ကျုပ်က ပါရမီရှင် (Chapter 401-600)

Chapter 451

စာစဉ် 31 Chapter 451 သေချာပေါက် နောက်ဆုံးအကြိမ်ပဲ

*ငါလခွမ်းတဲ့မှပဲ*

ရဲ့လင်းချန် သွေးအန်လုနီးပါး ဖြစ်သွားသည်။

*ဒါက ဘယ်လိုလုပ် စွမ်းရည်တစ်ခု ဖြစ်ရမှာလဲ*

သူ ကံကောင်းသည်ဟု ခံစားခဲ့မိခြင်းက မှားနေသည့်ပုံပင်။

လက်ရှိ၌ သူ၏ တစ်ခုတည်းသော မျှော်လင့်ချက်မှာ စွမ်းရည်က အားထားရသော စွမ်းရည် ဖြစ်ရန်သာ ဖြစ်လေသည်။

ရဲ့လင်းချန်၏ မခံမရပ်နိုင် ဖြစ်နေသော အကြည့်အောက်၌ သောက်စားခြင်း စွမ်းရည်အား ရွှေရောင် အလင်းနှင့်အတူ အခြားစွမ်းရည်တစ်ခုက အစားထိုးသွားလေသည်။

*အဆိပ်ပြီးခြင်း ဆိုပါလား*

*မြတ်စွာဘုရား*

*ဒါက .... အံ့ဩစရာတွေက နေရာတိုင်းမှာ ရှိနေပါလား*

*ဒါက အဆိပ်ပြီးခြင်းပဲ၊ ဒီတစ်ခါတော့ ငါ့ကို တားဆီးလို့ မရနိုင်တော့ဘူး*

*မဟုတ်မှလွဲရော ဒီနေ့ အစောပိုင်းတုန်းက မြစ်ရေ ညစ်ညမ်းတာကို ငါ ရွံခဲ့လို့ စနစ်က ငါ့ကို ဆုချတာများလား*

*အဆိပ်ပြီးခြင်း (အခြေခံအဆင့်) အဆိပ်များကို ရှောင်နိုင်သည့် အခြေခံ စွမ်းရည်။ သာမန် အဆိပ်များက ယခု သင့်ကို မခြိမ်းခြောက်နိုင်တော့ပါ။*

၎င်းက ရေဝိညာဉ် ခန္ဓာကိုယ်နှင့် ဆင်တူသည်။ ၎င်းက စွမ်းရည်အဆင့်ထက်ပင် ကျော်လွန်နေပြီး ထူးခြားသော ခန္ဓာကိုယ် အမျိုးအစားတစ်ခု ဖြစ်နေလေပြီ။

စွမ်းရည် ဖော်ပြချက်က စွမ်းရည်၏ အကန့်အသတ်ကို မသတ်မှတ်ထားသော်လည်း စနစ်မှ ပေးလာသော စွမ်းရည်အားလုံး၏ သဘောတရားအရ အားလုံးက ထိပ်တန်း အရည်အသွေးများပင်။ ဤစွမ်းရည်က သူ့ကို စိတ်ပျက်အောင် မလုပ်နိုင်ဟု ရဲ့လင်းချန် ယုံကြည်ထားသည်။

အဆိပ်ပြီးခြင်းသည် လူတိုင်း စိတ်ကူးယဉ်မိသော ဆန်းကြယ်သည့် ခန္ဓာကိုယ်တစ်ခု ဖြစ်သည်မှာ အသေအချာပင်။ ရဲ့လင်းချန်အတွက်မူ ယင်းအား အကောင်းတကာ့ အကောင်းဆုံးစု ဆိုနိုင်ပေသည်။ သူ့အား ခြိမ်းခြောက်နိုင်သော အရာက အနည်းငယ်သာလျင် ရှိသည်။ အဆိပ်ပြီးခြင်းနှင့်ဆိုလျင် သူ့၌ ယုံကြည်ချက် ပိုရှိလာလေပြီ။