ثلاثون يوم كافية للوقوع بالحب 💖
صلوا على محمد💕
💜💜💜💜💜💜💜💜💜💜💜💜💜💜
صعقوا عندما دلفوا الى الصالون وجدوها تجلس امام التلفاز وبمجرد ان رأت زين حتى اتت مسرعة تجاهه قائلة: زينووو... وحشتني ي بيبي.
اختفت ابتسامتها بمجرد ان رأت قمر تقف بجواره فهتفت بغيظ: البنت دي بتعمل ايه معاك انت مش كنت طلقتها؟
اغتاظت قمر رغم صدمتها من وجود تلك الحقيرة وعلى الفور اتهمت زين انه سمح لها بالدخول فنظرت له نظرات شك فهمها على الفور فقال موجها حديثه لمايا: انتي ال بتعملي ايه هنا؟ دخلتي هنا ازاي؟
مايا بغنج وهي تضع يديها على كتفه: قولت للسكيورتي اني مراتك واديتهم ال ID بتاعتي فإدوني كريديت ادخل بيه،بس ايه رأيك في المفاجأة،حلوة؟
قمر بغيرة: انتي لسه مراته؟
مايا وهي تترك زين وتتوجه الى قمر: انتي مين عشان تتدخلي بيني وبين جوزي،انتي مش كنتي اطلقتي وخلصنا؟ ولا انتي بتحبي الحرام اكتر.
صرخ بها زين قائلا: مايا إلزمي حدودك.
اما قمر،اوشكت على صفعها ولكنها تراجعت.
اقتربت من زين بدلال ووضعت يديها على كتفه و أراحت رأسها على صدره وقالت: راجل و مراته قعدين ف بيتهم براحتهم،انتي بقا هنا بصفتك ايه؟ مراته التانية ال سلمت نفسها ليه من غير جواز؟
مايا بغل: شايف ي زين...شايف البتاعة دي بتقول عني ايه؟
زين منهيا الجدال: خلااص مسمعش صوت،انتي هنا ليه ي مايا؟
مايا بغنج: مامي سافرت امريكا هي و دادي عشان تعمل عملية وانا معرفتش استنى ف الفيلا لوحدي،وكمان انت وحشتني ي روحي.
زين بحدة: العملية دي هتستمر قد ايه؟
مايا: حوالي شهر ي قلبي.
نظرت له قمر بغيظ شديد فنظر لها مطمئنا وقال: علشان نعدي الشهر ده بسلام ومن غير خناق في سيستم لازم نمشي عليه،ال هتعترض هي حرة.
مايا هتاخد الأوضة ال تحت وقمر معايا فوق ف الجناح بتاعي.
مايا باعتراض ووقاحة : انا كمان مراتك زيي زيها،من حقي ابقا معاك انا كمان اشمعنا هي.
زين: قمر هتبقا ف اوضة تانية غير اوضتي ي مايا،وكل وحدة فيكو هقضي عندها ليلة.
ابتسمت مايا بسعادة بينما اضطربت قمر ونظرت إليه وجدته يبتسم فاغتاظت أكثر واشتعلت غيرتها.
زين: بالنسبة لشغل البيت والطبخ ف من بكرة ان شاء الله هجيب دادة.
تركته قمر قبل ان ينهي حديثه وصعدت الى الجناح الخاص بهما مسرعة.
دلفت الى غرفة الملابس وجمعت ملابسها واحتياجاتها وتوجهت الى الغرفة المجاورة لغرفة زين،وضعت ملابسها بالخزانة وبدأت بترتيب اغراضها منتظرة مجيئه ولكنه تأخر فظنت انه يقضي وقته مع مايا فاشتعلت غيرتها اكثر.
......
بعد ما يقارب النصف ساعة.
كانت قد ابدلت ملابسها بمنامة قطنية خضراء بها رسوم باللون الزيتوني وجمعت شعرها برابطة وأخفته خلف غطاء الرأس الملحقة بالمنامة وفتحت حاسوبها وبدون تفكير هاتفت محمد الذي لم يجيب،عاودت الاتصال مرات عديدة ولكن فجأة فتح باب الغرفة وطل منه زين مبتسما لها فوضعت الحاسوب بجوارها على الفراش وهبت واقفة امامه قائلة: انت ازاي تدخل من غير ما تخبط؟
رفع حاجبه بدهشة من تغيرها المفاجئ رغم توقعه انها ستغضب من وجود مايا فقال: استأذن عشان اشوف مراتي؟
قمر بغضب: لو سمحت اخرج بره وبعد كده تستأذن قبل ما تدخل ي اما هسيبلك البيت وامشي اهو افضيلك مكان عشان تاخد راحتك.
ابتسم بسعادة على غيرتها الواضحة وقال: اممممم.. القمر غيران مش كده،عموما انا ميملاش عيني غيرك ي روحي.
ابتعدت الخطوة التي خطاها نحوها وقالت بعصبية: زين بطل اسلوبك ده بقا،انا معدتش هصدقك او هثق فيك تاني.
قطب حاجبيه باستغراب من كلماتها وقال: قصدك ايه مش فاهم؟
قمر بغضب: قصدي انت فاهمه كويس،اوعى تكون فاكر اني صدقت التمثيلية بتاعتكو وان امها بتعمل عملية وانها اخدت كريديت من الأمن والكلام الأهبل ده.
زين: طيب انتي فاكره ايه؟ فاكر ان انا ال جبتها؟
قمر: طبعا،الهانم لسه ع زمتك ومقلتليش وكمان جايبها هنا عشان تشوفني لما رجعتلك بعد ما خونتني معاها واتجوزتها عليا،انا معرفش انا متحملة تصرفاتك دي ليه،ابعد عني ي زين انا تعبت.
زين بغضب من اتهاماتها: انتي دماغك دي فيها ايه؟ تفكيرك كله غلط ومعندكيش اي ثقة فيا ليه رغم اني بعمل كل حاجة عشان اخليكي سعيدة وال بيحصل ده غصب عني والله انا مكنتش اعرف انها هنا وطبيعي لما تدي الأمن بطاقتها ويتأكدوا انها مراتي هيعطوها كريديت تدخل بيه.
قمر: تمام....فهمني بقا هي لسه ع زمتك ليه؟ علشان بنتك؟
زين بصدمة: بنتي!!!
قمر ببكاء: ايوه بنتك ال خلفتها منها،انا ازاي رجعتلك بعد كل ال عملته ده؟ اتجوزتها وخلفت منها وجايبها هنا تشوفني لما رجعتلك بعد ما طلقتني قدامها وسبتني امشي،وانا ال غبية وفرحت لما عرفت اني لسه ع زمتك.
انهارت باكية تخبئ وجهها بين كفيها وجلست على الفراش بيأس.
نظر لها بقلة حيلة وقال: قمر انا مخلفتش من مايا،البنت ال كنتي بتشوفي صورها معايا دي قمر بنت امير و چين،انا ال مسميها ع اسمك عشان لما توحشيني اشوفك فيها،بحبها ومتعلق بيها وباخدها معايا كل مكان لدرجة ان الصحفيين افتكروها بنتي.
بلاش سوء الظن ال عندك ده وحاولي تثقي فيا شويه لأنك لو فضلتي كده هتهدي كل ال انا ببنيه ف علاقتنا.
خلاصة الكلام،انا هسيبك برحتك تعملي ال انتي عوزاه،بس اعملي حسابك من بكره هتنزلي معايا الشغل بصفتك المساعدة بتاعتي،و دا قرار مفيهوش نقاش،حياتنا الخاصة ملهاش علاقة بالشغل.
و حاولي متحتكيش بمايا عشان ميحصلش مشاكل.
أنت تقرأ
ثلاثون يوم گافية للوقوع بالحب
عاطفيةI fell in love with you not for how you look, just for who you are. ❤
