Yeh Rishta Meetha Sa ❤

Part 107 - Keesh and Kaira at loggerheads!!

Evening:

Haveli:

Keerti rasoi ghar mein khadi gehen chintan mein doobi hui hai. Gas pe doodh chadha hua tha jisme ubaal aa raha tha lekin girne se pehle hi koi aake gas off kar deta hai... Ye Rakhi thi jo Keerti ka haath pakadte hue bolti hai -

"Dhyan kahaan hai tumhara... dekho doodh girne wala tha, abhi haath jal jaata."

Keerti ka dhyan toot chuka tha.. woh hath chhudate hue bolti hai -
"Thanks.. thanks bua ji"

Rakhi - I'm really sorry, maine shayad tumhe kuchh jyada hi bol diya..

Keerti - Koi baat nahi buaji, aap sorry mat boliye.

Rakhi - Lekin coffee sach mein achi nahi thi, matlab mujhe jaisi chahiye waisi nahi thi.

Keerti - Sorry buaji..

Rakhi - Nahi tum sorry mat bolo, tumhe thodi pata tha ki mujhe kaisi coffee pasand hai..

Keerti ispe kuchh nahi bolti.

Rakhi - Chalo main tumhe apne type ki coffee banana sikhati hoon..

Keerti - Okay..

Fir Rakhi aur Keerti milke coffee banane lagte hain..
_____________________________________

Goenka Villa:

Manik aur Bhoomika aa chuke thay lekin abhi woh garden mein hi baithe thay.

Bhoomika - Pata nahi Meet bhaiya ne hume garden mein rukne ke liye kyun kaha?

Manik - Woh aayenge toh poochh lena.. befaltu mein panic karti rehti hai.. Piddi..!!

Bhoomika kuchh bolne ko hoti hai tabhi samne se Meet aata dikhai deta hai jiske chehre pe gussa saaf jhalak raha tha.. usey dekh Manik-Bhoomika uth khade hote hain.

Meet (unke paas aake) - Makeup kit lekar aaye ho?

Manik - Hmm!

Meet - Laane ki zaroorat thi?

Manik - Nopes..

Meet - Toh fir kyun lekar aaye ho?

Bhoomika - Kyunki aapne sabse bahaana banaya ki hum dono make-up kit lene market gayein hain..

Meet - Mujhe bahaana banane ki zaroorat kyun padi?

Manik - Kyunki hum purane Hanuman mandir gayein thay.

Meet - Toh kya zaroorat thi Hanuman mandir jaane ki.. woh bhi bina mujhe bataye. Tum dono jaante ho na ki wahaan jaana sakht manaa hai, fir kyun gaye?

Bhoomika - Woh bhaiya ye Manik jaane ki zidd kar raha tha, main toh bas iske sath.... gayi...

Meet - Theek! Lekin tu toh mujhe bata sakti thi na.. ab nahi bataya toh chup hi reh.

Bhoomika aage kuchh nahi bolti..

Manik - Bhaiya woh sab rumours hain mandir ke baare mein.. reality mein aisa kuchh nahi hai.

Meet - I know... But main darr gaya tha yaar. Tum dono ko mainn yahaan lekar aaya hoon, agar kuchh ho jayega toh uska responsible kon hoga??

Ispe Manik bhi koi jawaab nahi deta.

Meet - Bolo main kya jawaab dunga uncles aur aunties ko.. kya kahunga unse ??

Manik (masoom ki tarah) - Keh dena ki aapne birthday ke din bhi mujhe daanta..