ثلاثون يوم گافية للوقوع بالحب

Part 77

صلوا على الحبيب ♥️

🦋🦋🦋🦋🦋🦋🦋🦋🦋🦋🦋🦋🦋🦋

غادرت المكان فزعة و تكاد دموعها تنهمر من فرط الاحراج من تكرار نفس الموقف مع ذات الشخص الذي لا تعرف هويته ولا تتذكر من ملامحه سوى عيناه.
أما هو ،عندما رآها تذكر ذات الرداء الازرق الفاتنة شبيه خصمه ،التي رآها ليلة زفاف الفتاة التي ظن أنه عشقها ولكن للقدر رأي آخر.
جرى خلفها متجاهلا الشعور بالألم الناتج عن المشروب الساخن المسكوب فوق ملابسه.
وجدها تدلف إحدي الغرف ،وجد نفسه تلقائيا يطرق باب تلك الغرفة .

.......

دلفت للغرفة وهي ترتجف من الخوف ،فزع امير من هيئتها ،فقابلها قائلا:اي ي نودي مالك حصل ايه ؟
نادين بخوف: في واحد انا وقعت عليه الكوفي و هو جه ورايا انا ....انا شوفته عندنا ف فرح زين ووقع عصير ع فستاني كمان.
ثم أشارت إلى چين هاتفه: فاكرة ي چين لما كنت بعيط وانتي اديتيني فستانك بدل فستاني ال باظ من العصير ،هو دا ال........
قبل أن تنهي حديثها ،سمعوا طرق للباب فالتفتت نادين بقلق تجاه الباب. اتجه امير الى الباب و فتحه فوجد اسلام يقف أمامه ،توتر الاثنان من رؤية بعضهم البعض.
بادر اسلام الحديث قائلا: بشمهندس امير ...انا .....هو خير في حد حصله حاجة ؟ اصل ...
امير بضيق من تطفله: لا خير محدش حصله حاجة ، انت ال عاوز حاجة؟ أو عاوز حد؟
اسلام بتوتر من نبرة امير العدائية :  في آنسه قابلتها يوم فرح قمر.....اقصد فرح بشمهندس زين ، وغصب عني وقعت عصير ع فستانها و للأسف مشيت من غير ما اعتذر لها...... شوفتها من شويه تحت ف الكافتيريا و لما كنت هعتذرلها مشيت. ف مشيت وراها لقيتها دخلت هنا .
أمير بحاجب مرفوع و فم مزموم متظاهرا التفكير بعمق : اممممممم..... الأنسة ال حضرتك وقعت عصير ع فستانها ، هي نفس الآنسة ال وقعت عليك القهوة الفرنسية ام ريحة جنان ال ظاهرة ع قميصك دا.
قالها وهو يشير إلى البقعة السوداء الواضحة فوق قميص اسلام.
قبل أن يتحدث اسلام ،فتح امير الباب قليلا لتظهر نادين من خلف امير واضحا عليها التوتر الشديد
بادر امير قائلا: الآنسة دي تبقى نادين الكاشف ،اخت البشمهندس زين الكاشف .
بهت امير عندما استمع الى صلة تلك الفتاة التي تجذبه كالمغيب ، أنه كلما حاول الابتعاد عن دائرة زين الكاشف وجد نفسه يدخلها بكل الطرق التي تقود زين للجنون.
تنحنح اخيرا مجليا صوته ثم هتف بابتسامة وهو يصوب نظره نحو تلك الرقيقة التي تقف بمنتصف الغرفة : انا اسف ع ال حصل مني يوم الفرح . يعني اني بهدلت فستان حضرتك.اتمنى تقبلي أسفي.
توترت نادين أكثر و ابتلعت ريقها بصعوبة وهي توزع نظراتها بين ذاك صاحب العيون الجذابة و بين امير الذي كتف ساعديه فوق صدره ووقف ليشاهد الحدث بنظرات متفحصة لكلاهما.
نطقت نادين اخيرا قائلة:  و انا....انا اسفة اني وقعت الكوفي على قميص حضرتك.
ابتسم اسلام على رقتها و جمال صوتها الناعم ،قطع ابتسامته امير الذي هتف بضيق : خلاص اتأسفتوا لبعض و النفوس مش شايلة من بعضها ، عن اذنكوا بقا عشان عاوز البشمهندس ف موضوع مهم.
جذبه امير من ذراعه الى خارج الغرفة و صفق الباب خلفه .
انتفضت نادين من وقفتها ثم وجهت انظارها نحو چين قائلة : هو أبيه امير اتعصب ليه ،الراجل طلع جنتل خالص و اعتذر عن غلطه.
چين بخبث: جنتل خالص ....لا ي شيخة ،عيني ف عينك كدا ،يعني السنارة مغمزتش ي بت ؟
نادين باشمئزاز من لغة چين : اي دا اي دا انتي بقيتي بيئة اوي ي چين مش معقول انتي فرنسية ابدا  ،سنارة ايه و غمز ايه .
چين : يا بت.... يابت عيب عليكي ،يعني يوم فرح زين عيطتي عشان وقع شويه عصير ع فستانك ، و دلوقت جايه بتترعشي من برا عشان خبطيه و سلختيه بالقهوة ،كل دي صدف؟
نادين بعصبية: قصدك ايه؟ قصدك اني اعرفه؟ والله ما عرف حتى اسمه ايه غير لما أبيه امير قال اسمه دلوقت.
چين : يعني النظرات و السهتنة و السهوكة دي كلها من مرتين بس تشوفوا بعض فيهم ، والمواد كمان شافك اتسمر مكانه ،مهو مش معقول ال ف دماغي يحصل .
نادين بفضول: هو اي ال ف دماغك ي چوچو؟
جين: لمصلحتك متعرفيش ال ف دماغي و لمصلحتك بردو متحتكيش بالشخص دا ابدا ولو حاول يتواصل معاكي تاني بأي شكل اوعي تديله وش وإلا هنقرا الفاتحه على روحك.
نادين باستنكار: ليه كل دا ؟ هو في حاجة بينه و بين أبيه امير ؟
جين : لا ي حبيبتي ، المشكلة مش مع أبيه امير ، المشكلة مع اخوكي زين باشا ، ودي مش مشكلة ،دا زي ما تقولي كدا عداوة ، هو و زين علاقتهم زي الزفت ببعض و انصحك اوعي تجيبي سيرة لزين ب ال حصل من شويه.
نادين بتوتر : انتي عارفه السبب صح؟
چين : عارفه بس مش هقولك ،كل ال عوزاكي تعرفيه أن اخوكي اتخانق معاه اكتر من مرة ف فرنسا و الموضوع وصل للشرطة ، وانا عندي احساس جوايا بيقولي أن مقابلاتكم و الصدف دي مترتبلها كويس .
اسمعي كلامي بس ومتعمليش اي حاجة أو تكلميه بأي شكل ،وانا هتكلم مع امير و أفهم منه أي الموضوع.
...........