ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
Book(33)
Chapter-11
(ခြေကုန်လက်ပန်းကျခြင်း)
"ဒီလူငယ်လေးကဘယ်သူလဲ… သူ့ရဲအသက်က အရမ်းမကြီးသေးဘူး… တကယ်ကို အားမန်တက်ကြွနေတာပဲ….."
"ဟုတ်တယ်… သူက အဆင့်(1) ပင်လယ်အသွင်ပြောင်းလဲခြင်း နယ်ပယ်မှာပဲ ရှိနေသေးတာလေ… စင်ပေါ်တက်လာပြီး ဂျိချင်ကို စိန်ခေါ်ရဲတာက သူ့ရဲ့ခွန်အားကို နည်းနည်းလောက် ယုံကြည်မှုလွန်ကဲနေတာ မဟုတ်ဘူးလား….."
"ငါကအဲဒီလိုမထင်ဘူး… ဒီလူငယ်လေးရဲ့ မျက်လုံးတွေက အလင်းဖြာထွက်နေပြီးတော့ တိုက်ခိုက်လိုစိတ်တွေ ပြည့်ဝနေတယ်… သူ့ကိုကြည့်ရတာ ဉာဏ်မကောင်းတဲ့လူနဲ့ ဘယ်နေရာမှမတူဘူး… သူ့မှာ အားထားရတဲ့ အရာအချို့ ရှိနေတာ ဖြစ်နိုင်တယ်….."
ရှုချင်က စင်ပေါ်သို့ ရောက်ရှိလာခြင်းမှာ လူအများ၏ အာရုံကို ဆွဲဆောင်သွားခဲ့၏။ စောစောလေးက စင်ပေါ်သို့ တက်လာကြသောလူများက ခွန်အားနိမ့်ရာမှ တစ်ဆင့်
ခွန်အားမြင့်သည်ထက် မြင့်လာခဲ့ကြပြီး အဆင့်(3) ပင်လယ်အသွင်ပြောင်းလဲခြင်း နယ်ပယ် သိုင်းပညာရှင်က အမြင့်ဆုံးအခြေအနေပင် ဖြစ်သည်။သို့သော် ရှုချင်က အဆင့်(1) ပင်လယ်အသွင်ပြောင်းလဲခြင်း နယ်ပယ်၌သာ ရှိနေပေ၏။ အကယ်၍ သူ့တွင် အားထားရသည့် အရာအချို့ မရှိလျှင် သူက အရူးတစ်ယောက်သာ ဖြစ်ပေလိမ့်မည်။
ယီယွမ်က ရှုချင်ကို စူးစိုက်ကြည့်လိုက်ပြီး ရုတ်တရက်ပြုံး၍ ပြောလိုက်သည်။ "စိတ်ဝိညာဉ်သိုင်းပညာရှင် တစ်ယောက်ပါလား… မင်းမှာ ဒီလောက်အထိ ယုံကြည်မှုရှိနေတာ အံ့ဩစရာ မရှိတော့ပါဘူး….."
ထိုစကားကိုကြားသော် ရှုချင်၏ မျက်နှာအမူအရာက တင်းမာသွားခဲ့ပြီး ပြောခဲ့၏။ "ညီအစ်ကိုဂျိရဲ့ သိမြင်တတ်တဲ့မျက်လုံးတွေက မီးရှူးမီးတိုင်လိုပါပဲ… တကယ်ကို လေးစားစရာကောင်းပါတယ်… ဟုတ်တယ်… ငါက တကယ်ပဲ စိတ်ဝိညာဉ်သိုင်းပညာရှင် တစ်ယောက်ပါ….."
"ဘယ်လို… သူက တကယ်ပဲ စိတ်ဝိညာဉ်သိုင်းပညာရှင် တစ်ယောက်တဲ့လား… သူက ဂျိချင်ကို စိန်ခေါ်ရဲတာ အံ့ဩစရာမရှိပါဘူး….."
BINABASA MO ANG
ပြိုင်ဘက်ကင်းဆေးနတ်ဘုရား(part-3)
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...