ثلاثون يوم گافية للوقوع بالحب

part 26

ثلاثون يوم گافية للوقوع بالحب  🌸
صلوا على رسول الله  ❤

💙💙💙💙💙💙💙💙💙💙💙💙💙💙
استيقظت من النوم فزعة وهي تصرخ بإسمه ، لقد رأت كابوسا مزعجا ،اخذت تستغفر الله وتذكر الله حتي هدات قليلا ،كانت الشمس قد اشرقت ، نهضت من الفراش واخذت ملابسها واخذت حماما مريحا وخرجت لتصلي فرضها وجلست تسبح ثم نهضت لتعد شطيرة للإفطار.
.....

نظر زين بجانبه وجد فتاه تعطيه ظهرها المكشوف وشعرها ملقى بعشوائية علي الوسادة ، ادارها إليه بعصبية فصعق عندما وجدها مايا ، نفض يده  ثم قام مسرعا كمن لدغته حية ، ارتدى قميصه ثم اخذ يدور بالغرفة كالمجنون ويجذب خصلات شعره بقوة ،لا يستطيع التفكير بأي شئ ، ولا يأتي بخياله سوي قمر عندما تعلم انه خانها.
اتجه مسرعا لمايا يهزها بعنف حتي استيقظت ببطء كأنها ليست دارية بما حولها ،فقال زين بعصبية: قومي غطي نفسك.
شهقت بتمثيل وغطت جسدها بغطاء الفراش واخذت تنتحب بشدة وهي تقول : عملت فيا ايه ي زين؟ عملت فيا ايه انطق ، دا انا بنت عمك وزي اختك ، هعمل ايه انا دلوقت ،بابي لو عرف هيدبحني.
زين بعصبية وزعيق: انا معرفش دا حصل ازاي ، انا فاكر اني ملمستكيش ،اخر حاجة فاكرها اني قعدت ع البار في النايت كلاب امبارح ،مش قادر افتكر اي حاجة.. ثم جلس علي احد المقاعد وهو يضع يده فوق رأسه بقلة حيلة وخوف شديد من المستقبل.
نهضت مايا وهي تلف الغطاء حول جسدها ثم وقفت امامه قائلة ببكاء: دي الامانة ال بابي امنك عليا ؟ هترد تقوله ايه لما يرجع يلاقيك عملت كده ف بنته ؟؟
زين بقلة حيلة : مش عارف ،مش عارف هعمل ايه مع اي حد ،انا مش فاكر اي حاجة.
مايا بخبث وتمثيل للبكاء : مفيش غير حل واحد للكارثة ال عملتها فيا دي وانت عارفه كويس.
زين وهو يغمض عينيه بألم : اديني فرصة يومين ،يومين بس ي مايا وانا هحل الموضوع ده ،بس عشان خاطري متقوليش حاجة  لعمي.
مايا بتمثيل : حاضر ،ثم تركته ولملمت ملابسها من الغرفة ثم خرجت الي غرفتها.

مر يومان لم يخرج بهما زين من غرفته ولم يتذوق الطعام ، يدخن بشراهة ويحاول جاهدا تذكر ما حدث في تلك الليلة المشؤمة ولكنه لا يستطيع ،افاق من شروده علي صوت صراخ مايا يأتي من الخارج وصوت صياح عمه بإسمه ،فأغمض عينيه من هذا الكابوس المرعب ونهض من مكانه مقررا المواجهة ولا حل سوي ذلك.

نزل الي الاسفل وجد عمه ممسكا مايا من شعرها وهو يصرخ بها بشدة : انطقي ي بنت مين ال عمل فيكي كده ،انطقي انا هقتله لو عرفته.
إلتفت ماجد فوجد زين يقف خلفه فقال: تعالي يا زين يبني إلحقني من الكارثة ال انا فيها ، بنتي ،بنتي يا زين في حد ضحك عليها ،وهي مش راضية تقول ،الزبالة الحقيرة لسه خايفة عليه بعد ال عمله فيها ،انطقي يا بت مين ال عمل فيكي كده؟؟
..: انا يا عمي.
إلتفت له ماجد ببطء قاتل ثم قال بسخرية: انت فاكر انك لما تلبس نفسك تهمة زي دي عشان خايف عليها انا هصدقك ، مستحيل ،انا لازم اعرف مين الحيوان ال عمل كده عشان اقتله  ،انطقي يا حقيرة ، عجبك كده ، ابن عمك عاوز يرمي التهمة علي نفسه عشان خايف عليكي لكن انتي حقيرة وماتستاهليش ، انا هقتلك واقتل الحيوان ده ،قولي هو مين ؟
زين بمرارة : عمي صدقني انا اسف ، عارف انك مش مصدق بس انا فعلا مش فاكر حاجة ومش عارف ده حصل ازاي ،بس في النهاية دي غلطتي وهصلحها.
ماجد ممثلا السقوط ارضا فانحنت مايا لتسنده فقال ماجد ممثلا الضعف : انت!!  انت يا زين!  دا انا امنتك علي بنتي ، تعمل فيها كده ، تجيب فضيحة لعمك وتكسره ؟!
زين بألم: دي غلطتي ولازم اصلحها.
ماجد بضعف: ودي هتصلحا ازاي يا بشمهندس؟
زين بصوت جهوري : عمي انا عاوز اتجوز مايا .

🔚🔚🔚🔚🔚🔚🔚🔚🔚🔚🔚🔚🔚🔚

جات الحزينة تفرح  😮😮✌
بارتين في نفس ذات الساعة  ❤❤
ڤوووت بقا ي حبايبي وكومنتس جميلة زيكووو