ကျုပ်က ပါရမီရှင် (Chapter 401-600)

Chapter 548

စာစဉ် 37 Chapter 548 ကျွန်းတစ်ကျွန်း၏ ပိုင်ရှင် ဖြစ်လာခြင်း

စစ်သည်တော်ဌာန၏ ရုံးခန်းအတွင်း၌။

လက်ရှိတွင် ပျက်စီးသွားသော နေရာများအား ဒဏ်ရာ ရရှိထားသော်လည်း လိုလိုလားလားနှင့် ရှင်းလင်း ပြင်ဆင် ပေးနေကြသည်။ အချို့သော ဒဏ်ရာ အပြင်းအထန် ရထားသည့် စစ်သည်တော်များသည်လည်း ဝင်လုပ်နေ ပေးနေ၏။

ရုံးခန်းထဲ၌ ရဲ့လင်းချန်နှင့် နည်းပြချုပ် ငါးယောက်အပြင် ထူးခြားသည့် ရာထူးရှိသူများသာ ကျန်ရှိလေသည်။

ရဲ့လင်းချန်က စာချုပ်တစ်ခုကိုကိုင်၍ ဖတ်နေသည်။

စာချုပ်သည် မြေလွှဲပြောင်းပေးသည့် စာချုပ်ဖြစ်ပြီး ခေါင်းစဉ်ကို ဖတ်ကြည့်ရုံနှင့် နားလည်ပေသည်။ စာချုပ် အကျုံးဝင်သည်နှင့် ရဲ့လင်းချန်သည် ကျွန်းတစ်ကျွန်းကို ပိုင်ဆိုင်ရပေလိမ့်မည်။

ကျွန်း: အမည်မဲ့၊ စုစုပေါင်း အရွယ်အစား ၅.၂ စတုရန်း ကီလိုမီတာ၊ တရုတ်နိုင်ငံ၏ အရှေ့မြောက်ဘက် ရေပြင်၌ တည်ရှိသည်။ အနီးဆုံး အဓိကခရိုင်မှာ တုန်းရှန်း ခရိုင်ဖြစ်ပြီး မဖွံ့ဖြိုးသေးသော နေရာတစ်ခု ဖြစ်လေသည်။

၅.၂ စတုရန်း ကီလိုမီတာသည် အလွန် ကြီးမားသည်ဟု သတ်မှတ်နိုင်ပေသည်။ ဧကသို့ ပြောင်းတွက်ကြည့်လျင် ဧကပေါင်း ၇၈၀၀ ရှိပြီး စတုရန်း မီတာဆိုလျင် ၅.၂ သန်း စတုရန်းမီတာ ရှိသည်။ နှိုင်းယှဉ်ကြည့်လိုက်လျင် အခြားနိုင်ငံများရှိ ကမ္ဘာလှည့် ခရီးသွားကျွန်းများထက် ပို၍ ကြီးမားလေသည်။

အတိုချုပ်၍ ပြောရလျင် ထိုဧရိယာက အလွန်အမင်း ကြီးမားလှပေသည်။

သို့သော် ချင်ပိုင်ချွမ်း၏ ကမ်းလှမ်းမှုကို ကြားပြီးနောက် ရဲ့လင်းချန်သည် မိမိ အတော် နုံလွန်းသည်ဟု ခံစားလိုက် ရသည်။

ကျွန်းတစ်ကျွန်းကို ဝယ်နိုင်သည့် အရည်အချင်းကို သူ ရလိုက်လျင်တောင်မှ စတုရန်းပေ ၈၀၀ ၏ အနိမ့်ဆုံးဈေးက အနည်းဆုံး ၄.၁၆ ဘီလီယံ ကုန်ကျပေမည်။

*ဒါ ပိုက်ဆံ အများကြီးပဲမလား*

*စတုရန်းပေ တစ်ပေကို ၈၀၀ က တော်တော် ဈေးချိုတာပဲ*