ثلاثون يوم گافية للوقوع بالحب

part 22

ثلاثون يوم گافية للوقوع بالحب  ❤
صلوا على رسول الله  🌼

😶 😶 😶 😶 😶 😶 😶 😶 😶 😶 😶 😶

كانت الارض تميد تحت قدميها ،هل كان يكذب في كل ما قال ، ماذا عن القسم الذي اقسمه بأن يتغير ،ماذا عن الوعود التي قطعها بأن يبتعد عن هذا الطريق ،ها كل هذا كان كذبا، ان اكثر ما تبغض هو الكذب ، حسنا من الأن فصاعدا لا يهمها ماذا يفعل ومع من يكون ، المهم لديها ألا تمس كرامتها بشئ او يقلل من شأنها ، وليفعل ما يحلو له. حسنا زين يبدو ان القادم كارثي.

بحث بعيناه عنها فوجدها تقف في احدي الشرفات الموجودة بالقاعة ، كان يبدو عليها الشرود والتفكير العميق ،قال في نفسه: انتي زعلانة ،طب هتعملي ايه لما اقولك علي ال جاي. ربنا يستر.
ثم تحرك نحوها قائلا: مالك؟
قمر ببرود ولم تستدير له: الحمدلله.
زين بتوتر:في حاجة لازم تعرفيها.
قمر بلامبالاة: ايه هي؟
زين وقد استدار ليقف أمامها : انا مضطر اسافر لندن بكره لمدة اسبوعين في شغل ضروري.
قمر بنفس البرود:ترجع بالسلامة.
زين وقد بدأ يغضب من اسلوبها: انا بكلم ردي عليا.
قمر باستفزاز: انا رديت بس انت باين ودنك بتوجعك.
زين وهو يصر اسنانه: متخلنيش انكد عليكي.
ضحكت بصوت عالي قاصدة استفزازه أكثر : تنكد عليا مرة وحدة!!  طيب معلش.
زين بغضب: اقسم بالله لو....
قاطعته بغضب مماثل: انا عاوزة امشي من هنا دلوقتي حالا.
زين : وانا مش عاوز ، يبقا تستني لما يجيلي مزاج امشي.
ق:مر ببرود: اوك.
استغرب استسلامها وشعر انها تخطط لشئ ولكنه تجاهلها ورحل.
ذهبت قمر إلي چين وسألتها عن حقيبتها التي تركتها معها فاعطتها چين الحقيبة واخذتها قمر وتسللت بهدوء دون اثارة انتباه الحاضرين وخرجت من الفندق ،ارادت ان تمشي بسرعة ولكن كان يعيقها حذاءها ذو الكعب العالي فخلعته وامسكته بيدها ،خرجت من بوابة الفندق الضخمة لم تجد تاكسي او اي وسيلة مواصلات فقررت السير قليلا حتي تجد تاكسي.
في ذلك الوقت كان زين في اشد حالاته غضبا عندما بحث عنها بالقاعة ولم يجدها فخرج من القاعة ووقف في الردهة ولحق به امير وچين وبعض اصدقاءه
امير: في ايه ي زين؟ وفين المدام؟!
زين بغضب اعمي: معرفش ، سبتها خمس دقايق رجعت ملقتهاش في مكانها ،المصيبة انها متعرفش حاجة هنا ومعهاش فلوس ولا باسبور ولا اي زفت.
تنحنحت چين بتوتر قائلة:زين لقد اخذت قمر حقيبتها الخاصة مني منذ قليل ولكن اقسم لك انني لم اكن اعلم انها تنوي الفرار.
امير مهدئا: حصل حاجة ي زين؟ انت زعلتها او قلتلها حاجة تخليها تعمل كده ؟
زين بتفكير: قمر اول مرة تلبس شوز عالي اوي للدرجة دي فاكيد مش عرفة تمشي فيه  وكمان بتخاف من الضلمة والفندق مفيش قدامه اي وسيلة مواصلات.
قال جملته ثم خرج مسرعا بسيارته التي دوي صوت احتكاك اطاراتها.
چين بقلق: عزيزي يجب ان نلحق بهم،اخشي ان تهور زين يجعله يؤذيها بشكل او بأخر ،لنلحق به رجاءا.
امير: هيا بنا.
....
كانت تسير مسرعة لتعبر الطريق فإذا بضوء سيارة يخترق اذنيها ويدوي صوت احتكاك اطاراتها بالارض ، خرج من السيارة غاضبا وقبض علي زراعيها يهزها بعنف قائلا: انتي رايحة فين؟ انتي متخلفة؟ ممكن اعرف هتروحي فين في وقت زي ده وانتي متعرفيش حد هنا غيري؟ ردي عليا
قم باستسلام: انا تعبت وعايزة انام.
رق قلبه لها في لحظات بمجرد ان رأى شحوب وجهها والارهاق البادي عليه فقال: اركبي.
وصل امير وزوجته فقال زين: تمام..  ارجعوا انتوا الفندق خلصوا الليلة.
چين: رجاءا زين لا تؤذيها.
زين بصرامة: انتهينا.
....
بمجرد ركوبها السيارة بجواره استسلمت عيناها للإغلاق علي الفور ،لا تعلم أهذا نوم ام اغماء ، نظر بجانبه وجدها تغوص في نوم عميق.
...
وصلوا إلي المنزل فأراد ان يحملها الي شقتهم ولكنه اراد معاقبتها علي فعلتها حتي لا تشعر بتهاونه معها فأيقظها بهدوء
زين: قمر...  قمر اصحي
قمر وهي تهذي بصوت ضعيف: كفاية .. كفاية
زين: قومي وصلنا
قمر بهذيان وصوت اعلي : كفاية كده كتير.
هتف زين بصوت اعلي: قمررررر
استيقظت صارخة فارتد زين للخلف قليلا ثم اقترب منها بهدوء وجدها تستغفر بهمس والدموع تبلل رموشها وانفها محمر للغاية.
زين : يلا بينا
خرجت من السيارة بضعف ، ..وصلوا إلي المنزل وعندما اتجهت إلي غرفتها قطع زين طريقها ووقف امامها مباشرة قائلا: رايحة فين
قمر: تعبانة عاوزة ارتاح
زين وهو يقترب خطوة فتتراجع هي خطوة :هيجيلك نفس تنامي وانتي سايبة جوزك يوم فرحكوا لوحده؟
كانت قد اصطدمت بالحائط خلفها فرفع ذراعيه بجوار رأسها وحاصرها بينه وبين الحائط فقالت بتوتر: زين حقيقي انا تعبانة جدا ومش فايقة لهزارك وبعدين يعني اعملك ايه احنا هنكدب الكدبة ومصدقها ؟
زين بهمس بجوار اذنها:مسمعتش ولا كلمة من ال قلتيه غير اسمي، لما بتنطقيه بيبقا ليه طعم تاني ، طعم بنكهتك انتي يا قمر ، يا قمري.
قمر بتوتر ودهشة من اسلوبه: زين انت كويس؟
اقترب منها اكثر قائلا: شفتي بقا انك مصممة تخليني ادوس علي اتفاقنا واعمل حاجات انا نفسي فيها
قمر بتوتر ورعب وخجل من قصده ،فقررت قلب الترابيزة: ليه هي ناتالي مش بتندهلك بإسمك خالص؟
زين وقد بدأ يغضب من مقصدها:قصدك ايه؟ دا وقت تلمحي فيه لحاجات انتهت وصفحتها اتقفلت.
قمر بسخرية: اتقفلت؟ هسألك سؤال ،مين ال اختار ديكور القاعة فرحنا ؟ بس ياريت تجاوب بصراحة
زين بتوتر: ناتالي ،لانها بتفهم في شغل الديكور وكمان انا مكنش عندي وقت. ودا مش معناه ان لسه بينا حاجة ،هي بقت مجرد صديقة
قمر بسخرية :هي كمان قالتلي كده . تصبح على خير يا بشمهندس.
اقترب منها ليطوق خصرها ولكنها نفضت يده عنها قائلة بغضب: اوعي تفكر تلمسني يا زين او تقرب مني. انا طول عمري جد وعايشة حياتي بالشكل ال انا شيفاه صح ،مستحيل كنت اعمل حاجة غصب عني ،معرفش ازاي وافقت علي الكارثة ال انا فيها دي ،انا كنت متأكدة ان ربنا هيعوضني خير علي صبري واني عمري ما قربت من حاجة غلط ،كنت بمر باختبارات كتير والحمدلله كنت بنجح فيها ،لكن المرادي الاختبار شديد، شديد قوي ،حتي لو قلت اني هعدي منه وان ربنا شايلي نصيبي مع حد زيي وشبهي ،لكن صدقني بعد ال شفته معاه كرهت الرجالة كلهم ،كلهم كدابين وزبالة ،يعملوا اي حاجة عشان مصلحتهم ، انا بندم علي كل لحظة اتربينا فيها سوا ،وبندم علي اللحظة ال شفتك فيها في المطار ،دي اسوأ لحظة في حياتي ،من وقتها وانا مشفتش غير كدب وقرف وللأسف اتورطت معاك في حياتك الخربانة دي.  اسمع ي زين ،عشان العيش والملح ال بينا ،من الدقيقة دي لغاية ما سكني يتفتح ،ملكش دعوة بيا نهائي ،انت قلت انك مسافر اسبوعين يعني هترجع مش هتلاقيني موجودة ،وياريت تستعجل محمد في موضوع خطوبته عشان نتطلق.
ثم تركته ودخلت غرفتها بمجرد اغلاق الباب سقطت مغشيا عليها.

ظل واقفا مكانه لا يتحرك ، ماذا عساه يفعل ؟ هو لا يطيق بعدها عنه للحظات وايضا يريد ان يقطع لسانها السليط ،كيف سيبتعد اسبوعان عنها ،كيف سيتركها تعيش في بلد لا تعرفه وحدها اسبوعين ، والكارثة كيف سيقضي اسبوعين بدونها في بلد اخر.

🔚 🔚 🔚 🔚 🔚  🔚 🔚 🔚 🔚 🔚 🔚🔚
#ليه يا دنيا بتحطي ع الجرح كلونيا  😂

ياتري ايه ال هيحصل في الاسبوعين دول وهيأثر بعدين علي زين وقمر
..توقعاااااااااتكوو‘‘‘😮💙