ثلاثون يوم گافية للوقوع بالحب

part 31

ثلاثون يوم كافية للوقوع بالحب  🌹

صلوا علي رسول الله 💙

💙💙💙💙💙💙💙💙💙💙💙💙💙💙

لقد ذهلت مما اخبرها به اسلام، هل وصل الامر إلي هذا الحد عند زين؟ يبدو انه فقد عقله، كيف يمكنه ان يرسل اشخاص خلف اسلام ليراقبوه حتي يعرفوا مكانها!!  . قطع تفكيرها اسلام قائلا:  قمر مفيش وقت للسرحان، لازم تمشي من الفندق لو مش عوزاه يشوفك، لأنه بعد دقايق هتلاقيه هنا، انا خايف عليكي من رد فعله، اذا كان عمل فيها انا كدا، هيعمل فيكي ايه؟  يلا بينا انا هوديكي اي مكان تاني، او ع الاقل اطلعي اوضتك وياسين هيتصرف ويقوله معندناش حد بالإسم ده.
كل هذا وياسين متفرج، ينتظر رد فعل قمر.
ردت قمر بعصبية:  انت بتقول ايه ي اسلام، انت عاوزني اهرب؟  انا معملتش حاجة ولا انا ال غلطانة ف حقه، هو ال غلطان وانا مستحيل ارجع معاه غير لما يعترف بغلطه ويطلب مني اسامحه، انا مش همشي من الفندق ولا هطلع اوضتي.
اسلام بقلق:  امال هتعملي ايه؟
قمر بصلابة:  انا كدا كدا كنت خارجة اشم شويه هوا، اقعد انت مع ياسين دردشوا شويه، هو لما يجي هيلاقيك قاعد مع ياسين مش هيعمل حاجة، ولو سأل قولوله اني موجودة هنا فعلا بس خرجت، انا مش مضطرة اكذب.
لم تعطهم فرصة للجدال معها، سحبت حقيبتها الصغيرة ووضعتها خلف ظهرها ورفعت الكمامة والنظارة ووضعت الكاب علي وجهها ثم رحلت.
..  توقف قلبها عندما اشتمت رائحته في الأرجاء، انه عطره المقذذ الذي تكرهه بشدة، إلتفتت حولها فوجدته يقف امام الفندق يتحدث مع احدهم بغضب اعمي ثم تركه ودلف للفندق بسرعة.
شعرت بالقلق الشديد علي اسلام، فقررت الإنتظار علي مقعد موجود بالحديقة المواجهة للفندق، خرج زين بعد عدة دقائق وكان يبدو مريبا للغاية، شعر ت بالرعب فقالت:  هو قتل اسلام ولا ايه؟  منك لله يا ابن مني علي الرعب ال انا عيشاه بسببك.
دخلت ركضا للفندق فوجدت اسلام يضحك مع ياسين والاجواء هادئة للغاية، فقالت وهي تتنفس بعمق:  انت بتضحك هنا وانا افتكرته قتلك.  انتوا قلتوله ايه؟
انسحبت الابتسامة من وجه اسلام خوفا من قمر ولكن ياسين قال بكل برود:  انا قلتله انك موجودة هنا بالفعل، وانك نزلتي من ساعتين تعملي شوبينج.
قمر بزهول:  احيه.
ضحك اسلام ضحكة مزلزلة علي كلمتها فقال ياسين:  انتي خايفة كدا ليه يا بت،  مش انتي قررتي معاقبته!  هتعاقبيه ازاي وهو ميعرفش مكانك، بالعكس دا لازم يبقا عارف انتي فين عشان يشوفك كل يوم ويتحسر علي عمره بسبب ال عمله معاكي.
قمر:  مش هيلحق يتحسر يا ياسين، مش هيبقا فاضي، هيبقا بياخد عزايا. زين دا مجنون وممكن يعمل حاجات مش معقولة.
ياسين:  سيبك انتي، بس الواد مووز وطول بعرض وعضلات،  اخترتي صح ي بت.
قمر باستنكار:  مووز!!  انت متأكد انك عايش ف فرنسا من سنين؟؟  يعني مكنتش بتنزل صفط العنب خالص؟؟
ضحك اسلام ثانية بصوت عالي فقالت:  مش عايزة اسمع صوت ضحكتك دي نهائي، نقطني بسكاتك يخويا  .
وبعدين ي ياسين انا مخترتوش وانت عارف، يلا الحمدلله.
ياسين؛:  والله انتي اسم علي مسمى، انا لو ليا ابن مستحيل كنت اسيبك من غير ما اجوزهولك.
اسلام باعتراض:  جرا ايه ي ياسين، الست متجوزة ي عم.
ياسين:  انتوا عرفتوا بعض ازاي، انا نسيت.
قمر:  كان راكب جمبي ف الطيارة، كان رخم رخامة وعمال يهزر وانا اصلا كنت مرعوبة عشان اول مرة اركب طيارة، وبعد ما وصلنا وحمدت ربنا انه خلصني منه لقيته نازل ورايا يديني الكارت بتاعه.  كان لازق ب غرة. وبعدين اتقابلنا ف المول وناداني بصوت عالي قدام زين ال كان هيقتلني وقتها،الحمدلله
اسلام: بس انتي مكملتيش باقي الحكاية، يومها اخدت من زين رقمه وكلمته وطلبت اقابله،طلبت منه ايد قمر بس هو مدانيش فرصة واداني علقة موت وروحت المستشفي وكان ممكن اسجنه بس اتنازلت لما روحت القسم شفت قمر من بعيد وهي زعلانة وخايفة عليه.
ياسين بتسلية:  هو بيغير اوي كده؟
قمر بشرود: معرفش، معرفش لو بيغير عليا بجد يبقا بيحبني،لكن لو بيحبني مستحيل كان يسبني ويرميني كده ويسافر  وهو عارف اني معرفش حاجة خالص هنا،لو بيحبني كان سأل عليا بالتليفون ع الاقل،المرة الوحيدة ال كلمني فيها كان في وجع ف صوته معرفش سببه،كان بيتأسف معرفش ليه.
كل ده مش غريب، الغريب بقا وال قالقني جدا انه مفيش حد من مصر بيكلمني خالص،ولا اهلي ولا اخوات زين ولا مامته ولا حتي صحابي، كادت تبكي فقلبت الامر مرحا: هما نسيوني ولا ايه 😂.
ياسين بنظرة ريبة للامر: انتي مستحيل تتنسي يا قمر،لو اخدتي من عمر حد خمس دقايق بس هينسى عمره لكن مش هينساكي.
قمر: والله انت ذوق جدا ي ياسين،انا لو مش متجوزة كنت  مستحيل اسيبك.
قطعت ضحكتها وجدت من يمسكها بقوة من رسغها وصوت جهوري حاد وغاضب يقول بعصبية: وانا روحت فين....

....
كان جالسا بالصالون يعبث بهاتفه في ملل،دخلت امه قائلة: مالك ي حبيبي قاعد كده ليه؟
محمد بسخرية: اقعد ازاي يعني!! راسي تحت ورجلي فوق!!
منى وهي تضربه فوق رأسه بخفة: بطل طول لسان وقولي مالك؟
محمد: قلقان علي قمر،بقالي حوالي اسبوعين مش عارف اوصلها،وكل ما اسأل زين عنها يقولي حجة،مرة نايمة،مرة ف الچيم،مرة ف التواليت،كلها حجج مش مقنعة، اصلا فمرة ان فونها باظ دي فاكس اوي، يعني زين معهوش فلوس يشتريلها فون جديد؟!! ولما ملقاش حجة يقولهالي قالي انا حر مش عاوزك تكلم مراتي،طب اوك بلاش انا،نادين بردو مش عارفة توصلها،ولا مامتها. انا حاسس ان في حاجه غلط بتحصل،حاسس ان قمر مش بخير.
مني: اخص عليك ي محمد،انت مش واثق ف اخوك،صدقني زين بيحبها ومستحيل يأذيها،هو عنده حق دول عرسان وف شهر العسل لازم نسيبهم براحتهم.
محمد بعصبية: انتي مطمنة لزين اوي كده ازاي،دا زين يا ماما،زين ال بيشرب وبيصاحب ستات،عاوزة تقنعيني ان بنت زي قمر ملهاش ف اللوع ولا الإغراء ولا الحاجات دي قدرت تغيره!! ده مستحيل.انا واثق ان زين عمل فيها حاجة،او انهم مش عايشين مع بعض.
مني بعصبية: انت بتقول ايه ي واد انت،زين هيعمل فيها ايه؟  ده ابني وانا مربياه كويس،حتي لو بيغلط لكن مستحيل يأذي وحدة ست وخصوصا لو قمر.
محمد بسخرية وهو ينهض: محدش سبب ف ال زين عايشه دلوقت غيرك،انتي دلعتيه زيادة،حسستيه ان غلطاته الكبيرة دي عادية جدا وكأنه معملش حاجة. بقا بيأذي ال حواليه من غير ما يحس.
ثم تركها وغادر فقالت: انت رايح فين؟
محمد بحزن: رايح اشوف اي طريقة اتواصل بيها مع المسكينة اللي رميناها ليه ومسألناش عنها.

🔚🔚🔚🔚🔚🔚🔚🔚🔚🔚🔚🔚🔚🔚

طبعا عرفنا مين ال وصل 😒😒
كل واحد يقول رأيه في كلام محمد،هل هو صحيح وفعلا تربية منى هي السبب ف تصرفات زين ولا تصرفاته مكتسبة من البيئة ال عاش فيها سنين؟؟؟

يا ترى قمر هترجع مع زين ولا ايه؟؟