ثلاثون يوم گافية للوقوع بالحب

part 11

ثلاثون يوم گافية للوقوع بالحب  ❤
نيروز

صلوا على رسول الله  💙
🌸  🌸  🌸  🌸  🌸  🌸  🌸  🌸  🌸  🌸
صدمت من سقوطها علي الفراش وانتبهت عندما وقف امامها قائلا: عشر دقايق تكوني غيرتي هدومك وإلا هتصرف انا واظن ان ده شئ مش هيعجبك ف الوقت الحالي.
تركها واغلق الباب خلفه. جلست علي الفراش تفكر فيما قال،ثم نهضت مسرعة لتغير ملابسها بملابس اخري مريحة. ثم خرجت له بعصبية: اول واخر مرة تدخل ف لبسي او شكلي او تقرب مني بالشكل ده انت فاهم!
تفحصها بهدوء ،كانت ترتدي سالوبيت جينز  تحتها تيشيرت ابيض وحجاب اسود وحذاء رياضي اسود وحقيبة صغيرة .نطق اخيرا قائلا: مش بطال ،بس هو انتي معندكيش غير طرح سودة؟
ردت بغيظ : اه عشان ألبسهم عليك أن شاء الله ،وتركته وفتحت باب الشقة وخرجت،خرج خلفها مسرعا.
....
في السيارة
قمر: اقف ثواني
زين: ليه ؟
قمر:بقولك اقف
زين:مش هقف غير لما اعرف ليه
قمر:اوف عاوزه فلوس من  ATM 
تجاهلها تماما ولم يرد فصاحت : هااااااي بقولك اقف عاوزه فلوس عشان اشتري حاجات 
زين ببرود وقد وصلوا الي المركز التجاري:انزلي .
قمر بعند: مش نزلة،انا اصلا غلطانه اني خرجت مع واحد زيك
زين: ي ماما انا هشتريلك ال انتي عوزاه وبعدين نبقا نتحاسب بس عشان خاطري،احنا طالعين نغير جو ونشم هوا ف بليييز متنكديش علينا ،يلا بينا.
قمر : انا قمر مش منى عشان تقولي ي ماما. ثم
نزلت بهدوء من السيارة ودخلوا الي المول سويا
زين: الاول نروح نشتري فون ليا
قمر بدهشة: ليه ،موبايلك ايه حصله
زين بضحكة خفيفة: راح ضحية ،ثم تركها ودلف الي المحل
قمر محدثة نفسها: ضحية ايه المجنون ده،ثم دلفت خلفه
طلب منها اختيار لون الهاتف علي ذوقها فاختارت الاسود فنظر لها ضاحكا فضحكت هي الاخري فرد البائع: اللون الاسود رائع سيدي،يبدو ان زوجتك لديها ذوق فريد.
احمر وجههم ولكنها احمر وجهها خجلا اما هو فقد اوشك علي لكم العامل بوجهه الوسيم، دفع ثمن الهاتف ثم خرجا.
زين: تعالي نفطر ف الكافية انتي مأكلتيش حاجة.
همت ان تعترض لولا انه تركها ودلف الي الكافية
جلست امامه وبعد قليل جاء العامل ووضع الطعام امامها فقط ،وجدته يدخن بحده وامامه فنجان من القهوة وشاردا بشئ ما ،نهضت واخذت السيجارة من فمه ووضعتها في المطفئة فنظر لها بحدة وجدها تبتسم له ،فضاع غضبه هباءا
قمر: يلا كل معايا عشان تفتح نفسي مش معقولة دايما بتسد نفسي كدا ،ثم اكملت بجدية: انت زعلت عشان قال عليا مراتك ؟! ي سيدي احنا اسفين لمراتك المستقبلية ،قالتها بضحكة ،اراد الاعتراف في هذه اللحظة انه ما من زوجة له إلا هي ،نسي غضبه وهم ان يطلب من العامل وجبة له حتي اقترحت: ايه رأيك ناكل الوجبة دي سوا ،انت اصلا طالب اكل كتير انا مستحيل اخلصه لوحدي ،وبعدين يبقا بينا توست وملح
ضحك بصوت عالي ثم قال: ماشي ي توست حياتي.
..
انتهوا من الافطار ثم قام بتشغل هاتفه الجديد وطلب منها إلتقاط صورة لهم معا فوافقت ،إلتقطوا عدة صور بمرح ،قاطعهم رنين هاتف زين ،انها نادين
زين: قلبي عامله ايه
نادين بقلق: كويسة الحمدلله ،بس ماما
شعر زين بالرعب من ان والدته قد اصابها مكروه فهب واقفا: مالها ماما ي نادين
بدأت نادين بالبكاء فأعطت الهاتف لمحمد
محمد: اهدي ي زين ماما كويسة،هي بس تعبت شويه والدكتور قال انها كويسة بس...
زين: ماما مالها بصراحة ي محمد متخبيش عليا
كانت واقفة بجواره بقلق شديد علي منى،فهي بمثابة امها
محمد: بصراحة الدكتور قال ان ماما عندها مشكلة ف القلب مولودة بيها بس مظهرتش غير مع تقدم السن،الموضوع مش خطير بس لازم نبعدها عن اي زعل ونسمع كلامها
زين : انا هاخد اجازة وانزل ف اقرب وقت
محمد: ماما عاوزه تكلمك يازين
مني بتعب: زين ي حبيبي انا كويسة ،متقلقش عليا المهم انك كويس وقمر كويسة
زين: احنا كويسين ي حبيبتي المهم انك بخير ،متجهديش نفسك عشان متتعبيش وانا ف اقرب وقت هاخد اجازة
مني: انا عوزاك ف اقرب وقت تتجوز ي حبيبي،عاوزه افرح بيك الله اعلم عمري باقي فيه قد ايه.
زين بحيرة: ان شاء الله ي ماما ،خلي بالك من نفسك..لا إله إلا الله
مني: محمد رسول الله
.....
ذهبت نادين لغرفتها بعد بكاءها لوقت طويل خوفا علي امها وتبقا محمد وسهام مع مني.
سهام: انا مش فهمه حاجة ومش مرتاحالكو ،ايه ال بيحصل
اعتدلت مني وقامت من الفراش بحيوية فنظرت لها سهام بدهشة ،ضحك محمد بصوت عالي علي نظراتهن لبعضهم البعض.
منى: ي سوسو يا حبيبتي ،مش انتي طول عمرك نفسك تفرحي بقمر ؟! وانا طول عمري نفسي اجوزها زين وانتي موافقة علي كدا
سهام بغباء: ايوه موافقة بس دا علاقته ايه بتمثيلك المرض
محمد: ي سوسو زين مستحيل ياخد قرار او يتحرك الا بحاجتين ،الغيرة والضغط عليه من ماما ،فهمتي
سهام: يعني انت تمثل انك بتحب قمر ف زين يغير ومامتك تمثل انها تعبانة وعوزاه يتجوز ف يتجوزها؟؟!
مني: بالظبط
سهام بقلق: موافقة بس لو زين وقمر عرفوا مش هيحصل خير
محمد بضحك:زين لما يعرف هيبوسنا ،ثم قال بقلق يشوبه الخوف: لكن قمر احتمال تعلقنا وتدرب علينا ملاكمة صبح وليل
سهام: انا فعلا خايفة من رد فعل قمر ،دي ممكن تقاطعنا ،خصوصا انها هتوافق عشان خاطر صحتك ي منى.
مني مطمئنة لهم: هتكون بقت مراته وهو هيعرف كويس يتصرف معاها متقلقوش ،مش يمكن هي كمان تحبه.؟!.
.....
انهي زين المكالمة ثم نظر لها قائلا: ماما عندها القلب.
رمشت عدة رمشات بغير استيعاب لما قاله ثم قالت بتعثلم: م..مني مالها!!
زين بحسرة: عندها القلب.
قمر بدموع: طب هي عامله ايه دلوقت
زين: هي كويسة بس الدكتور محرج عليها العصبية او الزعل ،قال لازم نسمع كلامها ونعملها ال هي عوزاه.
قمر: يلا نمشي.
زين: لما نشتري الحاجات ال انتي عوزاها الاول
قمر بتوتر: مش عوزه حاجة انا عاوزه امشي.
زين مهدئا لها: متقلقيش والله هي كويسة وكلمتني.
قمر:مش هتحرك من هنا غير لما اطمن عليها
..هاتف زين امه ليطمئن قمر
زين: معلش ي ماما ازعجتك بس قمر بتعيط وعاوزه تطمن عليكي
مني بتمثيل: اديهالي ي زين
قمر بلهفة وبكاء: مني....  مالك ي حبيبتي انتي كويسة
مني: انا كويسة ي قلبي،زين مزعلك ؟!
قمر: لا والله احنا كويسين وكمان مخرجني النهاردة
مني: طيب ي قلبي كملوا فسحة وخلي بالك من نفسك،لو زعلك كلميني. سلام.
زين : اديكي اطمنتي، يلا بينا بقا ،عاوزه تروحي فين؟؟
قمر: عاوزه اشتري شوز اي لون غير ابيض واسود
زين بإبتسامه: احمر
قمر بإشمئزاز: احمر!!  هيبقا شكله بشع.
زين: يلا وانا هختارلك حاجة ع زوقي.
كادوا ان يتحركوا حتي تصنم زين مكانه عندما سمع صوت ذكوري يهتف بإسمها بصوت عاالي ،انه المهندس اسلام ( ال كان مع قمر ف الطيارة واداها رقمه ف المطار وزين شافهم)
استدارت قمر فوجدت هذا المدعو اسلام ينظر لها بإبتسامة واسعه،نظرت بطرف عيناها لزين وجدته يضيق عينيه وينظر لإسلام
إسلام: اسف اني نديت بصوت عالي بس انا لمحتك من بعيد، عامله ايه؟
قمر بتعثلم: ا.. الحمد لله ،حضرتك عامل ايه ،اشارت لأسلام محدثة زين: دا بشمهندس اسلام كمال كان راكب جمبي ف الطيارة
ثم اشارت الي زين قائلة : دا بشمهندس زين ،ثم اكمات بتعثلم.: آاأاا.. زي اخويا
نظر لها نظرة حارقة عند تلك الكلمة واقسم معاقبتها لاحقا
تصافح كلا من زين واسلام حتي كاد زين ان يخلع كف اسلام بيديه، تحدث اسلام قائلا: بعد اذنك ي بشمهندس كنت عاوز حضرتك علي انفراد ثواني.
تعجبت كثيرا ولكنها نظرت لزين نظرة اخيرة ثم ابتعدت عنهم عدة خطوات وهي تتفحصهم بعينيها لعلها تفهم ما يدور بينهم
اسلام: تشرفت بمعرفة حضرتك يا بشمهندس، كنت عاوز رقم تليفون حضرتك لو معندكش مانع
زين بضيق: ليه
اسلام: ان شاء الله هكلم حضرتك قريب جدا ونحدد معاد وهعرفك السبب.
اعطاه زين الكارت الخاص به ثم تركه دون ان يودعه وذهب إليها قائلا: يلا نمشي
قمر بدهشة: مش هنشتري الشوز
رد عليها اثناء سيره قائلا: لا مش هنشتري ،يلا.
...
في السيارة.
قمر بفضول: هو كان عاوزك ف ايه
زين: مين
قمر بعفوية: اسلام.
استدار لها زين بنظرة اخرستها  ثم بعد قليل اجاب،: كان عاوز رقمي
قمر : ليه
زين: ملكيش فيه ،ومتنطقيش اسم اي زفت راجل من غير ألقاب ،ومتقوليش اسمك لأي حد تتعرفي عليه ،ومتتكلميش مع اي راجل تاني ،فاهمه.
ضحكة عالية كانت ردها له ، صف السيارة بأحد الجوانب واستدار لها بغضب: انا قلت نكته ي استاذة
لم تتمالك نفسها واخذت تضحك ثم قالت مقلدة صوته الغليظ: متتكلميش مع رجاالة تاني، لو راجل سألك علي اسمك قوليله اسمي حنفي ، ثم اكملت ضاحكة بشدة.
نسي غضبه وغيرته وقلقه وسرح بضحكتها النابعة من قلبها ، اين عيونها،انها تختفي تماما عندما تضحك ،حتما لن يتحمل العالم عيونها وضحكتها معا.
زين برومانسية : قمر
توقفت عن الضحك فجأة عندما نطق اسمها للمرة الثانية بهذه الطريقة التي تثير بها احاسيس لأول مرة: نعم
زين بهدوء: بطلي ضحك عشان مش عاوزين نعمل حادثة
قمر بإستغراب: وانا مالي هو انا ال سايقة
زين برومانسية: وانا مقدرش اشوفك بتضحكي ومبصش عليكي ، وجدها قد احمرت بشدة فقرر استفزازها ،اصل انتي كشرية ومبتضحكيش غير من السنة للسنة
....
.. بعد يومان لم يحدث بهم اي جديد ،كان زين يعمل علي الحاسوب الخاص به فرن هاتفه برقم مجهول
زين: الو
...: ايوه ،انا اسلام ي بشمهندس زين ،فاكرني؟
زين: ايوه طبعا،اتفضل
اسلام:كنت عاوز اتكلم مع حضرتك ف مرضوع بخصوص قمر
زين مقاطعا: اسمها انسة قمر، خير عاوز منها ايه
اسلام: بصراحة انا عاوز.....
🔚🔚🔚🔚🔚🔚🔚🔚🔚🔚🔚🔚🔚🔚

ياتري اسلام عاوز ايه وايه رد فعل زين؟
ڤوووت