ်ဝိညာဉ်ပွားများဆေးလုံးက ပုံမှန် စိတ်ဝိညာဉ်ပွားများဆေးလုံးကို အဆင့်မြှင့်ထားသော ဆေးလုံးဖြစ်သည်။ ထိုဆေးလုံးကို စိတ်ဝိညာဉ်ပင်လယ်နယ်ပယ်သို့ ချိုးဖျက်တက်ရောက်ရန်အတွက် အသုံးပြုကြ၏။
သို့ရာတွင် ဤခရမ်းနုရောင်နှလုံး စိတ်ဝိညာဉ်ပွားများဆေးလုံး၏ ဆေးစွမ်းထိရောက်မှုက စိတ်ဝိညာဉ်ပွားများဆေးလုံးနှင့် လုံးဝကွာခြားသောအဆင့်တစ်ခု၌ ရှိနေခဲ့ပေသည်။
ယီယွမ်က သူ၏ အဆင့်ချိုးဖျက်တက်ရောက်ခြင်းအတွက် စိတ်ဝိညာဉ်ပွားများဆေးလုံးများ အများအပြားအသုံးပြုလိုခြင်း မရှိပေ။ ဤအချိန်တွင် နွယ်စိမ်းမြက်ပင်ကို တွေ့ခဲ့ရခြင်းက ပြီးပြည့်စုံသော အခြေအနေတစ်ခုဖြစ်ကာ သူက နွယ်စိမ်းမြက်ပင်ကို သေချာပေါက် အိတ်ထဲသို့ထည့်ရပေမည်။
ထို့ပြင် ယီယွမ်က အနည်းနှင့်အများပင် အဆုံးမဲ့ကမ္ဘာကြီး၏ မှော်ဆေးပညာလောကအကြောင်း အချို့ကို သိရှိထားခဲ့၏။ ဤနွယ်စိမ်းမြက်ပင်၏ တန်ဖိုးက အလယ်အလတ်အဆင့် သဘာဝသလင်းတုံး အတုံး၁၀၀နှင့် လုံးဝထိုက်တန်ပေသည်။
YOU ARE READING
ပြိုင်ဘက်ကင်းဆေးနတ်ဘုရား(part-3)
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...