ثلاثون يوم گافية للوقوع بالحب

part 13

ثلاثون يوم گافية للوقوع بالحب  ❤
نيروز  💙
صلوا على رسول الله  🌸
↘↘↘↘↘↘↘↘↘↘↘↘↘↘↘↘↘↘↘↘↘↘

زين: انا طالب منك ايد قمر.
نظر لها وجد فمها مقابلا للأرض من الدهشة،ظلت بضع دقائق علي هذا الوضع ثم انتبهت فغصت بالطعام،ناولها كوب الماء فشربته كله وبقيت تنظر إليه كأنه كائن فضائي ، فتاة اخري في محلها كانت ستجري لتختبئ من خجلها ،لقد صدمها ولم يكن لديها اي فكرة عن هذا الامر ،لقد فكرت في ان زين سيتحدث مع خاله لكي لا يزوج ابنته شابا غير محمد ولكن زين قد فاجأها،افضل الحلول هي البتر.
..
علي الجانب الآخر ،نظر كل من محمد ومنى وسهام لبعضهم البعض نظرة انتصار،لقد نجحت الخطة 😊 ،بالحقيقة ليس بعد 😌 فهم حتى الان لا يعرفون رد فعلها حيال هذا.
ردت سهام قائلة: انت فاجأتني ي زين ،انت بجد عاوز تخطبها ولا عشان تحل المشكلة، لو لحل الموضوع فأنا مش ممكن اسمح ان بنتي تتحط ف موقف زي ده.
زين: لأ طبعا مش زي مانتي فاكره،هو في بس لسه ف البداية.
لم يرد ان يوضع ما يقصد حتى لا تفهم قمر كلامه.
سهام:عموما انت عارف رأيي كويس ،بس لازم ناخد رأيها .لو هي جمبك اديها التليفون.
..
تنحنح زين ثم ناولها الهاتف وقام ليحمل الاطباق الموجودة امامهم الي المطبخ ويحضر كوبان من اي مشروب مهدئ حتي لا تنفجر به وحتي يتحملها لو انفجرت.
سهام: السلام عليكم
تنحنحت قمر ليخرج صوتها : وعليكم السلام.
سهام:زين طلب ايديكي مني ي قلبي،ها! انتي موافقة! ؟
نظرت قمر إلي زين الذي يبعد عنها امتار قليلةثم قالت: انتوا بتهزروا صح؟ اتجوزه ازاي!  دا اكتر حد بيعصبني ويجنني. عموما ي ماما احنا هنتكلم وان شاء الله هنلاقي حل،سلام.
لم تمهلها فرصة للمجادلة واغلقت الخط
...
جاء زين حاملا بيده كوبان من الشاي وجلس امامها،نظرت له ثم قالت: ممكن تشرحلي ال بيحصل ، انا مش فهمه.
زين: كل حاجة حصلت قدامك ،زي ما سمعتي انا طلبت ايدك من مامتك.
عند هذه اللحظة لم تتمالك نفسها وقامت غاضبة:انت شايفني عيلة صغيرة قدامك ،ما احنا بقالنا يومين بنفكر ف حل ،ع الاقل كنت اديني فكرة بدل منا اتصدمت من كلامك مع ماما.
زين قد علم انه لو اخبرها انه بالفعل يريدها زوجته،بالحقيقة هو لا يحبها بالمعنى الحرفي ولكنه يغاار ولا يريد لأحد غيره ان يراها،ولكنه إن اخبرها بذلك فمستحيل ان توافق ،عليه المراوغة حتي تصبح زوجته ،وقتها سيتأكد من مشاعره ثم لن يتركها تبتعد مهما كلفه الامر. فقال بهدوء : اهدي بس وانا هفهمك،انتي هتوافقي ونكتب الكتاب هنا وماما صحتها تبقا كويسة وبمجرد ما محمد يتجوز صدقيني وقتها هنفذلك ال انتي عوزاه،الفترة دي بس. ولو حبيتي تطلقي بعدها انا موافق..
قمر وقد بدأت تميل للفكرة،فهي قلقة جدا علي منى لانها تعتبرها امها. فقالت: سيبني افكر واصلي استخارة وهرد عليك بكره ان شاء الله.
وقامت من مكانها بشرود تام ودخلت غرفتها.
...
جلست علي الفراش وفتحت الحاسوب الخاص بها لتتحدث قليلا مع صديقتها المقربة.
هاجر: يااه،لسه فكره ان ليكي صحبة تسألي عليها.ولا هو حلاوة زين نستك صحابك؟!
قمر بشرود : هاجر في حاجة مهمة عاوزة احكيلك عنها وعوزاكي تساعديني.
هاجر بقلق: في ايه ي بت قلقتيني.
قمر: انا هتجوز زين.
هاجر بصدمة: ھ.. هتتجوزي!!  وكمان زين!  ايه ال حصل هو عمل فيكي حاجة ؟؟
قمر بزهق: اووف حاجة ايه انتي كمان ،،انا هحكيلك.
وقصت لها قمر كل شئ.
هاجر: اممممممم ،بحكم خبرتي احب اقولك ان الموضوع ده فيه ان
قمر: ازاي بقا ي هانم
هاجر: ايه ال يخلي مني راسها وألف جزمة قديمة ان زين يتجوز الاول ،يعني هي معندهاش مشكلة انه يتسرمح لكن وقت الجواز يبقا هو الاول ،وبعدين ازاي انكل شكري دا عارف ان بنته بتحب محمد وهو بيحبها وهيوافق علي جوازها من حد غيره. انا مش مرتاحة للكلام دا،وبعدين انكل شكري اخو منى يعني ممكن تكلمه وتقنعه اكيد هو مش رجعي عشان يجوز بنته غصب عنها.
قمر بتشتت : مش عرفه انا مبقتش فاهمة حاجة ،انا هصلي استخارة وربنا يقدم ال فيه الخير. سلام.
..
صلت استخارة وجلست تدعي ان يلهمها الله القرار الصائب. ثم خلدت إلي النوم.
جلس زين علي الفراش واخذ يفكر،بالغد ستعطيه رأيها،لم هو متحمس لهذا الحد ،انه يريد ان يعرفه الان ،لكنه كان قلقا حيال الخطة التي اخبرها بها ولا يعلم انه وهي من سقطوا في خدعة اكبر.
..
استيقظت صباحا وهي مليئة بالنشاط وقررت ان تطلب من زين ان تذهب إلي الچيم لتسلي وقتها بشئ مفيد وايضا لديها عدة قرارات اخري..
..
خرجت وجدته يعد طعام الافطار ،ابتسم لها قائلا: صباح الخير ،نمتي كويس؟
قمر بأستغراب:صباح النور،الحمدلله.
جلسوا سويا ليتناولوا طعامهم فقالت: انا عاوزه اروح چيم،متعرفش چيم هنا وياريت لو يكون الستات بمواعيد لوحدها.
ابتسم لها قائلا: هسألك واحد صحبي مصري مراته كانت بتروح چيم نسائي وهقولك. بالنسبة للا...
قاطعته مسرعة:موافقة ،بس عندي شروط
قال بإبتسامة: اتفضلي
قالت بحزم: اولا هنفضل اسبوع كفترة خطوبة وبعده نبقا نكتب الكتاب ،وياريت نكتبه هنا ف السفارة وبلاش نرجع مصر، ثم قالت بخجل :ثانيا جوازنا هيبقا ع الورق بس ،وزي ما اتفقنا بعد ما محمد يتجوز مباشرة هنطلق،ثالثا:تخف عصبيتك وتحكمك واوعى تفكر تعمل فيها جوزي بجد وتقولي متروحيش هنا ومتكلميش ده ومتلبسيش ومتعمليش، انا عارفة حدودي ومش ممكن اتعداها فإطمن. لو شفت انك رجعت لأي عادة سواء الشرب او السهر او البنات وخصوصا البنات ،اعتبر كل اتفاقنا ملغي وهطلب الطلاق وقتها حتي لو قدام منى نفسها. انا خلصت.
زين بتنهيدة ثقيلة: موافق ،كل ال انتي عوزاه هعملهولك ،بس اتمني ارتباطنا ميبعدناش عن بعض ونفضل صحاب.
قمر: ان شاء الله.
زين": طب ايه رأيك نفطر ونخرج نشتري الدبل ؟! عشان نكلم ماما نفرحها.
قمر: اوك.
.........
في السيارة.
زين وهو ينظر للمرآة: اخر مرة هتركبي ورا،واحنا راجعين هتركبي جمبي.
قمر: ليه ،دي مجرد خطوبة .لما نكتب الكتاب ان شاء الله
ذهبوا إلي متجر كبير للمصوغات بأنواعها
زين: تحبي خاتم ألماس ولا نجيب شبكة دهب؟؟
قمر ببساطة: فضة
زين بدهشة: نعم!!! عاوزه شبكتك فضة!!
قمر بضحكة:انت مصدوم ليه،ايوه عاوزه خاتم فضة،اصلي بحبها اووي.
ابتسم زين علي قناعتها. اشتري خاتم وسلسلة بنفس التصميم من افضل انواع الفضة بالعالم واشتري لنفسه محبس.
دخلا إلي محل ملابس للسيدات وتحدث زين مع البائعة انه يريد فستانا بسيط ومحتشم ،عندما سألته علي المقاس اشار الي قمر التي تقف مندهشة مما يحدث فهمت ان تعترض ولكنه تركها عندما لفت نظره فستان مخملي نبيذي اللون عاري الكتفين زو فتحة بطول القدم وبه تطريز فضي بسيط ،اشار للبائعة ان تأخذه فدهشت قمر للغاية وقالت: انت مجنون انا مستحيل ألبس دا ،دي خطوبة انت فاهم ازاي. حتي لو مش خطوبة انا مستحيل ألبسه حتي لو ف اوضتي. 
زين : دا هدية خطوبتنا لكن فستان الخطوبة اهو واشار خلفها.
إلتفتت لتجد البائعة بيدها فستان ازرق اللون مغلق تماما وبه تطريزات عند الرقبة والكتفين ولكنه مجسم ،قالت قمر:مستحيل دا هيبقا ضيق خالص.
زين: انتي محسساني انك ضخمة،دا هيطلع واسع وهيحتاج تعديل كمان،ادخلي قيسيه كدا
جربته قمر وبالفعل كأنه صمم لأجلها ،خرجت بالفستان علي يدها بإبتسامة بسيطة وقالت: مناسب
هتف زين: مخرجتيش بيه ليه.
ضحكت علي عصبيته ثم تركته وذهبت خلف البائعة.
...
ركبا في السيارة ولكنه لم يذهب للمنزل،وقف امام فندق كبير قائلا: يلا ي عروسة
قمر بدهشة:يلا فين ي معلم،هو الفرح النهاردة والعروسة متعرفش،فهمني طيب احنا رايحين فين
زين: ي روح المعلم دي خطوبتنا،هتدخلي تعملي ميكب وتلبسي الفستان عشان في مفاجأة
قمر بزهق:ميكب ايه وفندق ايه،احنا بنمثل ،انت ناسي ولا ايه،كل ده تمثيلية عشان صحة منى مش اكتر ،ملوش لزوم كل ده
زين بإقناع: عشان نكلمهم فيديو وانا بلبسك الشبكة عشان محدش يشك فينا.
لا تعلم لم اقتنعت بكلامه،نزلت من السيارة واوصلها الي الجناح الخاص بها وجدت ميكب ارتيست في انتظارها،ارتدت فستانها ووضعت لمسات هادئة من المكياج والذي غير شكلها للغاية لدرجة انها لم تعرف نفسها بالبداية. دق باب الغرفة فقامت وفتحت له،كان يرتدي حلة من اللون الكحلي وبيبيون من اللون الازرق ،ابتسمت له،انه وسيم للغاية،ولكنه لم يكن معها،لقد كان ينظر للملاك الذي امامه،مستحيل ان يصدق ان بعض الكحل وطلاء الشفاة الوردي سيحولها من طفلة صغيرة إلي فتاة متفجرة الانوثة،اقسم انه لم يري بجمالها قط ،حجابها الابيض جعلها تبدو كالأميرة.
تنحنحت فانتبه لها قائلا: يلا عشان المفاجأة،مستعدة!
ابتسمت له ،مد يديه ليمسك يدها ولكنها هزت رأسها علامة الرفض ،فسار بجانبها حتي رصلوا إلي باب زجاجي كبير ،فتح لها الباب فتصنمت محلها من الصدمة....
🔚🔚🔚🔚🔚🔚🔚🔚🔚🔚🔚🔚🔚🔚

مفيش تفاااعل ليه كده تزعلووني،عاوزه ڤوووت وكومنتس كتير اكتبوا توقعاتكوا ي جماعة.

A great thank for Hagar Ali
شكرا جزيلا هاجر علي  ❤❤ علي الكومنتس وع دعمك لياا