ကျုပ်က ပါရမီရှင် (Chapter 401-600)

Chapter 466

စာစဉ် 32 Chapter 466 မင်းက အားနည်းလွန်းတာ မဟုတ်ဘူး၊ ငါက သန်မာလွန်းတာ

"ရပြီကွ"

ရဲ့လင်းချန်၏ ညွှန်ကြားချက်ကို ကြားသောအခါ ရှန်းက စိတ်နှစ်ထားလိုက်သည်။ သူက အံကိုကြိတ်၍ အားသွန်ခွန်စိုက် ကြိုးစား၍ ပြိုင်ဘက်အသင်းအား ရင်ဆိုင်ရန် ဆုံးဖြတ်လိုက်လေသည်။

Earthshaker ၏ စွမ်းရည်များက ထိခိုက်မှုနှင့် လူအုပ် ထိန်းချုပ်ခြင်းတို့ ပေါင်းစပ်ထားခြင်း ဖြစ်သည်။ သူက စွမ်းရည် အားလုံးကို Zeus ကို ချိန်ထားသည်။

အာလူးလေးက ရှန်းနှင့် လမ်းအတူတူပင်။ သူသည်လည်း စွမ်းရည်အားလုံးကို Slardar အပေါ် ထုတ်သုံးနေ၏။

ထင်ထားသည့်အတိုင်းပင် Earthshaker က မိုးပေါ်သို့ မြောက်တက်သွားပြီး မြေကြီးပေါ်သို့ ပြန်ကျလာသည်။

သို့သော် ဤသို့သော ပြင်းထန်သည့် ရုန်းကန်မှုအောက်၌ Slardar နှင့် Zeus တို့၏ သွေးစက်များ လျော့နည်းသွားသည်။ Zeus တွင် သူ၏ သွေးစက် သုံးပုံတစ်ပုံသာ ကျန်တော့လေသည်။

ရဲ့လင်းချန်သည် သူ့ကင်မရာကို တိုက်ပွဲပေါ်သို့ ထပ်မံ၍ ချိန်ညှိလိုက်ပြီးနောက် Sun Strike အား Zeus နား ထားလိုက်သည်။

Sun Strike: မန္တန် ဧရိယာအတွင်း ပြင်းထန်သော ပျက်စီးမှု ဖြစ်ပေါ်စေနိုင်၊ နှစ်စက္ကန့် နှောင့်နှေး။

စွမ်းရည်သည် ပျက်စီးမှု ပြင်းသော်လည်း နှေးကွေးသော စွမ်းရည် ဖြစ်သည်။ ပြိုင်ဘက်က ငြိမ်ငြိမ် မရပ်သရွေ့ ထိမှန်မည့် နေရာကို ခန့်မှန်းရန် ခဲယဉ်းပေသည်။ ပုံမှန် အချိန်၌ ဤမန္တန် သုံးရန် အလွန် တွက်ချက်ရပေမည်။

သို့သော် ရဲ့လင်းချန်က ခပ်မြန်မြန် တစ်ချက်သာ ကြည့်ပြီး ရလဒ်ကို လုံးဝ အရေးမစိုက်သကဲ့သို့ စွမ်းရည်ကို ချက်ချင်း ထုတ်သုံးလိုက်သည်။

သို့သော် နှစ်စက္ကန့် အကြာ၌ ...

"အား ..."

ဝူအာ၏ အော်သံကို ကြားလိုက်ရသည်။ ဘယ်နေရာက ပေါ်လာမှန်းမသိသော Sun Strike ကြောင့် သူမ အံ့ဩသွားပြီး Zeus cooldown ဖြစ်သည်ကို ကြည့်နေရသည်။ သူမ လုံးဝ အံ့အားသင့်နေ၏။