ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
Book(45)
Chapter-1
(အဆုံးမဲ့ အကျိုးကျေးဇူးများ)
မကြာမီပင် ယီယွမ်က သူ၏ သဘာဝစွမ်းအင်များ ကုန်ဆုံးမှု အမြန်နှုန်းက အလွန်လျင်မြန်နေကြောင်း တွေ့ရှိခဲ့၏။ယီယွမ်၏ သဘာဝစွမ်းအင်များအပေါ် ထိန်းချုပ်နိုင်မှုက အလွန်မြင့်မားသော အဆင့်တစ်ခု၌ ရှိနေခဲ့သည့်တိုင် သူက နေ့တစ်ဝက်မျှသာ တောင့်ခံနိုင်ခဲ့ပြီး ရေခဲချောင်းတစ်ခုသဖွယ် အေးခဲသွားခဲ့သည်။
အဆုံးစွန်အေးစက်ခြင်းအသိနှင့် ပူပြင်းခြင်းအသိတို့က အလုံးစုံဆန့်ကျင်နေသော အသိများဖြစ်ပေ၏။ ဤအရာက ကျယ်ပြန့်သော ကောင်းကင်ဘုံကျောက်တိုင်၏ အမှားအယွင်းမဟုတ်ဘဲ သူ၏ ပူပြင်းခြင်းအစစ်အမှန်အသိကို ဤနည်းလမ်းသုံး၍ မြှင့်တင်ပေးရန်သာ ဖြစ်သည်။
ဤသို့ အဆုံးစွန်အေးစက်ခြင်းကို ယီယွမ်က လုံးဝပင် နားလည်သဘောပေါက်နိုင်စွမ်း မရှိခဲ့ပေ။
အဆုံးစွန်အေးစက်ခြင်း အစစ်အမှန်အသိက ရေခဲသဘာဝအစစ်အမှန်အသိနှင့် ဆက်စပ်နေပေ၏။ ရေခဲသဘာဝအစစ်အမှန်အသိက ရေဓာတ်အသိ၏ အရေးပါသော မျိုးခွဲတစ်ခုဖြစ်သည်။
ရေဓာတ်သဘာဝ၏ အခြေခံလိုအပ်ချက်များကိုပင် ယီယွမ်က မလေ့လာခဲ့ဖူးရာ အဆုံးစွန်အေးစက်ခြင်း အစစ်အမှန်အသိကို နားလည်သဘောပေါက်ရန်မှာ ထည့်သွင်းစဉ်းစားနေရန်ပင် မလိုအပ်ပေ။ဤအရာမှာ စိတ်ဝိညာဉ်ပင်လယ်နယ်ပယ် သိုင်းပညာရှင်တစ်ယောက်က ချီစွမ်းအင်နယ်ပယ် သိုင်းပညာရှင်တစ်ယောက်ကို စိတ်ဝိညာဉ်ပင်လယ်နယ်ပယ် သိုင်းပညာရှင်များ မည်သို့ကျင့်ကြံသည်အား ပြောပြနေပြီး ထိုချီစွမ်းအင်နယ်ပယ် သိုင်းပညာရှင်က လုံးဝပင် နားလည်နိုင်စွမ်းမရှိသည်နှင့် အတူတူဖြစ်ပေ၏။
သို့ဖြစ်၍ ဤအစစ်အမှန်အသိကို လေ့ကျင့်ပေးခြင်းနည်းလမ်းက ပူပြင်းခြင်းအစစ်အမှန်အသိအတွက် ဖြစ်နေသည်မှာ သေချာလှသည်။
သို့ရာတွင် ပူပြင်းခြင်းအန္တိမအစစ်အမှန်အသိ နားလည်သဘောပေါက်ရန် မည်သို့လုပ်ဆောင်ရမည်အား ယီယွမ်က လုံးဝပင် နားမလည်ခဲ့ပေ။
YOU ARE READING
ပြိုင်ဘက်ကင်းဆေးနတ်ဘုရား(part-3)
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...