ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
Book(37)
Chapter-11
(ဓားစာခံတစ်ယောက်အဖြစ် နေခိုင်းခြင်း)
ချင်ယန်းတို့အားလုံး၏ လည်ပင်းကို တစ်စုံတစ်ရာက ဖမ်းဆုပ်ထားခဲ့သလို အချိန်အတော်ကြာသည်အထိ စကားမပြောနိုင်ခဲ့ကြပေ။
"အ… အကန့်အသတ်မဲ့နယ်ပယ်လား…. မင်းက ဟာသလုပ်နေတာတော့ မဟုတ်ပါဘူးနော်….."
အချိန်အတော်ကြာပြီးမှ လီကျွင်းကျဲက နောက်ဆုံးတွင် သတိပြန်ဝင်လာခဲ့သော်လည်း မယုံကြည်နိုင်မှုများ ပြည့်နှက်နေခဲ့သည်။
"ဟာသလုပ်ရမယ် ဟုတ်လား… အတိတ်တစ်ချိန်က မဟာယန်အစစ်အမှန်အဖွဲ့ရဲ့ အင်အားက မင်းတို့ရဲ့ အသင်္ချေဓားအဖွဲ့ထက် ဆယ်ဆမက ပိုအင်အားကြီးတယ်… ဒါပေမဲ့ မဟာယန်အစစ်အမှန်အဖွဲ့က ပြင်းထန်သောလက်ဟန်၆ခု မဟာဝင်္ကပါကို ခင်းကျင်းနိုင်ဖို့အတွက် ဧကရာဇ်အဆင့် ဝင်္ကပါပညာရှင် ၆ယောက်ရဲ့အသက်ကို စတေးပစ်ဖို့ လုံးဝမတွေဝေခဲ့ဘူး… သူတို့က သူတို့အသက်ကို ဟာသလုပ်ဖို့လိုအပ်လိမ့်မယ်လို့ မင်းတို့ကထင်နေတာလား….." ယီယွမ်က အေးစက်သောအပြုံးတစ်ခုဖြင့် ပြောလိုက်၏။
လက်ရှိအချိန်၌ အဆုံးမဲ့ကမ္ဘာကြီး၏ အခြေအနေက ကွာခြားသွားခဲ့ပြီဖြစ်သည်။ အတိတ်တွင် မဟာယန်အစစ်အမှန်အဖွဲ့က အထွတ်အထိပ်အဆင့်ဖြစ်ပြီး အဖွဲ့အားလုံးအပေါ် လွှမ်းမိုးထားနိုင်ပေ၏။
မဟာယန်အစစ်အမှန်အဖွဲ့၏ အဖွဲ့အရှင်သခင် အဆင့်အတန်းမှာ ကျောက်ထျန်းရင်နှင့် တူညီခြင်းမရှိသော်လည်း အများကြီး နိမ့်ကျမည်မဟုတ်ပေ။
ထိုသို့သော ခွန်အားဖြင့်ပင် ယခင်မျိုးဆက် လေအင်ပါယာကို ခုခံကာကွယ်နိုင်စွမ်းမရှိခဲ့ပေ။
အသင်္ချေဓားအဖွဲ့ကို ဘာအတွက် ထည့်တွက်နေရမှာလဲ…..
"ဟူးးး….."
ယနေ့ ယီယွမ် ပြောကြားခဲ့သော သတင်းအချက်အလက်က သူတို့ကို အလွန်ကြီးမားစွာ ထိတ်လန့်တုန်လှုပ်သွားစေခဲ့သည်။
ESTÁS LEYENDO
ပြိုင်ဘက်ကင်းဆေးနတ်ဘုရား(part-3)
Fantasía(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...