ကျုပ်က ပါရမီရှင် (Chapter 401-600)

Chapter 558

စာစဉ် 38 Chapter 558 ရှားပါးမှုကို မကြောက်သော်လည်း ညီညွှတ်မှုမရှိခြင်းကို ကြောက်ရွံ့ခြင်း

ဒင်

ကြည်လင် ပြတ်သားသော အသံနှင့်အတူ အလင်းရောင်က လျင်မြန်စွာ ပြေးခြင်း စွမ်းရည် (အလယ်အလတ် အဆင့်) ၌ ရပ်သွားလေသည်။

*မိုက်တယ်ဟ*

ရဲ့လင်းချန်၏ စိုးရိမ်နေသော နှလုံးသားက နောက်ဆုံး၌ တည်ငြိမ်လာသည်။ သားရဲ ယဉ်ပါးခြင်း စွမ်းရည် မဟုတ်သရွေ့ အခြားအရာအားလုံးက အဆင်ပြေပါသည်။

ပြောရမည်ဆိုလျင် သားရဲ ယဉ်ပါးခြင်းစွမ်းရည်က အားနည်းသော စွမ်းရည် မဟုတ်ပါ။ သို့သော် ၎င်း၏ အသုံးဝင်မှုက ရဲ့လင်းချန်၏ ခွန်အားအပေါ် တိုက်ရိုက် သက်ရောက်နိုင်သော ကျန်စွမ်းရည် သုံးခုနှင့် ယှဉ်လိုက်လျင် သိပ်မကောင်းချေ။

ရှစ်ဆ ပြင်းထန် သားရဲလေ့ကျင့်ခန်းက ရဲ့လင်းချန်၏ ကိုယ်ခန္ဓာကို ကြီးမားစွာ တိုးတက်စေနိုင်သည်။ ၎င်းသည် အလယ်အလတ်အဆင့်သာ ရှိသေးသော်လည်း ကျည်ဆံကို ဟန့်တားနိုင်၏။ အဆင့်မြင့်အဆင့်သို့သာ ရောက်သွားပါက ရဲ့လင်းချန် ဘာကိုမှ ကြောက်စရာ မလိုလောက်ပါ။

အရဟာ လက်သီးစွမ်းရည်၌ ပြောင်မြောက်သော တိုက်ခိုက်မှု စွမ်းရည် ရှိပြီး သူ့အား လူသားသဏ္ဍာန် ဗုံးတစ်လုံး အဖြစ် ပြောင်းလဲစေနိုင်သည်။

တစ်ဖက်တွင်မူ လျင်မြန်စွာ ပြေးခြင်းစွမ်းရည်သည် အရှောင်အတိမ်း စွမ်းရည် ဖြစ်သည်။

၎င်းတို့ တစ်ခုချင်းစီက ခံစစ်၊ တိုက်စစ်နှင့် လွတ်မြောက်ခြင်းတို့ကို အဓိက ထားလေသည်။ ၎င်းသည် ရဲ့လင်းချန် အသည်းအသန် လိုအပ်သော အရာများပင်။

အလင်းရောင် လွင့်ပြယ်သွားသည်နှင့် လျင်မြန်စွာ ပြေးခြင်း စွမ်းရည် (အလယ်အလတ် အဆင့်) က လျင်မြန်စွာ ပြေးခြင်း စွမ်းရည် (အဆင့်မြင့် အဆင့်) သို့ အဆင့်တက်သွားသည်။

[လျင်မြန်စွာ ပြေးခြင်းစွမ်းရည် (အဆင့်မြင့် အဆင့်): ဤအဆင့်၌ သင်သည် လေပေါ်သို့ တက်လှမ်းနိုင်ပြီး ပြေးလွှား နိုင်၏။]